Bir Addım İrəli, İki Addım Geri - Adnan Oktar

Hər mövzunu mütləq sevgiylə, dostluqla, ağılla həll etmək lazımdır. Qəzəblə heç bir mövzunu həll etmək mümkün olmaz. Həll edilər kimi görünsə də, iki tərəfə də böyük zərər verər.

İnsanların ikisi də ağıllıdırsa sevgi müdhiş sürətlə inkişaf edər. Amma bir tərəfin ağılı zəifsə sevginin inkişafı illər çəkə bilər. Hər iki tərəf ağıllıdırsa, iki tərəf də eqoist deyilsə, hətta qısa söhbətdə belə dərin sevgi meydana gələr.

Bu əsrdə insanlar heç bir dövrdə nəsib olmamış böyük möcüzələr görəcəklər. İslamın hakimiyyətini, Mehdini, iki min il sonra İsa Məsihi, Tabut-u Səkinəyi, Hz. Süleyman dövründən gələn müqəddəs əmanətləri görəcəklər inşaAllah.

İnsanların çoxunun ülvi məqsədi yoxdur. Niyə yaşadıqlarını bilmirlər. Din deyə təqdim edilən sistem insanlara dəhşət yaşadan və dinlə əslində heç bir əlaqəsi olmayan sistemdir. Dinsizlik də dəhşət vericidir. Gənclər iki dəhşətin arasında qaldılar. Biz var gücümüzlə elmlə, irfanla bu dəhşəti aradan qaldırmağa cəhd edirik.

İncəsənət və azadlıq həyatın iki işığıdır. Sənətkarları dəstəkləmək bir növ ibadətdir. Azad olmalarının üzərində dayanmaq bütün qara buludları dağıdar. Xüsusilə qadınlara və gənclərə azadlıq vacibdir. Təzyiqlə əlaqəli heç bir anlayışı qəbul etməmək lazımdır.

Fələstin xalqının qurtuluşu üçün həqiqi çözüm üzərində dayanmaq vacibdir. Uzun illərdir qınamalar verilərək nəticə əldə edilə bilmir. Tam fərqli üsula ehtiyac vardır. Müsəlman zülmə hər zaman qarşıdır və bunu ifadə edir, amma qınamalar tək başına birdəfəlik çözüm gətirməz. Sevgini və sülhü təlqin etmək birdəfəlik çözüm gətirər. Həmişə qarşıdurma, müharibə, işğal, hücum iki tərəfə də yalnız acı gətirər. Acıların qat-qat artacağı yollara deyil, təhlükəsizliyi və sülhü gətirəcək yollara tabe olmaq lazımdır. Sevgi və sülh ən asan olandır. Amma insanlar bunun üsulunu bilmir. Sülhü təmin etmək çətin deyil. Bir sözə baxar. "Gəlin qardaş olaq" deyilsə hər şey bitər. İsrail xalqı ilə Fələstin xalqı peyğəmbər soyu iki gözəl xalqdır. İkisi də dindar, ikisi də çalışqan, ikisi də təmiz, ikisi də ən gözəl həyatı haqq edir. Qarşıdurmanı qızışdıran hər cür üslubdan çəkinib, bir-birlərini qoruyacaq, şəfqət duyacaqları üslub istifadə etmək və sülhü təlqin etmək lazımdır. İki tərəf də Allaha iman edir, iki tərəf də eyni Peyğəmbərləri sevir. Bölüşəmədikləri nədir? Torpaqdırsa, Yaxın Şərq çox geniş bölgədir. Hər yer boş və geniş ərazidir. Fələstinlilər də, İsraillilər də istədikləri hər yerə məskən salsınlar. Bölgəni yaşıllaşdıraq, gözəlləşdirək, gənclərə gözəl imkanlar təmin edək. Bağ-bağça, nəşə və sevincin olduğu yer olsun. Müsəlmanlar, musəvilər, xristianlar bayram kimi yaşasınlar. Qardaş olmanın ucsuz-bucaqsız faydası vardır. Hər şeydən əvvəl Allahın razılığını qazanmış olarıq. Heç kim qorxu içində yaşamaz, gərginlik hiss etməz. Silaha pul yatırmaq yerinə bölgənin rifahı, sevinci üçün pul xərclənər. Həmişə xeyirli, yaxşı iş görmək düşünülsə mərhəmətsizlik ortadan qalxar.

Fələstinin çözümü iki tərəfin bir-biriylə qardaş edilməsidir. İsrail və Fələstin xalqını bir-birləriylə barışıb, dost-qardaş olmaları üçün təşviq etmək lazımdır. Döyüşü qızışdıran hər şeydən uzaqlaşmaq lazımdır. Döyüşü tezliklə dayandırmaq vacibdir. İki xalq da eyni Peyğəmbər soyundandır. Hər ikisi də Hz. İbrahimin övladıdır. İki peyğəmbər övladı olan xalqı barışdırmaq bizim məsuliyyətimizdir. Ucsuz-bucaqsız o torpaqlarda qardaşca, çox gözəl yaşaya bilərlər. Biz hər zaman qardaşlığı təşviq etməyə davam edəcəyik.

Münafiq çox murdar ruha sahib olduğunu bildiyi üçün sürətlə çökər. Üzü asfalt bərkidən maşını keçmiş kimidir. Münafiqlər bir-birlərinin də əxlaqsız olduğunu bilir və bu əxlaqsızlıq bünövrələrinin qaldıra bilməyəcəyi xüsusiyyətdə olduğu üçün ömürləri həmişə qısa olur. Münafiqlərin çökmə sürəti möminlərdən ən az 20 il daha irəlidir. Çürümə və pozulma münafiqlərdə çox şiddətlidir. Münafiqlərdə əqli pozğunluq da çox şiddətlidir.

Fələstinli canlarımızın hüzuru və dindar yəhudilərin rahat yaşaması üçün qardaşlığı və sevgini xatırladan üslubdan istifadə etmək lazımdır. Döyüş məntiqiylə hərəkət etmək olmaz. "Bu insanları buradan söküb atacağıq" deyərək yaxınlaşmazlar. Öncəlik sevgi, dostluq və qardaşlıq olmalıdır. Bunu dindarlar bir araya gələrək edə bilərlər. İki xalqı bir-biriylə dost etmək əsas olmalıdır. Bölgənin torpaqları geniş, hər yer hər kəsin olsun, hər kəs istədiyi yerə istədiyi kimi yerləşsin, yetər ki, bu döyüş bitsin.

Bir çox evlilikdə əsas, qarşılıqlı yardımlaşma və həmrəylik dərnəyi kimi, şirkət tərzi quruluş olur. Bir-birlərini maddi cəhətdən dəstəkləmək, qoruyub saxlamaq, iki tərəfin imkanlarını qarşılıqlı yaxşı qiymətləndirmə tərzində və tamamilə məntiqə söykənən olur. Bu məntiqin bir adı da olur, adına sevgi deyirlər. Sevgi deməsələr ayıb olacağı üçün bu örtüyün arxasında yaşanır hər şey. Sanki şirkət həmrəyliyi əsas mövzu olur. Yaxşı şirkət ortağı tapa bilmək üçün də oxuyur, təhsil alır, dil öyrənir, yaxşı işə girməyə çalışır, avtomobil əldə edir və s. Kübar taktikalarla iki tərəf də bir-birinə mal verməməyə çalışır. Həqiqi sevgidə məntiq deyil vicdan əsas ölçüdür. Yalnız Allahın razılığı, rəhməti və cənnətinə görə hərəkət edilər.

Fələstin və İsrail Peyğəmbərin nəslindəndirlər. Bir Peyğəmbərin iki övladı. Peyğəmbər övladlarının bir-birini sevdiyi, qardaş olduğu, dost olduğu bir mühit olsun istəyirik. Bütün problemlərin tək həlli sevgidir. Hz. İbrahimin övladları bir-birinə sarıldığında bölgə cənnətə dönəcək. Ittihadı İslamın ilk addımı da bu sevgi olacaq.

İsrail və Fələstin arasındakı mübarizəni Allahın icazəsi ilə bitirəcəyik. İkisi də Peyğəmbər nəsli olan bu iki xalqın qardaş olaraq yaşamasını istəyirik. Günahsız bir fələstinli şəhid edən də günahsız bir musəvinin canına qıyan da zalımdır. Biz hər cür zalımlığa qarşıyıq. Fələstinli canımız qardaşlarımızın hüzur və təhlükəsizlik içində yaşamasını istəyirik. Hz. Musanın bizlərə əmanəti olan yəhudilərin hər yerdə təhlükəsizlikdə olmasını istəyirik. Allahın izni ilə bu gözəl sülh mühiti Mehdiyyət dövründə meydana gələcək.

Bizim yaxşı cəhətimiz mühafizəkar təbəqə ilə dünyəvi təbəqəni uzlaşdıran anlayışımız olmasıdır. İki təbəqə arasında əlaqə olmaması, cəmiyyəti parçalamaq, ayırmaq istəyənlər tərəfindən istifadə edilə bilir. Keçmişdə bunun bir çox nümunəsi yaşandı. Bir daha bənzər hadisələrin baş verməməsi üçün bizim fəaliyyətlərimiz, işlərimiz çox əhəmiyyətlidir. İki təbəqə də bu vətənin insanıdır, iki təbəqə də dəyərlidir. Qatı anlayış olduğu zaman mühafizəkar təbəqənin sahil bölgələrində yaşayan xalq ilə, dünyəvi insanlarla əlaqə qurması qeyri-mümkün olur. İki tərəf də öz içində yaşayır. Biz Quranın demokratiya, dünyəvilik və azadlığı gətirdiyindən bəhs etdiyimiz zaman hər iki tərəfin ön mühakimələrini aradan qaldırmış oluruq. Lakin bəzi mövhumatçılar cəmiyyəti parçalamaq məsələsində qətiyyətli kimi görünür, biz də bunu düzəltməyə çalışırıq. Qardaşcasına birlikdə sevgiylə yaşayacağıq inşaAllah.

Mömin dünyanı cənnətə döndərmək istəyər. Şeytan isə dünyanın cəhənnəm kimi olmasını istəyər. Nifrət yayılsın istəyər. Diqqət edirsinizsə insanların çoxu bir-birindən nifrət edir. Bir partiyanı sevirsə, digərindən nifrət edir, bir komandanın tərəfini tutursa digərindən nifrət edir. Hər kəs bu vətənin övladıdır. Hər kəs bir-birinə hörmət göstərərək qardaşcasına gözəl yaşaya bilər. Qardaşcasına yaşamaq olduğu halda, ağlasığmaz dərəcədə nifrət üslubu olması dəccaliyyətin həmləsinin yaratdığı nəticədir. Bütün gücümüzlə bu sevgisizlik kirini təmizləmək üçün elmlə, irfanla səy göstəririk. Müsbət aura ilə, sevgiylə, hörmətlə həmişə insanlara keyfiyyəti, dostluğu, gözəlliyi, qardaşlığı sevdirmək üçün səy göstəririk və Allaha şükür çox müvəffəqiyyətli oluruq. Dostluq və sevginin qalib gəldiyini 3-5 il sonra görəcəksiniz.

İnsan həssas varlıqdır. Sevgiyə görə yaradılmışdır. Evində, ailəsində, küçədə, məktəbdə, əyləncədə sevgini tapa bilmədikdə, insanlar böyük stressə düşür. 3-5 il sonra, əsrlərdir insanlardan getmiş olan sevgi geri qayıdacaq. Bunu hamımız birlikdə görəcəyik inşaAllah.

Sağ təbəqədəki bəzi qardaşlarımız içlərinə qapalı yaşadıqları üçün bizim uzlaşdıran rəftarımızın nə qədər əhəmiyyətli olduğunu dərk edə bilmirlər. Əvvəllər Atatürkçü dünyəvi təbəqə ilə mühafizəkar təbəqə arasında çox böyük məsafə vardı. Atatürkün səmimi dindar olduğundan, dünyəviliyin Quranda olduğundan dəlilləri ilə bəhs etdik. Dindarlığın həyat dolu yaşayış olduğunu göstərdik. Bu iki təbəqə arasındakı məsafənin qapanmasını təmin etdik. Bir çox ölkədə hərbi çevrilişlər, cəmiyyətin bu iki təbəqəsi arasında məsafədən istifadə edilərək təşkil olunur. Belə fitnənin də qarşısının alınmasına vəsilə olduq.

Cümhuriyyətin ilk illərindən bəri davam edən və çox vaxt açıqca ifadə edilməyən "xalqı ikiyə parçalamaq" hərəkatı var. Bir tərəfdə Atatürkçü, ziyalı, rəsmi, musiqini, rəqsi, heykəli, incəsənəti sevən, həyat dolu təbəqə, digər tərəfdə isə Atatürkdən xoşlanmayan, içinə qapalı, musiqidən, rəsmdən, incəsənətdən də həzz almayan, əyləncəyə, sevincə, qarşı olan təbəqə var. Bu Türkiyədə qədimdən bəri davam edən adı qoyulmamış parçalanmadır və hər iki tərəf müəyyən şəkildə bir-birinə kin bəsləyər və razılaşa bilməz. Adətən hərbi çevrilişlərdə də bu parçalanma bəhanə göstərilər. 60-cı ildə, 71-ci ildə, 80-ci ildə həmişə belə olmuşdur. Çevrilişlərin anatomiyası təhlil edildikdə bu vəziyyət açıqca görünər. Baxın, məhz bu anlaşmazlığı aradan qaldıran anlayışa sahib olduğumuz üçün hədəf oluruq. Biz izahatlarımızla həm iki təbəqənin bir-birinə olan qəzəbini aradan qaldırırıq, həm də bu iki təbəqənin həyatlarının bir-biri ilə uzlaşmasını təmin edirik. Atatürkçü, ziyalı, mədəniyyətli, bilikli, rəsmdən, incəsənətdən xoşlanan təbəqə ilə dindarlar arasında məsafə olmasının lazım olmadığını göstəririk. Ziyalı, müasir, şən, həyat dolu, incəsənəti, musiqini, gözəlliyi sevən, keyfiyyətə əhəmiyyət verən, Qurana sadiq, Qurana uyğun sünnəni tətbiq edən dost icması olaraq mövcud olmamız çox mühüm fitnəni yox edirik. Həm iki təbəqə arasında razılaşma təmin edirik, həm də iki təbəqənin bir-birinə olan qəzəbinin yersiz olduğunu göstəririk. Beləliklə, millətin və vətənin birliyinə qarşı çox əhəmiyyətli xidmət göstəririk. Çox insan bunu görmür, lakin İngiltərə dərin dövləti görür və buna görə var gücü ilə bizim üzərimizə gəlir.

Gənc qızlar və dəliqanlılar bir-birilərini ön mühakimə ilə dəyərləndirməsinlər. Mütləq təkəbbürlənəcək, lovğalanacaq, xəcalətli edəcək deyə çəkinirlər. Dəyər verməyəcək, müəyyən yolla alçaldacaq deyə çəkindikləri üçün özlərini qoruyurlar. O zaman sevgisiz, hörmətsiz, kim kimi daha çox alçaldacaq, kim kimi üstəsindən gələcək yarışı olur. İki tərəf də sadəcə fürsət qazanmaq istəyir. Bu şəraitdə dostluq olması, səmimiyyət olması qeyri-mümkündür. Bunun aradan qalxması üçün iki tərəfin də ortaq konstitusiyada, Quranda ittifaq etməsi lazımdır. Quranı əsas götürməyən insana necə güvənə bilərsən, harada nə edəcəyindən necə əmin ola bilərsən?

Antidemokratik yollarla İranı dağıtmağa cəhd edən İngiltərə dərin dövlətinin qanunla, hüquqla imkan vermərik. Hər kəs fikrini ifadə edər, hökumətləri tənqid edər. Lakin dövləti, milləti antidemokratik yolla dağıtmağa cəhd edənə tamaşaçı qalmaq olmaz. İngiltərə dərin dövlətinin göstərişi ilə İranı dağıtmağa cəhd edənin başına dünyanı elmlə, qanunla yıxarıq. İran və Türkiyə qədim dost olan iki ölkədir. Bir-birini hər şəraitdə müdafiə edər və dəstəkləyər. İranın yanındayıq, həmişə yanında olacağıq inşaAllah.

Dünyada əsas məsələ Allaha qul olmaqdır. Digər bütün məsələlər əlavə məsələdir. Təəccüblü olan insanların dünyaya aludə olması, Allahı unutmasıdır. Allahı unutmaq çox çirkin cəsarətdir. Ruh sahibi insan, əks vəziyyətdə bir-iki dəqiqə belə yaşaya bilməz.

/ 4

ƏSƏRLƏR

KATEQORİYALAR