Adnan Oktar A9 TV; 16 dekabr 2012

Nümunəvi insan görmək insanlara müsbət təsir edər. Onun üçün Cənab Allah "Səhabələrə uyun" deyir. Ayə var Quranda "peyğəmbər (s.ə.v)-ə və səhabələrə uyun" deyir Allah. Nümunəvi insanlara uyun.

Ağıllı bir insanın rəhbəri Qurandır. Qurandan çıxsan ağlın da gedər, Allah əsirgəsin. QURANLA HƏRƏKƏT ETSƏ MÜVƏFFƏQİYYƏT QƏTİDİR. Ayədə onu Allah dəfələrlə açıqlayır. Qəti müvəffəqiyyətli olarsınız, deyir Allah. Amma səbirli, əzmli olaraq Qurana tabe olacaq.

Allah heç kimə zülm etməz. Möminlər heç bir şəkildə cəhənnəmə getməz. Amma mömin cəhənnəmdən qorxacaq, cəhənnəm əzabından çəkinəcək. Amma təkrar deyirəm: bir mömin əsla və qətiliklə cəhənnəmə getməz.

Qiyamət çox sürətli inkişaf edən bir vəziyyətdir. Çünki dünya ilə bir toqquşma olacaq. Çox böyük bir meteorit dünyanı deşib keçəcək. Ayədə deyir: "İlk toqquşmanı ikinci toqquşma izləyər". Aydın olur ki, o toqquşan obyekt dünyanı deşib keçəcək, fırlanacaq, bir daha vuracaq. Bunun nəticəsində Dünya əks istiqamətdə dəyişəcək. Tərsinə fırlanmağa başlayacaq. Amma bu saatlar içərisində bitəcək bir hadisə. Ən çox saat davam edər. Çox sürətli qiyamət qopacaq.

Şeytan deyilən bir mənfi güc var, amma təsiri zəifdir. Əsas olan, biz əgər vicdanımızı istifadə etsək, ağlımızı istifadə etsək Allah bizə, dayanmadan vicdanımıza vəhy edər. Məsələn, biz bir şey edərkən, əgər o səhvdirsə bizə məlumat olaraq gəlir o. İlham edilər. Ürəyimizə ilham olar. O məlumata müqavimət göstərsək vicdansızlıq etmiş olarıq. Əgər müqavimət göstərmiyib tətbiq etsək, vicdanımıza uymuş olarıq.

Dəccal ordularını məğlub edəcək gücü Cənab Allah türk əsgərinə, polisimizə nəsib edəcək. Çünki axır zamandayıq, Mehdiyyət dövründəyik. Onlar Allah tərəfdarı və hz. Mehdi (ə.s)-ın ordusudur. Allah tərəfdarları məğlub olmaz.

Fanatiklər kobud, təcavüzkar, hamıya nifrət edən, sevgisiz, eqoist, qısqanc çirkli və çirkin bir qadın modeli istəyirlər. Bu cazibəsiz bir model olur. Buna heç kim yaxın durmaz. Bu vəziyyətdə İslam hakim olmaz, Allah əsirgəsin.

Bir qisim qardaşlarımız səfaləti, pərişanlığı Allahın istədiyini zənn edirlər. Bu düşüncəyə görə Allah, imtina etmədikləri üçün İslamın dünyaya hakimiyyətini təxirə salır.

Allah Osmanlını niyə yıxdı? Xalqın çox bir hissəsi sənətə, estetikaya və elmə qarşı olduğu üçün yıxdı. Dövlət qarşı deyildi, amma xalqın çoxu qarşı idi. Dövlət saraylar tikdirirdi, bulaqlar bəzəməyə çalışırdı, amma xalqın böyük hissəsi elmə və sənətə qarşı idi. Fanatizm geniş olaraq ətrafı əhatə etmişdi. Buna görə Allah Osmanlını yıxdı.

İman zəifliyi olsa Allah dünyanı qovurur, xoşbəxtlik vermir. Osmanlının məhv olmasının səbəbi odur, Səlcuqluların məhv olmasının səbəbi yenə odur. Fanatik bir quruluş inkişaf edəndə, mühafizəkar bir quruluş inkişaf edəndə, sənət, elm, sevgi azalanda, Quranın özündən uzaqlaşanda mütləq fəlakət gəlir.

Allah quluna əziyyət etməz. Allah müsəlmanların acı içində yaşamasını istəməz. Allah qadınların acı çəkməsini istəməz. Allah qadınları sevər. Onları sevilsin deyə yaradır Allah, onları acı çəkmələri üçün yaratmadı.

Allah aşiqi olmaq fərqli, mal aşiqi olmaq fərqlidir. Mal aşiqi malla gəlir, malla gedər, yəni mala çevrilər. Allah aşiqi Allah üçün sevər. Allah üçün sevdimi dünyada da, axirətdə də xoşbəxt olar.

Namaz şərtdir, müsəlmanın ayrılmaz parçası namazdır. Namaz müsəlmandan qopa bilməz. Müsəlmanla namaz bitişikdir, birlikdə nəfəs alıb vermək kimi, ürək döyüntüsü kimidir. Allaha təşəkkür etmədən yaşanarmı? Allaha sevginin ifadəsi, təşəkkürün ifadəsidir.

Səcdədə qürurunu heç yerinə qoyursan. Cənab Allaha əyilirsən. Bunun idmanla əlaqəsi yoxdur, gimnastika ilə də əlaqəsi yoxdur. Orada təvazökarlığını göstərirsən. Allaha təşəkkür etmiş olursan.

Namazı 5 vaxtda qılın. Qıla bilmirsinizsə 4, qıla bilmirsinizsə 3, qıla bilmirsənsə 2 (bir səhər bir axşam), qıla bilmirsənsə 1 (sadəcə səhərlər və yaxud axşam), o da olmursa cümə namazlarını, o da yoxsa bayram namazını qılın. Namazsız qardaşımız qalmasın, mütləq qılın, inşaAllah.

Quran çox sadə bir kitabdır. Allahın hökmləri çox sadədir, xeyli asandır. Həyatı çətinləşdirmək din deyil. Yəni murdar paltarlar, yeməklər, mühit, murdar görünüşlü qadınlar, murdar görünüşlü kişilər, qəmgin mühit, musiqi yox, şəkil yox, sənət yox, elm yox, estetika yox, çirkin bir quruluş, dayanmadan ağızlarında təhqir, böhtan, hamıya qarşı nifrət var. Belə din olmaz. Bunun dinlə əlaqəsi yoxdur.

Hz. İsa Məsih gələndə Qurana uyğun gəlib xristian aləmini də nümunəvi insan olaraq İslama dəvət edəcək.

Din rahatlıq, sevgi, gözəllik, sülh, yaxşılıq, bağışlamaq, demokratiya, fikir azadlığı, sənətin, elmin ən inkişaf etmiş ən gözəl istiqamətlərinin nümayiş olunduğu möhtəşəm bir quruluşdur. Qarışıq hala gətirirlər dini. İnsanları dindən lazımsız yerə soyudurlar. Dəccala xidmət elə olur.

Cənab Allah "Mənim adımı xatırlayın. Ondan sonra da oturun" demir ki. İslam Birliyini bizə fərz etmişdir. İslam Birliyi olduğunda bütün narahatlıqlar, qarışıqlıqlar, bir-birini bəyənməzliklər hamısı ortadan qalxar. Çünki ən ağıllı, ən doğru sistem qurulmuş olacaq.

Fanatik düşüncə dindən soyutmaq üçün dini xeyli çətinləşdirir. Çox hiyləgərcəsinə şeytanın bir oyunudur. Çox asan olduğu halda dini çətinləşdirəndə adamlar dinin yaşana bilməyəcəyini düşünür və imtina edirlər. Halbuki, din çox asandır.

Hz. Mehdi (ə.s) dövründə bütün dünya İslama qaçacaq. Xristianlar, yəhudilər də onun ədalətindən məmnun olacaqlar. Bütün insanlar azad şəkildə dinlərini yaşayacaqlar, hüzur və bərəkət gələcək, döyüşlər dayanacaq, silahlar qalxacaq, qan axmayacaq, terror, anarxiya olmayacaq. Bir rahatlıq, gözəllik, sevinc bütün dünyanı əhatə edəcək. Sevgi dünyanın hər tərəfini əhatə edəcək. Sevgisiz heç bir yer qalmayacaq.

SEVGİNİ HEÇ BİR ŞƏKİLDƏ BURAXMAMAQ CƏNNƏT XÜSUSİYYƏTİDİR. Çünki cənnətdə sevgi heç buraxılmır. Cənnətdə sonsuza qədər sevgi buraxılmaz. Ən böyük nemətdir. Ən böyük gözəllikdir. Yoxsa cənnətin bir mənası olmaz sevgi olmazsa. Allahı sevdiyimiz üçün cənnətdə hər şeyi sevərik.

Dua hər gün olacaq. Cənab Allaha dua etmək çox zövqlüdür. Sevinc verər, rahatlıqdır dua. Böyük nemətlərdən biridir.

Sevgini ön plana çıxartmaq lazımdır. Bütün camaatı sevmək, qardaşlarımızı sevməə yenə sevgi ilə cavab vermək. Yenə sevgisizsə, yenə sevgi ilə cavab vermək. Yenə sevgisizsə, yenə sevgiylə cavab vermək.

Xitablar gözəl olsun. Qardaşlarımız jarqon danışmasınlar. Danışarkən yersiz sözlər işlətməsinlər. Gözəl sözlər desinlər. Xüsusilə xanımlara xitablarda jarqon qəti şəkildə olmaz. Çox çirkin olar, ədəb-ərkana yaraşmaz. Xanımlara sözün ən gözəli ilə xitab edilər.