Kərəm ilə Dəniz Atı
Kərəm, yay tətili üçün ailəsiylə birlikdə cənubda dəniz sahilindəki bir tətil şəhərinə getmişdi. Kiçik bir dükanın qabağındakı bir akvariumda maraqlı dəniz canlıları nümayiş olunurdu. Kərəm akvariuma yaxınlaşdı. İçində yavaş-yavaş gəzən bir dəniz atı gördü.
Kərəm: Dəniz atlarının daha böyük olduğunu güman edirdim, necə də kiçikmişsən!
Dəniz atı: Bəli, bizi kitablardan və televiziyadan tanıyanlar daha böyük canlılar olduğumuzu düşünürlər. Halbuki boylarımız 4 sm ilə 30 sm arasında dəyişir.
Kərəm: Sizin gözləriniz bütün istiqamətlərə tərəf hərəkət edə bilir, elə deyilmi? və bunun hesabına ətrafınızdakı bütün hadisələrdən xəbərdar ola bilirsiniz.
Dəniz atı: Haqlısan, Allah bizim başımızı bədənimizlə düz bucaq əmələ gətirəcək şəkildə yaratmışdır. Başqa heç bir dəniz heyvanında bu xüsusiyyət yoxdur. Buna görə də bədənlərimiz şaquli vəziyyətdə üzər, başımızı yalnız yuxarı və aşağı hərəkət etdirə bilərik. Əslində bu xüsusiyyət digər canlılarda olsa, başlarını sağa-sola çevirə bilməyəcəkləri üçün problem yaşaya bilər və hər cür təhlükəyə qarşı müdafiəsiz ola bilərdilər. Lakin biz sahib olduğumuz xüsusi bədən dizaynı hesabına belə bir problem yaşamırıq.
Uca Allah gözlərimizi bir-birindən müstəqil, bütün istiqamətlərə sərbəst hərəkət edə biləcək və fırlanaraq hər tərəfi rahatlıqla seyr edə biləcək şəkildə yaratmışdır. Buna görə də başımızı iki yana çevirə bilməsək də ətrafımızı görə bilərik.
Uca Allah, yaratdığı hər növ canlılardakı bənzərsiz dizaynlar, heyrət oyandıran xüsusiyyətlər ilə insanlara sonsuz sənətini və sonsuz elmini göstərir.
Kərəm: Mənə bir şey maraqlı gəlir. Sənin nə qanadın, nə də quyruğun var. Suyun içində necə enib yüksələ bilirsən?
Dəniz atı: Üzməyimiz çox xüsusi bir sistemə hesab baş verir. Bizim üzmə kisələrimiz var və bu kisədə olan bir növ qazın miqdarında lazım olan dəyişiklikləri aparmaqla suda yüksəlib enə bilərik. Əgər bu hava kisəsinə zərər gəlsə və az miqdarda da olsa qaz itirsə biz də dənizin dibinə batarıq!
Yəni üzmə kisəsindəki qazın miqdarında baş verəcək hər hansı bir dəyişiklik bizim ölməyimizə səbəb olar. Rəbbimiz bu miqdarı çox həssas bir şəkildə yaratmışdır.
Kərəm: Bu möhtəşəm bir dizayndır.
Dəniz atı: Gördüyün kimi kiçik dostum, kainatdakı hər varlıq kimi dəniz atlarını da bütün xüsusiyyətləriylə birlikdə nöqsansız olaraq Allah yaratmışdır. Dəniz altındakı bir çox canlı növündən biri olan biz dəniz atlarındakı dizayn Allahın sonsuz gücünün, sonsuz elminin nümunələrindəndir.
Kərəm dəniz atıyla olan söhbəti bitirdikdən sonra anasının yanına qayıtdı. Bu kiçik heyvandakı möhtəşəm dizayn, Kərəmin Allahın yaratma sənətinə duyduğu heyranlığı daha da artırmışdı.
