Adnan Oktar A9 TV; 8 iyul 2017

Xurafata əsaslanan Qurandan kənar din anlayışının çox zövqsüz, qaranlıq dünyası var. Bu qaranlıq yavaş-yavaş tamamilə aradan qalxacaq.

Qurandakı Allahın hökmündən kənar hökm olmaz. Ən gözəl, ən doğru hökm Qurandadır. (Ənkəbut surəsi, 51: özlərinə oxunan Kitabı sənə nazil etməyimiz onlara kifayət etmirmi? Şübhəsiz ki, bunda iman gətirən qövm üçün həqiqətən rəhmət və öyüd (zikr) vardır.)

İngiltərə dərin dövləti Fələstinin xəritədən silinməsini istəyir, buna görə bir qrup insandan istifadə edib iki tərəfi bir-birinə qarşı təhrik edir. Bir qrup İngiltərə dərin dövləti tərəfdarının keçirdiyi aksiya İsrail üçün "özünü müdafiə etmək hüququ" yaradır və Fələstin torpaqları yavaş-yavaş yox olur.

Allah sevgisi və Allah qorxusu olmadığı zaman, insanlar yavaş-yavaş keyfiyyətdən, təmizlikdən, ədəbdən uzaqlaşır, heç nəyə diqqət göstərmirlər.

Quran ruhunun hər yerə yavaş-yavaş yayıldığını görürük. İnsanların sevgi, qardaşlıq və dostluq axtarışı bu ruhun əlamətidir.

Çimərliyə gedən, plyaj geyimli qadınlarla eyni mühitlərdə olan bəzi kəslərin dekolteyə qarşı səmimiyyətsiz reaksiyaları olur. Bunun səbəblərindən biri də dinin həyatdan kənar olduğuna və ya din olduğu yerdə sevinc, gözəllik, musiqi, incəsənət olmayacağına inanmalarıdır. Dinin içində həyat olmayan ölü sistem olduğuna inananlar bizim aktiv sevinc dolu həyatımızı gördükdə əvvəlcə təəccüblənirlər. Lakin yavaş-yavaş Quran müsəlmanlığının mümkün olduğu qədər geniş azadlıq olduğunu görürlər və İslamdan uzaq olmaları aradan qalxır.

Mömin həmişə elmi Allahdan tələb edər və "Rəbbim elmimi artır!" deyə dua edər.

Ən böyük nemət Allahı ən çox sevməkdir. Mömin Allahı ən çox sevmək və Allahın ən çox sevdiyi olmaq üçün dua edər.

İnsanın anladığı və danışdığı dildə dua etməsi lazımdır. Nə dediyini anlamadan dua etmək olmaz.

Dua da, dua etdikdən sonra reallaşan hadisə də taleyin parçasıdır.

Möminlərin bir-birlərinə dua etməsi gözəl ibadətdir.

Allah hər yerdədir. Hər yerdə Allah zikr edilər. İnsanların dindən uzaq olmasını istəyənlər, Allah ancaq bəzi yerlərdə zikr edilər deyirlər.

Allahı çox sevsək, yeganə eşqimiz olan Allahı çox zikr etsək, Ona çox yaxın olsaq Allah bizə həmişə doğru yolu göstərər.

Dünya həyatının əyləncəsini seçib müsəlmanları və müsəlmanlarla birlikdə Allah üçün səy göstərməyi tərk etmək qəti şəkildə haramdır. (Kəhf surəsi, 28: Sən də səhər-axşam Onun rizasını diləyərək Rəbbinə dua edənlərlə birlikdə səbir et. Dünya həyatının (aldadıcı) bəzəyini istəyərək gözlərini onlardan uzaqlaşdırma. Qəlbini Bizi zikr etməkdən qəflətə saldığımız, öz “istək və ehtiraslarına (nəfsinə)” tabe olan və işində ifrata varana itaət etmə.)

Allaha təslim olmadıqdan, Allahı zikr etmədikdən sonra qəlblər nicat tapmaz.

Kommunizmin olduğu mühitdə həyat mənasız olar, insanlar robotlaşar və sevinc yox olar.

Quran qəlbə şəfadır. Qəlbin dərmanı Allahı yada salmaq, Allahı çox sevməkdir.

Mehdiyyəti rədd edənə, Allah bərəkət vermir, diqqətlə baxan bu həqiqəti görər.

Səyyar satıcılara qarşı daha anlayışlı, şəfqətli olmaq əhəmiyyətlidir. Əks təqdirdə millətimizin vicdanını narahat edər.

İnsanların axtardıqları xoşbəxtlik və gözəllik mehdiyyət dövründə olacaq.

Əyləncə, musiqi, gözəl qadınların müsəlmanların həyatında mövcud olduğunu görmək bəzilərinin heç xoşuna gəlmir. İncəsənət, gözəllik, sevinc olmadığı zaman, dini geriləmələr çox asan olurdu. İslamın bütün bu azadlıqları təmin etdiyini göstərməyimiz dini həyatdan çıxartmaq istəyənlərə heyrətamiz şok oldu. Buna görə də, təşvişlə fəryad edirlər. İstədikləri qədər fəryad etsinlər, bütün dünya sevinc içində dindar, gözəl yaşayacaq. Xüsusən özləri dindar olmadıqları halda, qadınların dekoltesinə, rəqsinə, sevincinə qarışanlar çox böyük səmimiyyətsizlik edirlər.

Allah üçün cani-könüldən, səmimi olaraq bir şeyi istəyən insana Allah o istədiyini mütləq nəsib edər.

Qadın gözəlliyi dünyanı cənnətə döndərər. Rəsm, musiqi, heykəl, şeir, incəsənət və ədəbiyyatın bir çox sahəsi qadın gözəlliyi üzərində qurulub.

Bir insanın dünyaya dair heç bir hərisliyi yoxdursa və təkcə Allah üçün yaşayırsa, canı daxil olmaqla, hər şeyini Allahın verdiyini bilərək yaşayırsa, o insan ehtiraslı sevginin namizədidir. O insana Allah ehtiraslı sevgini yaşadar.

Ehtiyacın olduğu halda başqasını qorumaq alicənablıqdır. Türkiyənin məhdud imkanları ilə Suriyalıları qonaq qəbul etməsi alicənablıqdır. Müsəlman özü ac belə olsa əsirə prioritet verən xarakterdə olmaqla məsuldur. Yüksək xarakter, üstün əxlaq bunu tələb edir. (İnsan surəsi, 8: Özləri, ona duyduqları sevgiyə baxmayaraq, yeməyi yoxsula, yetimə və əsirə yedirərlər.)