Adnan Oktar A9 TV; 3 sentyabr 2016

İmtahan olmadıqda, təfərrüatlar olmadıqda cənnətin qiymətini anlamaq da, Allahın sənətini anlamaq da mümkün olmur. Adi imtahan olsa adi cənnət həyatı olar. İmtahan nə qədər qarmaqarışıq olsa, həyat o qədər gözəl olar, sevgi o qədər böyük olar. Allah xüsusən Axırzamanda yüksək imtahan istəyir. İmtahan nə qədər yüksəkdirsə, insanın cənnəti də o qədər yüksəkdir.

Allah istəsə İslam əxlaqı dərhal hakim ola bilər, lakin müddət uzun olur, niyə? Çünki imtahan əhatəli olsun, savabı çox olsun deyə.

İmtahanda ən mühüm məsələ Allahın sənətini unutmamaqdadır. Məsələn, bir yarpaqdakı ağıl insan ağlından minlərlə qat üstündür. Hətta tək bir toz zərrəsində belə nəhəng həyat var. Bakteriyalarda böyük ağıl var. Allahın sənəti çox heybətlidir. Bəzi insanlar Allahın sənətini düşünməkdən qaçırlar, az düşünməyin lazım olduğunu zənn edirlər. Halbuki Allah ətraflı düşünməyimizi istəyir.

Yaxın Şərq bataqlığı deyirlər, bu yanlış ifadədir. Yaxın Şərq imtahan sahəsidir deyilməlidir. Bura peyğəmbərlər torpağıdır, Mehdi Məsih buradan çıxacaq, imtahan buna görə çətin olur.

İmtahan şirin olsa sonu acı olar. Yüngül imtahan gözləməsinlər, Axırzamandayıq. Allah böyük sevgi istəyir. İmtahan nə qədər şiddətlidirsə, sevgi o qədər böyükdür. Cənnətin bəzəyi sevgidir, sevgi böyük olmalıdır ki, cənnət mənalı olsun. İmtahanın müddəti qısadır, cənnət isə əbədidir. Əbədi böyük sevgi üçün imtahan güclü olmalıdır. Əziyyətə etiraz etmək olmaz.

İmtahanın sirrini ətraflı izah etmək lazımdır. Kafirlər və münafiqlər imtahan üçün xüsusi olaraq yaradılıb. İmana hücum edəcək fəlsəfələrin olması, dərin dövlətlərin zalımlığı, münafiqlərin ayrı, kafirlərin ayrı mövcudluğu imtahanın mükəmməlliyidir.

Eşq əhli olan şiddətli imtahan olunar. Böyük eşq böyük əziyyətlə birlikdə hərəkət edər. Eşqi cılız olanın imtahanı da cılız, zəif olar.

Hər şeydən alınan zövqün ən yüksək və ən keyfiyyətlisi cənnətdə olacaq.

Din cənnətdir. Dini cəhənnəm kimi göstərənlərə qarşı həqiqi İslamdan həmişə bəhs edəcəyik.

Allah dini həm zövqlü, həm də insan fitrətinə uyğun şəkildə yaradıb. Dinsiz həyat cəhənnəm kimidir. Lakin bəziləri dini cəhənnəmə döndərmək istəyir.

Mömin Cənnətə saniyələr ərzində alışar və bu dünyada fövqəladə hesab etdiyi bir çox şey orada özünə çox normal gələr.

Dəccaliyyət insanların həyatı boş və mənasız olaraq görmələrini istəyir. Həyata dair təlqin etdiyi məqsəd yalnız iş sahibi olmaq, evlənmək, çoxalmaq, futbol matçı izləməkdən ibarət olur. Bu zaman insanların çoxu heç axirəti düşünmədən yaşayır, ölüm gəldikdə axirət ağıllarına gəlir.

Axirətdə bizim nə bilik səviyyəmizdə, nə də əxlaq anlayışımızda hər hansı dəyişiklik olmur. Sevgi anlayışımız, ehtiras anlayışımız necədirsə onunla gedirik. Buna görə də, bu təhsil, incə hadisələri görmə və analiz gücü çox əhəmiyyətli olur.

Cənnətə bu ruhla gedirik. Axirətdə tanımadığımız ruhla qarşılaşmırıq. "Bu şəxsiyyət necə şəxsiyyətdir, yeni şəxsiyyətdir" demirik. Eynidir bu şəxsiyyət. Nə əlavə var, nə də əskilmə. Sadəcə əsəbiləşmə və qəzəblənmə gücümüzü itirmiş oluruq.

Ən mühüm məsələ axirətdir. Dünyaya çox aludə olurlar. Dünya tamamilə boşdur, yəni göz açıb yumana qədər keçir və çox çətin imtahan yeridir.

Allah sevgisi, məşəqqət, səbir, ruhu çox gözəlləşdirdiyi zaman, insan cənnətdə Allahın təcəllisini gördüyü üçün, Allahı sevdiyi üçün çox güclü zövq alır. Buna görə də, dünyadakı hər 5-10 dəqiqə belə təhsil baxımından çox əhəmiyyətlidir.

Müsəlman son dərəcə həlim olmalıdır. Əziyyətə səbir edən, çətinliklərə səbir edən, acıya səbir edən olmalıdır. Zəiflik və kədərlənmə haqqul-yakin imanda olmaz.

Din haqqında zarafat olmaz. Müsəlman axirəti düşünərək, vəfat etdiyi halını düşünərək hərəkət etməklə məsuldur.

İman və Quran gözüylə baxmayan, axirətdən heç bəhs etməyən insanlar bir müddət sonra təkcə əzablardan bəhs edən vəziyyətə gələrlər. Bu cür insanlardan olmamaq üçün Allaha dua etmək, Allaha təslim olmağı istəmək lazımdır. Təkcə əzablardan bəhs edən insanlar Allaha sığınsınlar, yoxsa Allahdan bəla olaraq ruhları iztirab içində çökər, qaranlıq hala gələr.

Mehdi hikmət elminə sahib olduğu üçün əziyyətin və imtahanın sirrini görür və dərinlikdə, sevgidə önə keçir. Tövratda Mehdinin çəkəcəyi əziyyətlərdən çox ətraflı bəhs edilir. Mehdi çox böyük əziyyətlərdən keçdiyi üçün çox üstün və qiymətlidir.

İmtahanın uzunluğu və güclü olması o insanın lehinə olar. İnsana nə qədər çox əziyyət, sıxıntı, çətinlik gəlirsə, deməli, o, bir o qədər çox savab qazanır.

Qiyamətdən əvvəl yaşayacaq son müsəlman nəslin imtahanı çox fərqli olacaq. Onlar özlərini tamamilə gizlədəcək.

Cəhənnəm əhlinin şüuru açıq kimi görünür, lakin qapalıdır. Onlar ölüdürlər. Allah bunu xüsusilə bildirir.

Sevgisiz, ədəbsiz və kobud bir nəslin yetişməsi bir növ mənəvi fəlakətdir. Keyfiyyətli nəsil yetişdirilməsi üçün xüsusi səfərbərlik lazımdır. Sevgisiz və kobud danışan gəncləri də həmişə xəbərdar etmək lazımdır. Belə etmə, sevgini öyrən demək müsbət təsir göstərər. "Gözəl qardaşım belə demək əvəzinə, gözəl şəkildə de" deyə həmişə xəbərdar edin. Bir müddət sonra bunun müsbət təsiri görüləcək. Sevgini bilməyənlərə sərt üslubla cavab vermək heç vaxt doğru olmaz. Sevgini öyrətmək lazımdır.

Ənənəvi inanca sahib olanların bəziləri Mehdini qorxuducu, qatı bir insan kimi görürlər. Halbuki Mehdi həlimdir, sevgi insanıdır.