Adnan Oktar A9 TV; 3 sentyabr 2016

Hədisdə keçən Mehdiylə birlikdə olacaq mələklər hər kəsin açıqca görəcəyi şəkildə deyildir. Mələklərin açıqca görülməsi qiyamətdə olacaq.

İsa Məsihin də vəfatından sonra sürətli geriləmə olur və küfr əhlinin ən azğınlaşdığı dəhşət verici günlər yaşanır və qiyamətlə bitir.

Son zamandayıq. Dünyanı dəlilər kimi sevənlər dünyanın boş olduğunu çox qısa müddət sonra anlayacaqlar. Qiyamət çox yaxındır. Çox-çox az vaxt var. Bədiüzzaman qiyamətin qopma vaxtı üçün təqribən 2120-ci il deyir. Hədislərin işarəsi də bu cür görünür.

Qiyamətə yaxın dövrdə heç bir müqəddəs məkan qalmayacaq, Kəbə də dağılacaq və Quran aradan qaldırılacaq. O zaman müsəlmanlar tamamilə gizli olacaq.

Allahualəm Qiyamət böyük bir meteoritin dünyaya toqquşması ilə reallaşacaq. Qiyamət günü insanlar üçün heç bir yerə qaçış olmayacaq.

Qiyamətin və ölümün müsəlmanları narahat edəcək heç bir tərəfi yoxdur. Əgər müsəlman özünə zülm ediləcəyinə, yaxud əzab çəkəcəyinə inanırsa, bu Allahın xoşuna gəlməz. Çünki Allah: "Mənə güvən. Sən yaxşı əməl sahibisənsə, sənə zərər gəlməz" deyir. Mömin həmişə Allaha hüsnü-zənn etməlidir.

Bütün bu hadisələr hədislərdə təsvir edildiyi kimi baş verir. Hz. Mehdi (ə.s)-ı da görəcəyik, hz. İsa Məsihi də görəcəyik, İslam Birliyini də görəcəyik, hamımız vəzifəmizi bitirdikdən sonra gedəcəyik. Burada heç kəs qalmayacaq. Sonda qalanlar da arxamızca gələcək, dünya boşalacaq, sonra da qiyamət qopacaq.

Hz. Mehdi (ə.s) bir anlıq dünyadan çəkilsə qiyamət qopar. On dəqiqə çəkilmiş olsa qiyamət qopar. Bunun üçün də, mələklər hz. Mehdi (ə.s)-ın ətrafında ağlasığmaz dəqiqliklə fövqəladə blokada meydana gətirirlər. Bunu hədislərdən görürük. Cəbrayıl (ə.s), Mikayıl (ə.s) heç yanından ayrılmırlar.

Qısa müddət sonra Azərbaycan qapılarını açacaq, Türk dövlətləri açacaq. Sonra İraq, Suriya, İordaniya, hətta İsrail də. Hz. Mehdinin vəsiləsiylə sevgi, qardaşlıq içində yaşayacağıq. Amma nə qədər? 7 və ya 9 il, bu qədər. Sonra ağlasığmaz pozulma başlayacaq. Əxlaqi tənəzzül. Bu ta hicri 1545-ci ilə qədər davam edəcək. 1545-ci ilin səhərində yaxud axşamında və ya günortasında, o xəbər onlara çatacaq. Bir qayanın üstünə yazsınlar. O qaya o gün parça-parça olacaq. Qiyamət qopacaq.

İmam Mehdinin zühuru olmasaydı, qiyamət çoxdan qopardı, dünya məhv olardı. Qiyamət çox yaxınlaşdı, Allah hz. Mehdi (ə.s) hörmətinə gözlədir.

Allah hal-hazırda mehdiyyət vəsiləsiylə dünyanı dağılmaqdan qoruyur. Yəni qiyamətin təxirə salınmasının səbəbi hz. Mehdi (ə.s)-dır.

Allahın vədi üçün olan vaxt artıq bitdi. Yəni qiyamətə təxminən yüz illik bir vaxt qalır. Hakimiyyət yalnız bu əsrdə təmin edilə bilər. Onun üçün artıq masonluq da, tampliyerlər də, sanhedrin də, dərin dünya dövləti də qərar verməlidir. Çünki başqa cür olduqda, dünya tamamilə yox olacaq. Artıq İslam Birliyini hakim etməyin vaxtı gəlib çatdı.

Hz. Mehdi (ə.s) olduğu dünyada qiyamət qopmur. Amma insanların xəbəri yoxdur. Dünyadakı bütün xurafatçılar ona düşməndir. Onun sayəsində hələdə yaşadıqlarından xəbərləri yoxdur. Onun sayəsində qiyamətin qopmadığından xəbərləri yoxdur. Küfr əhli, azğınlar, dəlalət əhli, hamısı, onun sayəsində yeyib içdiklərindən xəbərləri yoxdur.

Müsəlman çox rahat olur, hər yerdə rahat olur. Allaha təvəkkül etdiyi üçün, ona etimad etdiyi üçün, axirətdə də diriləndə son dərəcə rahat olar. Məsələn, möminlər Qiyaməti sevinc içində seyr edir.

Hal-hazırda dünya səviyyəsində 7 milyard insandan çox bir kütlə, Allahın varlığını tamamilə, kütləvi şəkildə inkar edirlər. Bütün dünya dövlətləri kitablarında darvinist təlim əsasında insanın təsadüfən palçıqlı sulardan yarandığı izah edilir. Bütün dünya ölkələrindəki təhsil kitablarında: "Allah yoxdur" deyir. Haşa, bütün dünya ölkələrində Allaha meydan oxuyurlar. Normal olaraq dünya qiyamətin baş verməsinə layiq oldu, qiyamət qopmalıdır.

Mehdi (ə.s) vəsiləsiylə Allahı inkar edən darvinizm bəlası aradan qalxacaq, İslam dini yaşanacaq, bir müddət sonra isə qiyamət qopacaq.

Hədisdə; "Mehdi (ə.s) zühur etdikdə Qiyamətin qopması dayandırılar" deyilir. Hal- hazırda qopmasının qarşısı alındı, Qiyamət xeyli yaxınlaşdı, Allah qarşısını aldı. Bunu Mehdi (ə.s)-ın dünyada olduğundan ötrü etdi.

Allahın bir məqsədi var; dünya boşuna yaradılmamışdır. İslamı dünyaya hakim etmək, Mehdisini çıxarmaq, İsa Məsihi yer üzünə endirib insanlara göstərmək, bir müddət sonra da qiyaməti qoparıb dünyanın sonunu gətirmək və axirəti insanlara göstərmək.

Qiyamətə çox az qaldı. İsa (ə.s) və Mehdi (ə.s)-ın Huruf-u Muqattayı bilməsi Allahın izni ilə şərt kimi görünür. Çünki indi başqa istifadə edəcək kimsə yoxdur, sonuncu onlar vardır.

Qiyamət mövzusunda bir daha söyləyirəm baxın, Qiyamət 2120-ci ildə qopacaq! Bir qayanın üstünə yazsınlar. 2121-ci ildə o yazını tapa bilməyəcəklər, çünki dünya artıq toz, duman olacaq. Allah Quranda: "Bir toqquşma" deyir. “Onu başqa bir toqquşma əvəz edəcək” deyir. Bunu görəcəklər.

Hicri 1506-cı ildən əvvəl İstanbulda zəlzələlər yox idi, inşaAllah. Dünya hicri 1506-cı ildən cəhənnəmə çevrildi. Bu vəziyyət 1545-ci ilə qədər davam edəcək. Zəlzələlər, fəlakətlər, bəlalar, vətəndaş müharibələri, qiyamlar olacaq. Bir faşist, kommunist qiyamı, üsyanı olacaq, dünyanı bürüyəcək. Qan su yerinə axacaq.

İsa Məsih də həyatdadır, Mehdi (ə.s) Moşiyah da həyatdadır. Vaxt bitdi. Artıq dünyanın sonundayıq. Hədislərdə və Səid Nursinin şərhlərində 2120-ci ildə qiyamətin qopacağı ifadə edilir.

Hal-hazırda dünyada sevgini müdafiə edənlər işıq saçırlar. Onsuz da Allah dünyanı onlara görə qoruyur. Yəni qiyamətin qopmamasının səbəbi budur.

Türkiyədə, Amerikada sevgini müdafiə edən çox az sayda nur kimi insanlar var. Allah sırf onlara görə dünyanı qoruyub yaşadır. Getdikcə bu nurların sayı artaraq işıq hər yeri bürüyəcək. Sonra bu nurlar zaman keçdikcə azalacaq, yox olanda qiyamət qopacaq.