Adnan Oktar A9 TV; 11 sentyabr 2013

Qurana tabe olan müsəlmanlar hər şeyi xoş qarşılamalı, hər şeyə ağılla yanaşmalıdırlar. Həyəcanla baxmamalıdırlar.

Bəni-İsraili dünyadan silmək istəyirlər, buna icazə vermərik. Mən hz. İsrail (ə.s)-ın övladlarını məhv etdirmərəm. Allah Quranda yüzlərlə ayədə bəni-İsraildən bəhs edir.

Birlik, bərabərlik zəmanətdir, dinclikdir, dindarın və dinsizin qorunmasıdır. Quranda birlik vardır.

Yəhudiləri alçaq görən bir üslub, bərəkətsiz və uğursuz bir üslubdur. Quranda yüzlərlə ayədə yəhudilərdən bəhs edilir. Allah dindar bəni-İsrail xanımları ilə evlənə bilərsiniz deyir. İsrail düşmənliyi uğursuzluq gətirər, Qurana uyğun deyil və günahdır.

Quranda hədisdə olmayan yeni-yeni qanunlar çıxarmağa ehtiyac yoxdur. Onlardan bir nəticə çıxmaz, bərəkət gəlməz.

Allah müsəlmanlara Qurandakı elmi, yerdə-göydə olan hər şeyi araşdırmağı fərz buyurub.

Allah bütün elm sahələrini araşdırıb öyrənməyi fərz buyurub. Quranda nəzərdə tutulan üstüörtülü, səthi araşdırma deyil, dərin və əhatəli araşdırmadır. Allahın sənətini araşdırmaq, fərq etmək, anlamağa çalışmaq təqdirə layiq bir əmrdir.

Quran üslubundakı dərinliyi yaxşı görmək lazımdır.

Alimlərin bir qismi Peyğəmbərimiz (s.ə.v)-in hədislərində xəbər verdiyi hadisələrin reallaşdığını gizləyirlər. Elm dünyası, hədislərdə bildirilən hadisələrin eynisilə reallaşdığını bilsə ayağa qalxar. Amma alimlərin heç birinin səs-səmiri belə çıxmır.

Müsəlmanların bir-birini sevməsi fərzdir. Allah kimini qurudan, kimini havadan, kimini də dənizdən xidmət etdirər. Havadakı qurudakına, qurudakı dənizdəkinə müxalif çıxmaz. Hamısı Allahın aslanlarıdır. Hamısı bir-birindən dəyərlidirlər.

Hökumətimiz yüksək müasir elmi və sənət anlayışını dəstəkləsin.

Mehdi (ə.s) tərəfdarları həmişə qanın dayandırılmasından, sevgidən, şəfqətdən, azadlıqdan, sülhdən, elmdən, sənətdən və estetikadan bəhs edərlər.

Allahın əmrinə əməl etmədikcə Allah vədini yerinə yetirməz. Allah ''Birləşin, bərəkət, qüvvət, güc verim. Birləşməsəniz qüvvətiniz əlinizdən gedəcək'' deyir.

Möminlərin arasında mübahisə olduqda incikliyi aradan qaldırmaq fərzdir. Gücün çatdığı qədər səy göstərəcəksən; olar və ya olmaz. İki müsəlman camaat-birlik bir-birinə qarşı olduqda ona müdaxilə etmək fərzdir. Aralarını yaxşılaşdırmaq üçün səy göstərmək fərzdir. Sən o ibadəti etməkdə mükəlləfsən, namaz kimidir.

Din və elm bir-birilə bağlıdır. İslam elmin gücünü artırır, İslamın gücünü elm artırır.

Camaatla hökumətin arasını düzəltmək üçün cəhd göstərmək lazımdır. Aralarını düzəltmək fərzdir, Quranın əmri, Allahın əmridir. Allah "iki müsəlman birliyin bir-birləri ilə münaqişələri olsa, onların aralarını düzəldin" deyir. Buna görə biz belə bir şeydə tərəf saxlamayaq.

Kommunist xurafatçılar və özlərinə "müsəlmanam" deyən, amma Müsəlmanlıqla əlaqəsi olmayan xurafatçılar əl-ələ verib elmi, sənəti, gözəlliyi yox etdilər.

Elm nemətdir, gözəllikdir, Allahın sənətini, Allahın bizi necə yaratdığını ortaya çıxarar, sübut edər və bizə göstərər. Bizim Allaha hayranlığımızı, sevgimizi, məhəbbətimizi artırar.

Barışı istəmək fərzdir. Sülhü istəmək fərzdir.

Kafirlər və münafiqlər müsəlmanlarla mübarizə aparacaq. Əziyyət verəcəklər, böhtan atacaqlar, oyun oynayacaqlar, problem çıxaracaqlar, əleyhinə xəbər hazırlayacaqlar. Allah, bu əziyyətlərinə "fikir vermə" deyir. "Fikir vermə" nə deməkdir? Fərz deməkdir. Təsirə məruz qalmamaq fərzdir, əgər fikir versə, onda harama girər. Belə ədəbsizlərin qurduğu oyunlara fikir verməmək, diqqətə almamaq, əhəmiyyət verməmək fərzdir.

Diqqətsizlik qəribə şəkildə geniş yayılmış bir bəladır. Buna görə də, Allah diqqətli olmağı fərz buyurmuşdur. Allah: “Diqqətli olun” deyir, diqqətli olmağı əmr edir.

Allahın gözəl bir planı var, o plan həmişə fəaldır.

Atatürkün vəsiyyəti; aydın olmaq, qabaqcıl olmaq, sülhsevər olmaq, sevgi dolu olmaq, Qurana sarılmaq, İslam Birliyini istəmək, Türk-İslam Birliyini istəməkdir.

Hər şeyin gözəl tərəfini görüb gözəl danışmaq lazımdır. İnsanları kədərləndirmək qorxunc bir şeydir.

Peyğəmbərimiz (s.ə.v) "gözəl söz sədəqədir" deyir. Rəsulullah (s.ə.v) həmişə iltifat edər, könül alardı.