Adnan Oktar A9 TV; 5 iyul 2013

Misir müşavirə ilə hərəkət etsə, şəfqəti, sevgini ön plana çəkib müasir İslam anlayışını, səhabə İslam anlayışını ön plana alsa, sənəti, elmi, estetikanı, demokratiyanı ön plana çıxartsa, Misirdə vəziyyət çox gözəl olar.

Misirdə də "seçki ilə gəldim, istədiyimi edərəm" demək düzgün deyil. Bütün xalqın istəklərini yerinə yetirmək lazımdır. Kommunistdirsə, onun haqlarını müdafiə etmək, dindarsa, onun haqlarını müdafiə etmək, yəhudidirsə onun haqlarını müdafiə etmək, hər kəsi qoruyub, hörmət etmək lazımdır. Hökumətin vəzifəsi də budur.

Misirdə bir tərəfdə müsəlman, imanlı insanlar var, bir tərəfdə də yenə iman edən, amma qatı dinçilikdən çəkinən insanlar var. Hər iki tərəfi Mehdi (ə.s) birləşdirəcək. Çünki mehdiyyət müasir, mehriban, dinc, gözəl bir İslam anlayışını ortaya qoyur. Mehdiyyət hər iki tərəfin qəbul edəcəyi sistemi ortaya qoyan insan və inancdır.

Ən böyük silah sevgidir. Təkidlə sevgini dəstəkləməli, nifrətə yer verməməliyik. Əsəbi halda, kinlə yanaşsan insanlara heç nəyi qəbul etdirə bilməzsən.

Misirin ən böyük əksikliklərindən biri Mehdi (ə.s)-dan heç bəhs etməmələridir. Allah Mehdi (ə.s)-dan bəhs edənə bərəkət verir.

Misirdə yaşananlar ən incə məqamlarına qədər qədərdə müəyyəndir. Bütün güc Allahın əlindədir. Orada ürəkləri uyğunlaşdıracaq olan Allahdır.

Quranın yetərli olmasına inansan xurafat, qatı dinçilik də aradan qalxar. Quranın yetərli olduğunu qəbul etsən şiəni, ələvini, vəhhabini də sevərsən. Hamısını canından olan kimi qəbul edərsən. Çadralı xanımları da, başı açıq xanımları, dekoltə geyinən xanımları da başımızın tacı etməli, hörmətlə yanaşıb sevgi göstərməliyik. Onları narahat etmək olmaz.

Mursi Misirdə koalisiya hökuməti qurmağı təklif etsin. Bütün fikirlərlə əməkdaşlıq etsin. Müasir və bütün insanları razı salacaq bir siyasət çox yaxşı olar.

İhvan İsraillə münasibətlərini düzəltsin. İsrailin dindar yəhudi və xristianlarını dəstəkləsin. Peyğəmbərimiz (s.ə.v) yəhudilərə şəfqət göstərirdi. İsrailə şəfqət göstərmək Quran əxlaqının vəzifələrindəndir.

Yəhudilərə, xristianlara qarşı qəzəbli olmaq günahdır.

Misirdə İsrailə qarşı da şəfqət siyasəti göstərilməlidir. İsrailə əbəs yerə mənfi münasibət bəsləmək dinə uyğun deyil. Əhli-kitaba qarşı şəfqət Quranın əmridir.

Nə ənənəvi sağ, nə kommunist sol insanlara xoşbəxtlik bəxş edəcək. Hər iki tərəfə diqqət yetirsəz əslində hər iki tərəf də bədbəxtdir. Hər iki tərəfin də adamları sevgisizlikdən çirkinləşiblər. Hər kəsdə bir nifrət mimikası var. Sanki çox çirkin sevgisizlik ruhunda rəqabət var.

Qatı dinçilik zehniyyəti içində yəhudi düşmənçiliyini guya müqəddəs hesab edənlər var. Yəhudilər Kitab əhlidir, Allah onlara zülm edilməsinə razı olmaz.

Yəhudi rəbbani alimlər hz. Mehdi (ə.s)-ın qoxusunu hiss etdiklərini söyləyirlər, maşaAllah.

Misirin yəhudilərə sevgi ilə yaxınlaşması və İsraillə dost olması lazımdır. Lakin eyni zamanda ölkədəki Ortodoks müsəlmanların da rahat yaşaması lazımdır. Yəni hər inanca mənsub insana şəfqət və hörmət göstərilməlidir.

Quranda yəhudiləri izah edən yüzlərlə ayə vardır. Yəhudiləri yox saymaq Qurana uyğun olmaz.

Çadralı və başı açıq xanımların bir qismi arasında nifrət mütləq yox edilməlidir. Müsəlman hz. Məryəm kimi həlim olmalıdır.

Yəhudi düşmənliyi primitiv dünyagörüşünü əks etdirər.

Sevgi asanlıqla əldə edilmir, insanlar nifrətə çox meyillidirlər. Sevgiyə həmişə əmək vermək lazımdır, səbir lazımdır.

Heç bir yerdə sevgi ifadəsinə rast gəlmirik. Hansı internet səhifəsini açsaq hamısında nifrət ifadələri ilə qarşılaşırıq. İslam aləmində də sevgidən bəhs edilmir. Əksinə ağlasığmaz bir nifrət üslubu var. Halbuki, dünyanın əsl ehtiyacı, qidası sevgidir.

Bəzi insanlarda nifrət dəniz kimi olur və bunun içində boğulurlar. İnsanlar sevgini sanki unudublar. Sevginin oyanması üçün çoxlu cəhd lazımdır. Sevgini gündəm halına gətirmək lazımdır. Çünki sevgi daha da gücləndikdə nifrəti əzməyə başlayar və qalib gələr.

Yəhudiləri alçaq görən bir üslub, bərəkətsiz və uğursuz bir üslubdur. Quranda yüzlərlə ayədə yəhudilərdən bəhs edilir. Allah dindar bəni-İsrail xanımları ilə evlənə bilərsiniz deyir. İsrail düşmənliyi uğursuzluq gətirər, Qurana uyğun deyil və günahdır.

Qatı dinçilik heç bir yerdə iqtidar olmaz. Qatı dinçilikdən imtina etməlidirlər. Mehdiyyət, Quran, sevgi, şəfqət, mərhəmət cəhətləri ilə İslam anlayışını Allah həmişə qoruyub, dəstəkləyər.

Sevgi ilə, nəzakətlə ən əsəbi bir insanı belə sakitləşdirmək mümkün olur. Bir cəmiyyətin əsəbi və hirsi çox gözəl yatırıla bilər. Amma qışqırıb çığıraraq, qoçuluq edərək, rüsvayçılıq çıxararaq, təhdid edərək, qatı dinçiliklə cəmiyyəti yatırmaq mümkün olmaz.

İnsan sənətlə xoşbəxt olar. Gözəl geyinən insanları, gözəl evləri görərkən xoşbəxt olar. İnsanlar gözəllik axtarar; musiqidə, şəkildə, heykəldə gözəlliklər axtarılır. Onları görəndə insan xoşbəxt olar.