Adnan Oktar A9 TV; 22 iyun 2017

İnsanların bir çoxu, əşyanı yaradanın Allah olduğunu unutduqları üçün dərin düşünə bilmir. Fincanı, televizor pultunu, yol kənarındakı otları, otların içindəki xromosomları, xromosomdakı məlumatı yaradanın Allah olduğunu düşünmədikləri üçün Allahı lazımınca təqdir edə bilmirlər.

Heyvanlara əziyyət verən insanların cəmiyyət təhlükəsizliyi baxımından məhkəmə yolu ilə izlənilməsi lazımdır.

Qadın hüquqlarının qorunması təkcə məhkəmə tədbirləri ilə mümkün olmur. Ən gözəl həll yolu qadına hörmət və sevgi ruhunun möhkəmləndirilməsidir.

Allaha çatan ən qısa yol səmimi olmaqdır. Allah səmimi qulların xilas olacağını bildirmişdir. Qəlbi fərəhləndirən, insanı axirətdə və dünyada xilas edən səmimiyyətdir.

Mehdiyyətdən başqa Yaxın Şərqə hüzur gətirəcək heç bir yol yoxdur.

Təkcə səmimi olmaq kifayətdir, Allah səmimi olana mütləq yol göstərər.

Haqsızlıqlar, məzlumların əzilməsi insanların canını çox yandırır. Səyyar satıcılara qarşı şəfqətsiz tədbirlər alınması da vicdanı çox zədələyir. Səyyar satıcıların dəzgahlarını devirmək vicdansızlıqdır, həll yolu deyil. Gigiyena üçün təhsil verilə bilər, satacaqları yerlər yaradıla bilər.

Dünyadakı problemlərin həlli üçün Peyğəmbərimiz (s.ə.v) tək bir həll yolu göstərmişdir: Mehdiyyət.

Edam terrora həll yolu deyil. Terrorun ideologiyası, yəni həqiqi beyni aradan qaldırılmadan həmişə yeni liderlər və militanlar ortaya çıxar.

Cinayət hallarının azaldılması üçün yeganə yol Allahın göstərdiyi yoldur. Haqq dindən başqa, cinayəti tam olaraq aradan qaldıracaq həll yolu yoxdur. Haqq dinlər gözəl və elmi yolla cinayəti tamamilə aradan qaldırar.

İslam aləmi üçün Qurana yönəlmək, Quranla yaşamaqdan başqa xilas yolu yoxdur. Dəfələrlə söylədim, həmişə söyləyəcəyəm. İslam aləminin Qurana sarılmaqdan başqa xilas yolu yoxdur.

Bəzi kütlələrdə nifrət ruhu çox hakimdir. Qorxunc sevgisizlik və mərhəmətsizlik yayılmış vəziyyətdə. Sevginin televiziyada, radioda, qəzetlərdə gecə gündüz gündəmdə tutulması lazımdır. Sevgini, gözəlliyi izah edən insanlar olsun, yol yalnız sevgiyə açılsın, nifrətə yolu tamamilə bağlayaq. Nifrət ifadələri, yazıları qadağan edilsin.

Şiddət, mərhəmətsizlik, terror müsəlmanın xüsusiyyəti deyil. Həqiqi müsəlmanın mərhəmət və sevgidən əlavə bir yolu olmaz.

Millət olaraq federasiya daxil olmaqla bölünməyə gedəcək heç bir yolu qəbul etmirik.

Boğazdan (Bosfor boğazından) keçən gəmilərin hər hansı tullantı maddəsi buraxmalarına icazə verilməməlidir, buna qarşı lazımi sanksiyalar tətbiq edilməlidir.

Türkiyə bir ölkənin təkcə bir təbəqəsinə deyil, bütün xalqına sahib çıxmaqla məsuldur. Misirdə də, bütün xalqı ayırd etmədən sahiblənməli, sevməliyik.

İnsan hər sözü, hər davranışı vicdanına baxaraq dəyərləndirməlidir. Vicdanının əmrinə tabe olan küsməyi, qəzəblənməyi, mərhəmətsizliyi aradan qaldırar.

Allahı ən çox sevən insan, dünyanın ən xoşbəxt insanıdır.

Mağazalarda işləyən insanlara hörmətsiz rəftar göstərmək, həm çox çirkin, həm də çox vicdansızlıqdır.

İslamı və dini izah etmək heç vaxt qarşılıq gözləyərək olmaz. İnsanın İslamı izah etdiyi üçün pul alması Qurana uyğun deyil.

Tayyib hocam bütün gəncliyini Allah rizası üçün sərf etmiş insandır. Belə insanın dünyadan gözlədiyi nə isə ola bilməz.

Əliaçıq olmaq gözəl xüsusiyyətdir. Dünya hərisliyi olmadan, malı bol paylamaq bərəkət gətirər.

Alkoqol insanları ruhən və fiziki olaraq çökdürər. Alkoqol insana nə isə qazandırmaz. Xoşbəxtlik Allah sevgisi ilə, Allah qorxusu ilə qazanılar.

İslamı, elm, incəsənət və həyatın gözəl tərəflərini öldürən sistem zənn etdikləri üçün dindən uzaq dayanırlar. Halbuki İslam sevincin, həyatın özüdür. İslamı sevinci yox edən sistem zənn etdikləri üçün qocalanda dini yaşayarıq deyirlər. Halbuki İslam insanlara təzyiq tətbiq edən bütün qaydaları aradan qaldırar.

Hər şeyi təsadüflə izah edən bir düşüncə elm deyil. Təkamül, təsadüf bütünə inanan bütpərəst inancıdır.