Adnan Oktar A9 TV; 23 iyun 2014

Gənc qızlar gəncliyini, cavanlar cavanlığını yaşayacaq. Mehdi (ə.s) qrupu insanları sanki məzardan çıxaracaq. Hədisdə Mehdi (ə.s) üçün "məhv olmuş dünyanı yenidən canlandıracaq" deyir.

İmam Mehdi (ə.s) bütün dünyanın dəstəklədiyi lider olacaq. Mehdi (ə.s)-a müxalif olan olmayacaq. Kim qəbul etdirir? Allah qəbul etdirir. Allah insanların ürəklərinə vəhy edəcək; anlamadıqları bir şəkildə insanlar Mehdi (ə.s)-a tabe olduqlarına əmin olacaqlar. Qəribə şəkildə onu sevdiklərini anlayacaqlar. Qəribə şəkildə ona güvənəcəklər və onları qurtaracağına, vəsilə olacağına inanacaqlar.

Axırzamanın Bəni-İsraili (İsrail soyu) Mehdi (ə.s) və tələbələridir. Tövratda Bəni-İsrail deyə baxdığımızda ağılımıza ilk gələcək olan Moşiyah Mehdi və tələbələridir. Həqiqi Bəni-İsrail onlardır.

Mehdi (ə.s)-ın xüsusiyyəti sevgi insanı olmasıdır. Sülhü, ədaləti, sevgini kim təmin edirsə o Mehdi (ə.s)-dır. Kim döyüşdən bəhs edirsə, kim qanı tövsiyə edirsə ondan uzaq dayanacaqsan.

Şeytanın gücünü qıracaq güc Moşiyah Mehdi (ə.s)-dadır. Allah o gücü, o imkanı ona vermişdir.

Müsəlmanların başına bir imam, lider təyin edilməlidir, ağlımız bizə bunu göstərir. Baş olmayanda bədən parçalanar. Baş da İmam Məhəmməd Mehdi (ə.s)-dır. Bu ümmət Mehdi (ə.s) xaricində kimsəni qəbul etməz.

Mehdi (ə.s)-ın dövründə kəsib-biçmək yoxdur. Qan yoxdur. İslam gəldiyi vaxt nur gələcək, sevgi gələcək.

Mehdi (ə.s) çıxdıqdan, İslam Birliyi qurulduqdan sonra savabın təsiri milyondan üçə düşər. Çünki ondan sonrası asandır. Çətinlik aradan qalxmışdır. Dəccal ölmüşdür. Nəfsin hücumları qalmır, yəni hər şey yolunda olur.

Mehdi (ə.s)-ı gözləyənlərin könülləri çox pak olsun. Tələsməsinlər. Vaxt uzandıqca savab artır. Ovuc-ovuc qızıl yığdığını düşün. Allah bir 24 saat daha vaxt verdiyində insan daha çox toplayar.

Mehdi (ə.s)-ın ən aşkar xüsusiyyətlərindən biri heç bir insanın mənfəəti ilə zidd düşməməsidir. Nə kommunistin, nə dinsizin, nə xristianın, nə yəhudinin mənfəəti ilə zidd düşməz. Hər kəs rahat olar.

Mehdi (ə.s) hazırda pərdələr arxasında Allah tərəfindən qorunur. Allah Təala Mehdi (ə.s)-a icazə versin, Mehdi (ə.s)-a səlahiyyət versin. Hazırda Allah Təala ortaya çıxma səlahiyyəti vermir. Allah çıx desə kimsə dayandıra bilməz.

Qiyamətə çox az qaldı. İsa (ə.s) və Mehdi (ə.s)-ın Huruf-u Muqattayı bilməsi Allahın izni ilə şərt kimi görünür. Çünki indi başqa istifadə edəcək kimsə yoxdur, sonuncu onlar vardır.

Türkiyənin qədəri dünya hakimiyyətidir. Allah Türkiyəyə bu cür vəzifə verdi.

Bir sirr verim, Allah silah, güc, pul, siyasət sahibi dünyaya hakim olacaqdır demir. Namazlarını qılanlar, oruclarını tutanlar da dünyaya hakim olacaqdır demir. Allah: "Səmimi olan qullarım xilas olar və dünya hakimi olar"―deyir, yalnız səmimi!

Dünya hakimiyyətinin son illəri 2071-ci illərdir.2071-ci il sondur, zəfər deyil. 2023-cü il ən çox yüksəlmənöqtəsidir. Yəni mükəmməlliyə keçidin ən pik nöqtəsidir. 2071-ci illər də bitmə nöqtəsidir.

İslam Birliyi olacaq, İslam dünyaya hakim olacaq görəcəksiniz, 5-10 il ərzində görəcəksiniz. Türkiyənin liderliyində olacaq. Bütün dünya massonluğu hz. Mehdi (ə.s)-ın əmrinə girəcək.

Elmlə, mədəniyyətlə İslam hakim olar. Nə siyasətlə hakim olar, nə onunla, nə bununla, nə məktəb açmaqla, heç nəylə olmaz. Bir-bir yalnız iman həqiqətlərini, Quran möcüzələrini izah etmək, mehdiyyəti müjdələmək, Allaha sığınmaq, qardaş olmaq, sevgi dolu, mərhəmətli, nümunə olmaqla hakim olar. Bunlar həll olundusa tamamdır, inşaAllah.

Allah son dövrdə səhabə dövrü kimi bir dövr istəyir. Qadınların əzildiyi, keyfiyyətsiz həyatın olduğu, sənətin, incəsənətin, gözəlliyin olmadığı bir dövrü Allah istəmir.

Allah istəyir ki, Onu düşünsünlər. Ona yaxınlaşmalarını istəyir, İslamı dünyaya hakim etmək istəyir. Laqeyd, soyuq, eqoist insanları Allah şiddətlə xəbərdar edir. Onların diqqətini şiddətdən istifadə edərək, əzabla, ağrı ilə açır.

Güclü iman çox əhəmiyyətlidir. Nadir insanlarda rast gəlinər. Bir şəhərə, məmləkətə təhqiqi iman cəhətdən bir adam belə yetər. Allah Tövratda: ”10 nəfər adam olsun, haqq dini (İslamı) dünyaya hakim edəcəyəm'' deyir.

Hz. Yusuf (ə.s) tək başına idi. Allah onu bütün o bölgəyə sultan etmişdi. Zülqərneyn də tək başına idi, Allah onun ətrafını çoxaltdı və qısa müddət ərzində dünya hakimi etdi. Süleyman (ə.s) də tək başına idi, qısa müddətdə dünyaya hakim oldu. Çünki həqiqi iman edənlər idi. Həqiqətən inanır, çox imanlıdır. Ona görə də Tövratda da Allah: "Həqiqi iman etmiş 10 nəfər olsa İslamı dünyaya hakim edəcəyəm" deyir.

İslam əxlaqının dünyaya hakim olmasını könüldən, səmimi qəlbdən istəyən 10 nəfər adam olsa belə-amma sevgi ilə, qəlbən istəyəcək- Allah bu 10 nəfərlə İslamı dünyaya hakim edər, inşaAllah.

Əgər Mehdi (ə.s) və tələbələri səmimi olaraq şirkdən tamamilə uzaqlaşsalar, Allah Nur surəsi, 55-ci ayədə söz verərək: "Mən İslamı dünyaya hakim edəcəyəm. Qorxularınızı arxayınçılıqla əvəz edəcəyəm. Dini bütün cəhətləri ilə dünyaya hakim edəcəyəm. Amma şirk qoşmayacaqsınız, sadəcə bunu istəyirəm" deyir.

Türk-İslam Birliyi İslam Birliyinə bərabərdir. Türk Milləti qabaqcıl olduğu üçün o mənada "Türk-İslam Birliyi" deyirik. Yoxsa ki, hər irq, hər qövm onsuz da eyni nizamda, eyni üstünlükdədir. Kiminsə bir-birindən bir üstünlüyü yoxdur, üstünlük təqvadadır.

Müsəlman elə olacaq ki, özü haqqında "bu adam namərdlik edər" deyilməsinə yol verməyəcək. Yəni "bir şəkildə edə bilər" dedirtməyəcək. O dərəcədə zəmanət verəcək. O zaman həqiqi bir müsəlman olar. "Bunun namərdlik etməsi mümkün deyil" deyəcəksən.