Adnan Oktar A9 TV; 21 iyul 2017

İngiltərə dərin dövləti Fələstinin xəritədən silinməsini istəyir, buna görə bir qrup insandan istifadə edib iki tərəfi bir-birinə qarşı təhrik edir. Bir qrup İngiltərə dərin dövləti tərəfdarının keçirdiyi aksiya İsrail üçün "özünü müdafiə etmək hüququ" yaradır və Fələstin torpaqları yavaş-yavaş yox olur.

Misir ilə Türkiyə iki qardaş ölkədir. Misir xalqı bizim dostumuz, qardaşımızdır.

Şişirdilmiş makiyaj deyə bir şey yoxdur, yaraşan makiyaj vardır. Qadınlar necə bəyənib sevirlərsə o cür makiyaj etsinlər. Heç kim qarışmasın.

Kiprdə iki tərəf arasında pasport, viza olmasın, iki xalq qardaş olaraq yaşasın. Lakin torpaq verməkdən söhbət gedə bilməz.

Qadınların çoxu bədbəxt yaşayır, sevəcək insan tapa bilmirlər. Qadınların sevmə gücünə əngəl törədilmişdir. Qadına hörmət edilən mühit yaransın, qadınlar özlərini etibarda hiss etsinlər ki, həqiqi ruhlarını yaşaya bilsinlər.

Heyvandarlıq və əkinçilik, Türkiyənin ən çox üzərində dayanmağa ehtiyac olan iki məsələdir. Bu sahələrdən yüzlərlə iş sahəsi yaranar, məşğulluq artar.

İnsanların çoxu bir-birinə lağlağı yanaşdıqları üçün səmimi dostluq qurmaları mümkün olmur. Allahı sevən, Allahdan qorxan, səbirli, bağışlayıcı, nəzakətli insanlar çox olsa o, zaman o insanların içində hər kəs xoşbəxt yaşayar. Tənhalığa məcbur qalmaq mənəvi fəlakətdir.

Gənclərin böyük əksəriyyəti şüurludur, lakin üzərində çox böyük təzyiq olduğu üçün rahat, sabit yaşaya bilmirlər. Gənclərin üstündən bütün ictimai təzyiqlər qalxsa, təkcə Quranın meyarlarına görə yaşasalar, o zaman mümkün olduğu qədər azad olarlar.

Bir yerdə uşaq olduğu halda, sanki adi halmış kimi davranılmaz. Hər kəsin o uşağa kompliment deməsi, sevgi göstərməsi lazımdır.

Quran əxlaqını yaşayan mömin, insanları öz uşağı kimi qorumaqla, dəyər verməklə, sahib çıxmaqla məsuldur. Hamilik sistemi budur.

Türkiyənin müasir və azadlıq tərəfdarı olduğunun daha yaxşı vurğulanması lazımdır. O zaman Türkiyənin Avropa İttifaqı və Avropa ilə heç bir anlaşmazlığı olmaz.

İman sevinci ən gözəl sağlamlıq vəsiləsidir. Bütün mənliyi ilə Allah üçün yaşayan çox yaxşı həyat yaşayar.

Nifrət üslubu ilə heç bir mövzu həll edilməz. Musəvilər və ərəblər hz. İbrahimin övladlarıdır. Bu iki övlad bir-birlərinə qardaş olaraq yaşayacaqlar.

Münafiq, möminlərin arasında parazit kimi yaşayan varlıqdır. Münafiqin mövcudluğu möminin diqqətinin və ağlının açılmasına vəsilə olar.

Mənim dostlarım İslama, Qurana özünü həsr etmiş, Allah üçün yaşayan insanlardır. Dünyadan heç nəyi gözləmirlər.

İnşaAllah və maşaAllah zikrləri Kəhf surəsində keçən, şirki tamamilə aradan qaldıran iki böyük zikrdir.

Ruh yaşlanmaz. İki insan arasındakı dostluğa, sevgiyə yaş həddi qoymaq çox yanlış dünyagörüşüdür.

Sevmə və sevilmə bir-birinin içinə girmiş, bir-birinin içində ərimiş iki nurdur, sevən insan sevilər də. Ehtirasla sevən birinə, Allahı sevən qadın əsla müqavimət göstərə bilməz, ehtiraslı sevgi ilə o insana bağlanar.

Quranın heç bir məlumatı səhv çıxmayıb. Ədəbi cəhətdən bənzəri yoxdur. Elmi cəhətdən də 1400 il əvvəl bilinməyən məlumatlar verilmişdir.

Azərbaycan bizim canımız, qəlbimiz, parçamızdır. Çox dəyər verdiyimiz tərtəmiz mübarək insanların yaşadığı qardaş ölkəmizdir. Azərbaycanda da hər ölkədə olduğu kimi pislik istəyən zalımlar var. Bunlar Azərbaycana zərər vermək istəyir. Allah onları məğlub etsin. Azərbaycanın yeri mənim üçün ayrıdır. Azərbaycanın hüzur və sülh içində yaşamasını istəyirik. Azərbaycanlı qardaşlarımızı qətlə yetirən ermənilərdən bu zalımlığın mütləq hüquqi haqq-hesabı soruşulmalıdır. Lakin bütün ermənilərə nifrət etmək düzgün olmaz. Zalımlara qarşı olacağıq, məzlumların isə hamısını qoruyacağıq. Cinayət törətməmiş dinc günahsız insanlara nifrət etmək müsəlmana yaraşmaz. Yaxşılar ittifaq edəcək, dost olacaq. Azərbaycan və Türkiyə iki dövlət bir millət olaraq inşaAllah tarixdə gözəl şan qoyacaqlar.

Hər şeyi yaradan Allahdır. Yazını yazdıran Allahdır. Danışdıran Allahdır. Bütün güc və qüvvət Allaha məxsusdur.

İsrail ilə Fələstin arasındakı məsələni çıxılmaz vəziyyətə salacaq üsullar deyil, sülhü təmin edə biləcək ağıllı üsulların tətbiq olunması əhəmiyyətlidir. İsrail ilə Fələstin arasında daimi sülh üçün səy göstərək, Fələstinli qardaşlarımız torpaqlarına geri qayıda bilsin, hər cür zorakılıq aradan qalxsın.

İsrail ilə Fələstin arasındakı divarları dağıdaq, Fələstinli qardaşlarımız torpaqlarına qayıtsınlar, o torpaqlarda gözəl mədəniyyət yaradaq. İsrail-Fələstin sülhünün təmin edilməsində Türkiyə öncül olsun. İki xalqın ən gözəl şəkildə yaşayacağı sülh, sevgi dolu mühit yaradaq.

İsrailin etiraz və reaksiyaları sərt üsullarla susdurmağa çalışması yanlış və çirkin üsuldur. Bu köhnə məntiqi tamamilə tərk etmələri lazımdır. İsrail, dindar musəvilərin etirazlarını da bənzər şəkildə çox kobud üsullarla susdurur. Bu kobud anti-demokratik üsulları tərk etmək lazımdır.

İngiltərə Dərin Dövləti 3-cü İntifadanı başladıb müsəlmanlarla musəviləri üz-üzə gətirmək, Türkiyəni də qarşıdurmanın içinə çəkmək istəyir.