Adnan Oktar A9 TV; 28 avqust 2013

Amerikalıların nəzakətlilikləri və insan sevgiləri çox gözəldir. Amerikanın sevincini, gözəlliklərini boğmağa çalışmaq böyük vicdansızlıq və zülm olar.

Xristian və yəhudi nifrətini dəstəkləyənlər çox səhv edirlər.

Yəhudiləri alçaq görən bir üslub, bərəkətsiz və uğursuz bir üslubdur. Quranda yüzlərlə ayədə yəhudilərdən bəhs edilir. Allah dindar bəni-İsrail xanımları ilə evlənə bilərsiniz deyir. İsrail düşmənliyi uğursuzluq gətirər, Qurana uyğun deyil və günahdır.

Kasıbın sevgisi çox dərin olur. Eşqi, məhəbbəti çox gözəldir. Allaha olan məhəbəti çox gözəldir. Sənətə, estetikaya meyli çox yüksəkdir. Kasıblar hər tərəfli gözəl əxlaqlı olurlar.

Bəzi insanlarda nifrət dəniz kimi olur və bunun içində boğulurlar. İnsanlar sevgini sanki unudublar. Sevginin oyanması üçün çoxlu cəhd lazımdır. Sevgini gündəm halına gətirmək lazımdır. Çünki sevgi daha da gücləndikdə nifrəti əzməyə başlayar və qalib gələr.

Heç bir yerdə sevgi ifadəsinə rast gəlmirik. Hansı internet səhifəsini açsaq hamısında nifrət ifadələri ilə qarşılaşırıq. İslam aləmində də sevgidən bəhs edilmir. Əksinə ağlasığmaz bir nifrət üslubu var. Halbuki, dünyanın əsl ehtiyacı, qidası sevgidir.

Sevgi asanlıqla əldə edilmir, insanlar nifrətə çox meyillidirlər. Sevgiyə həmişə əmək vermək lazımdır, səbir lazımdır.

Dünyada Allahın insanlardan istədiyi tək bir şey var, o da sevgidir. Mehdi (ə.s) və İsa Məsih (ə.s) sevginin iki ustadıdır.

Biz müsəlman, xristian, yəhudi və yaxud ateist, məzlum olan hər insanı qoruyarıq.

Biz dünyaya Allaha, dinə xidmət üçün gəlirik. Gözəl əxlaqı, sevgini, vəfanı yaşamağa gəlirik. Dünyəvi mənfəət arxasında olanlar parazit düşüncədə yaşayırlar. Müsəlman dünyəvi mənfəət arxasınca qaçıb dünya malına tamah salmaz. Özünü Allaha tam təslim edər.

Şübhəli, ürəyi qara, yaxşı niyyətli, dürüst olmayan, ürəyində fəsad olan, insanların yaxşılığını istəməyən, sevgiyə, məhəbbətə istək duymayan bir insanın bəsirətini, fərasətini Allah bağlayar. Hərəkətlərinin yerini bilməz. Baxışı, danışığı, məntiqi pozular. Allah yolunu bağlayar, bərəkətsizlik verər.

İsrail çirkli işlərə girməsin, həmişə mehriban və şəfqətli davransın. Daim sülhsevər rəftar göstərsin, qan tökməkdən çəkinsin. Sevgisi ilə, idarəçiliklə bölgəyə nümunə olsun. O zaman Allah onları qoruyar.

Dindar yəhudiləri dəstəkləmək lazımdır ki, bölgədə dinsizlik azalsın.

Yəhudi düşmənliyi primitiv dünyagörüşünü əks etdirər.

Yəhudilər və xristianlar Allaha inanırlar, biz onları, təbii ki, sevərik. Ateistlərə də şəfqət duyaq. Hətta əksikliyi müsəlman olaraq biz özümüzdə axtararıq―"deməli, kifayət qədər təsir edə bilməmişik, daha çox təbliğ etməyimiz, izah etməyimiz lazımdır"― deyə düşünürük.

Xristianlar, yəhudilər dünyanın hər yerində əzilirlər. Onlara sahib çıxmaq, sevgi, şəfqət göstərmək savab olar, bərəkət gətirər, inşaAllah.

Biz müasir İslamı, səhabə dövrü İslamını müdafiə edirik, amma Ortodoks müsəlmanların da, Ortodoks yəhudilərin də rahat yaşamalarını istəyirik. Onları üzmək çox böyük acı olar.

Bütün güc Allahındır. Sülh, dostluq təmin edilməyəcək şey deyil. Amma son dərəcə xoş niyyətli olmaq, öz mənfəətini güdməmək lazımdır. İki tərəfin də mənfəət ehtirası varsa mütləq döyüş yaranar. Mehdiyyət mənfəətsiz olduğu üçün, səmimi olduğu üçün sevgi ilə hər şeyi həll edə bilir.

Xoş niyyətlə yaxınlaşan, sevgini, sülhü, gözəlliyi, dostluğu, dünyanın mehribanlıq içində yaşamasını istəyən hər kəs bizimlə həmfikirdir. Elmlə, mədəniyyətlə, qardaşlıq bağı ilə dəstəkləyirik.

Azadlıq, sülh Quranın əmridir. Allahın bizə verdiyi nemət, cənnətin xüsusiyyətidir. Mömin onsuz da həmişə azadlıq və sülh istəyəcək.

Mehdi (ə.s) tərəfdarları həmişə qanın dayandırılmasından, sevgidən, şəfqətdən, azadlıqdan, sülhdən, elmdən, sənətdən və estetikadan bəhs edərlər.

Mehdiyyət silah sənayesini, silahı, döyüşü, qanı, barıtı, hər şeyi aradan qaldıracaq. Həbsxanalar, polis bölmələri, baraklar hamısı ləğv olacaq. Mehdiyyət dövründə dünyada yalnız sevgi, sülh olacaq.

İnşaAllah hər kəsin qardaş olacağı, sülhün hakim olacağı, zalımların təsirini itirəcəyi, bütün döyüşlərin, anarxiyanın, terrorun dayanacağı, sevginin, hörmətin, yaxşılığın, gözəlliyin, bərəkətin, müasirliyin, elmin, demokratiyanın hakim olacağı dövrdəyik.

Allahın əsl istədiyi sülhdür. Allah müharibə istəmir. Döyüşü Allah imtahan vəsiləsi olaraq yaradar. Müharibəni, o fitnəni aradan qaldıran kimdir? Allahdır. Möminləri də vəsilə edər, sülh mühitini meydana gətirər.

Xristian demək, hz. İsa (ə.s)-ı sevir deməkdir. Hz. İsa (ə.s)-ı sevən Allahı da sevər. İnşaAllah Məhəmmədi də olar.