Adnan Oktar A9 TV; 20 may 2014

Yas hörmət mənasındadır; nəzakət göstərmək, diqqət yetirmək, maraqlanmaq. Yoxsa üz-gözünü cırmaq, ağlamaq, kədərlənmək, dərd çəkmək, dağıtmaq, iztirab çəkmək deyil. Bunlar şirk olar.

Bir insan Allah Qatına, cənnətə gedən bir insan üçün özünü döyürsə, ağlayırsa, üz-gözünü cırırsa bu Allahın yaratdığını bəyənməmək, Allaha üsyan etməkdir, haşa. Amma Allaha şükür edirsə, həmd edirsə, sevinc içində Allaha qovuşmanı, Allah ilə birləşməyi, cənnətə getməyi gözəl sayırsa bu, mömin xüsusiyyətidir. Əksi müşrik xüsusiyyətidir.

Ölən insanlardan sonra yas tutmaq Məkkə müşriklərinin adəti idi. Şumerlərdən, qədim yunanlardan qalma bütpərəst adətidir.

Yasdan bir şey çıxmaz. Yas çox passiv bir hərəkətdir; ancaq ağlayırsan yaxud üzülürsən yaxud qəmgin olursan. Yas həll yolu deyil, İsrail və Fələstini barışdırmaq həll yoludur. Sülh üçün də hər iki tərəflə əlaqə qurmaq həll yoludur. Bir tərəfə qəzəbli olub əlaqə qurmasan sülh olmaz.

“Hər şeyə ağlayın” məntiqi çox anormaldır. Bu, Məkkə müşriklərində, daha qədim dövrlərdə Şumer müşriklərində olan sistemdir. Çox səmimiyyətsiz şəkildə Allaha təvəkkül edilmədiyini göstərən hərəkətdir. Bir insan Allahın yaratmadığını düşünürsə ağlayar.

Hər gün insan ölür. Biz dünyadayıq, imtahan mühitindəyik. Hər gün xəstələnən insanlar olur. Matəmi haradan çıxarırsan? Quranda yoxdur. İslam dinində belə bir anlayış yoxdur. Ancaq müşrik xarakterdə var, bütpərəst inancda vardır. Çoxilahlı dinlərin xüsusiyyətidir. Amma İslamda belə bir şey yoxdur.

Yas tutmaq məntiqi birmənalı olaraq düzgün deyil. Müsəlmanda elə şey olmaz. Dünyaya göndərən də Allahdır, Öz qatına alan da Allahdır. Qədərə təslimiyyət, Allahın xeyrinə, gözəlliyinə, bərəkətinə etimad etmək lazımdır, doğru olan budur. Əks təqdirdə insana yaraşmayan hərəkətdir.

Allah canını aldığına görə, onu xeyirlə dünyaya gətirmiş, xeyirlə də Öz qatına almışdır. Ağlamağın mənası yoxdur. Rəbbimizin qədərindən razı olmaq, onda xeyir görmək möminin xüsusiyyəti olmalıdır.

Mömin həmişə sevincli, xoş əhvali-ruhiyyəli olmalıdır, Allahın hökmünə razı olmalıdır. Hz. Mövlana deyir: "Mən vəfat edərkən bayram edin". Şəbi Arus ilə Mövləvilər Mövlana üçün çalğıları ilə rəqs edərlər.

Cənnət sevinc yurdudur, sonsuz xoşbəxtlik və gözəllikdir. Hər şeyin ən yaxşısının olduğu bir yurda vəfat edən bir vildanı yola salırsansa yas tutmaq fikri səhv olar. “Allahın etdiyini bəyənmədim, mən daha yaxşısını bilirəm” mənası verər. Haşa. Allaha şirk qoşmaq olar

Şəhidliklə fəxr edilər. Şəhidlik şərəfdir, nemətdir, yas saxlayacaq bir şey yoxdur. Müşriklər yas saxlayarlar. Kafirlər ağlayar, Allah ayədə: "Az gülüb çox ağlasınlar" deyir. Bəs sən nə deyirsən? "Gülməyin" deyirsən. Allah bunu müşriklər üçün söyləyir. Müsəlman gülər və Allaha olan eşqindən ötrü ağlayar.

Matəm birmənalı olaraq haramdır. Möminin Allaha qovuşması şadlıqdır. ALLAHA QOVUŞMAQ ÜÇÜN SEVİNC, BAYRAM VƏSİLƏSİDİR, AĞLAMAQ ÜÇÜN VƏSİLƏ DEYİL. AĞLAYIRSANSA DEMƏK Kİ, ALLAHA ÜSYAN EDİRSƏN.

İSLAMİYYƏTDƏ MATƏM SAXLAMAQ YOXDUR. ALLAH VERDİYİ CANI DA, ALLAH ALAR. Hər gün ölən insanlar olur. Hər gün normal əcəli ilə ölən, şəhid olanlar, qəzada ölən insanlar vardır. Onda bütün Türkiyə ilə birlikdə gecə-gündüz illərlə yas tutmalıyıq. ŞƏHADƏT HƏM DƏ SEVİNC VƏSİLƏSİDİR. ŞƏHİDLİYƏ KƏDƏRLƏNİRSƏNSƏ İMAN ETMƏMİSƏN. Allah əsirgəsin. Şəhidlik sevinc duyulan hadisədir. Allah hər birimizə nəsib etsin, inşaAllah. Qoç igidlərim şəhid olur, fəxr edirik.

Biz Allahdan razıyıq. Allahın etdiyi hər şeyi hikmətlə və gözəl etdiyinə inanırıq. Şəhidlərimizlə də fəxr edirik. Yas tutmuruq, matəmə girmirik. Bunun da şirk olduğunu bilirik. Heç kim, bizi belə çirkin günaha, harama dəvət etməsin.

Xurafatçı keyfiyyətli olmağı bacarmaz, bacara bilmədiyi üçün də keyfiyyəti aradan qaldırmağa çalışar.

Peyğəmbər (s.ə.v) yalnız Qurana uymaqda məsuldur. Qurana nə əlavə edə bilər, nə də çıxara bilər.

Din Türkiyədə çox yayılıbdır. Dinin istiliyi və qoruyuculuğu hər yeri bürüsün. Kazinoda da dinin istiliyi olsun, çimərlikdə də dinin istiliyi olsun, məclisdə də dinin istiliyi olsun. Hər yerdə. Belə olduqda gözəl olar.

Müşrik müsəlmana xeyrin gəlməsini istəməz, müsəlmanın gülməyini, əylənməyini, gözəl geyinməyini, gözəl evdə yaşamasını, təhsilli, keyfiyyətli olmasını istəməz. Özü kimi pisliyi hər yerdə müdafiə edər. Hər kəsin pislik içində olmağını istəyər. Buna icazə vermərik. Allah icazə verməz, qulunu da vəsilə edər.

Sən də Qurana təslim ol, sən də Allahı sev, sən də eşqi yaşa Allah səni də gözəlləşdirər. Həsəd çəkməyi, kini, nifrəti, qısqanclığı yaşasan nə olar? Hüceyrə xərçəng xəstəsi olar. Burnu, ağızı, əli çirkinləşir, bədəni çirkinləşir.

Sağ düşüncə, mühafizəkarlıq bizə keyfiyyətsiz həyat təqdim etməz. Sağ düşüncə və mühafizəkarlığı çox yaraşmayan şəkildə şərh edən, ağızı bağlanmayan bir kütlə var. Yaxın Şərq onların idarəsinə keçdiyi üçün bu qaranlıq, çirkli görünüş bir çox yerdə geniş şəkildə müşahidə edilir.

Xurafata qarşı Quran ilə mübarizə aparmaq lazımdır.

İslam aləmi Putini bağrına bassa, əməkdaşlıq etsə, İslam Birliyinin mühüm bir üzvü olaraq da Rusiyanı İslam Birliyinə daxil etsə möhtəşəm olar. Rusiyanın ən çox ehtiyat etdiyi şey tək qalmaqdır. İslam aləmi Rusiyanı qucaqladımı bitdi, bütün dünyaya İslam ildırım sürəti ilə hakim olar.

Biz dindarlığı Türkiyədə yayırıq, amma xurafatçılıq şəklində düşünürlərsə buna icazə vermərik.

Namus dindir. Dinin söyləmədiyi bir şeyi söyləmək namussuzluqdur, namusu pozular. Allahın demədiyi bir şeyi Allah deyir desən, Allahın dininə əlavələr etsən o zaman namussuz olarsan, namusunu itirərsən.