Adnan Oktar A9 TV; 13 avqust 2013

Türkiyədə qatı dinçiliyin də, darvinist-materialist, marksist düşüncənin də yolunu biz bağladıq. Elmi, fəlsəfi və fikri işlərimizlə buna vəsilə olduq.

On qatı dinçi etdiyi dinsizlik təbliğatını on min ateist bir yerə yığışsa edə bilməz! Baxın, qatı dinçilərin üç- beş hərəkəti Türkiyəni necə sarsıdır.

Xristianlar, yəhudilər dünyanın hər yerində əzilirlər. Onlara sahib çıxmaq, sevgi, şəfqət göstərmək savab olar, bərəkət gətirər, inşaAllah.

Yəhudi düşmənliyi primitiv dünyagörüşünü əks etdirər.

Dindar yəhudiləri dəstəkləmək lazımdır ki, bölgədə dinsizlik azalsın.

"Mən daim sevgi, səmimiyyət tərəfdarıyam. Harada zülm varsa onun əleyhinəyəm".

Biz müasir İslamı, səhabə dövrü İslamını müdafiə edirik, amma Ortodoks müsəlmanların da, Ortodoks yəhudilərin də rahat yaşamalarını istəyirik. Onları üzmək çox böyük acı olar.

Quranda yəhudiləri izah edən yüzlərlə ayə vardır. Yəhudiləri yox saymaq Qurana uyğun olmaz.

Misirin yəhudilərə sevgi ilə yaxınlaşması və İsraillə dost olması lazımdır. Lakin eyni zamanda ölkədəki Ortodoks müsəlmanların da rahat yaşaması lazımdır. Yəni hər inanca mənsub insana şəfqət və hörmət göstərilməlidir.

Yəhudiləri alçaq görən bir üslub, bərəkətsiz və uğursuz bir üslubdur. Quranda yüzlərlə ayədə yəhudilərdən bəhs edilir. Allah dindar bəni-İsrail xanımları ilə evlənə bilərsiniz deyir. İsrail düşmənliyi uğursuzluq gətirər, Qurana uyğun deyil və günahdır.

Yəhudi rəbbani alimlər hz. Mehdi (ə.s)-ın qoxusunu hiss etdiklərini söyləyirlər, maşaAllah.

Mənim ilk hədəflərimdən biri birlik və bərabərlikdir. Mənim qədər digər məzhəbləri, digər dinləri bu qədər çox sevən insan varmı? Yəhudilərə bu qədər çox sevgi göstərən, xristianlara bu qədər çox sevgi göstərən, şiələri, ələviləri, vəhhabiləri başının tacı edən başqa biri varmı?

Bizim müvəffəqiyyətli olmağımızın səbəbi Qurana tam riayət etməyimiz, Allahdan başqasından qorxmamağımız və dünyaya bağlı olmamağımızdır.

Biz müsəlman, xristian, yəhudi və yaxud ateist, məzlum olan hər insanı qoruyarıq.

28 fevral dövründə bizə də müxtəlif sui-qəsd təşkil edildi. Müxtəlif böhtanlar atıldı, bizi məhkəməyə verdilər.

Biz Türkiyədə müsəlmanların parlaq simasıyıq.

Ateist olanların tənqiddən narahat olmaları yersizdir. Mən ateistlərin də cənnətə getməsi üçün cəhd göstərirəm. Dinc və rahat yaşamalarını istəyirəm. Əslində heç maraqlanmaya da bilərdim. Dindar olub da, ateist və kommunistlərə şəfqətlə yaxınlaşanlar tək bizik.

Ədalət təkcə müsəlmanı deyil, xristianı, yəhudini, ateisti, kommunisti də qorumaqdır.

Açıq şəkildə ateist olduğunu söyləyən mərddir, münafiq olmaq pisdir.

Darvinizm-materializm dəccaliyyətdir. Ateist düşüncəyə qarşı bizdən başqa elmi mübarizə aparan birlik yoxdur. Bu qədər güclü mübarizə edən yoxdur.

Allah İslamda şəfqətin, gözəlliyin,əxlaqın necə olmasına diqqət çəkir. Hz. İbrahim (ə.s)-ın atasının dinsiz, ateist olmasına baxmayaraq hz.İbrahim (ə.s) ona "Atacan" deyə xitab edir. Çox şəfqət və hörmətlə davranır, nəzakətində qüsura yol vermir. Deməli, biz də kommunist, ateist, darvinist olsun kim olursa olsun, onlara təbliğ edərkən şəfqət, mərhəmət və ədalətlə yanaşmalıyıq.

Tövbə hər kəs üçün―ateist, buddist üçün də keçərlidir. Allah tövbələri qəbul edir, inşaAllah.

Allah bir çox təfsilatı həyata rəng olsun deyə yaradır. Məsələn, ağaclar həyata bəzək olması üçün yaradılar. Dəyişik hadisələr gözəllik və hərəkətlilik olsun deyə yaradılar. Yenə şeytanı yaradan da, ona o gücü verən də Allahdır. Çünki ziddiyyətlər dünyada hərəkətlilik və rəng meydana gətirər.

Bədiüzzaman belə deyirdi: "İslam siyasətlə hakim ola bilməz". İslam ancaq mehdiyyətlə hakim olar.

Ölümü özündən uzaq görən insanların qəribə xüsusiyyətləri olur. Belə insanlar yalnız öz işi, ailəsi, yemək- içməyi kimi şeylərlə məşğul olurlar. Haqqı müdafiə etməkdə və izah etməkdə isə son dərəcə utancaq və qorxaq rəftar nümayiş etdirirlər. Halbuki, ölüm hər insana çox yaxındır. Buna görə də Allah üçün səmimi şəkildə səy göstərmək lazımdır.