Adnan Oktar A9 TV; 23 iyul 2017

Quran əxlaqına əsaslanan ağıllı sevgi, şəfqət, yetkinlik anlayışının insanlara mənimsədilməsi lazımdır. Bu da ənənəçi izahatla olmaz.

Ərəb düşmənçiliyi də, İsrail düşmənçiliyi də xüsusi təhriklə əldə edilir. Sevgisiz insanların nifrət siyasətinə qarşı səbirli izahat əsas şərtdir.

İnsanların çoxu funksionallığı əsas götürür. Geyim zövqü, keyfiyyət, incəsənət, gözəllik axtarışı demək olar ki, heç olmur. Bu dəhşətli vəziyyətdir. Əksər insan arasında gözəlliyi öldürmə anlayışı yaranmış vəziyyətdədir. Gözəlliyi istəyəni və baxımlı olanı günahkar kimi görürlər, digər tərəfdən gözəlliyi təqdir edəcək, bəyənəcək kəsləri də olmur. Bu zaman inkişaf etmək, yaxşı olmaq, gözəlləşmək üçün heç səy göstərmirlər. Yaxşılıq, gözəllik, incəsənət, sevinc, sevgi, nəciblik həyatlarından çıxdığı zaman isə boğucu, şizofrenik, eqoist və içinə qapalı xarakter yaranır.

İnsanların xoşbəxtliyi axtarmamaları anormallıqdır. Xoşbəxtlik, hər şeyin sahibi, mərhəmətli, sonsuz ağıl sahibi Allaha bağlanmaqla olar.

Quran əxlaqını yaşayan mömin, insanları öz uşağı kimi qorumaqla, dəyər verməklə, sahib çıxmaqla məsuldur. Hamilik sistemi budur.

Bəzi insanlar çox az əlaqə ilə Allaha bağlanır, hərdənbir Allahı xatırlayırlar. Belə olmaz. Allahla əlaqədə millimetr, santimetr boşluq qoymadan kəskin diqqət olması lazımdır. Bu zaman insan həqiqi mənada xoşbəxt olar. Allahdan uzaqda olan isə həmişə sovrular.

Hörmətli Devlet Bahçeli çox keyfiyyətli və sadə insandır. İngiltərə dərin dövlətinə qibtə edən bəzi insanlar Bahçelinin dərinliyini anlaya bilmir, dəyərləndirə bilmirlər.

Çimərliyə gedən, plyaj geyimli qadınlarla eyni mühitlərdə olan bəzi kəslərin dekolteyə qarşı səmimiyyətsiz reaksiyaları olur. Bunun səbəblərindən biri də dinin həyatdan kənar olduğuna və ya din olduğu yerdə sevinc, gözəllik, musiqi, incəsənət olmayacağına inanmalarıdır. Dinin içində həyat olmayan ölü sistem olduğuna inananlar bizim aktiv sevinc dolu həyatımızı gördükdə əvvəlcə təəccüblənirlər. Lakin yavaş-yavaş Quran müsəlmanlığının mümkün olduğu qədər geniş azadlıq olduğunu görürlər və İslamdan uzaq olmaları aradan qalxır.

Bir çox insan sevgini bilmir, lakin mehdiyyət dövründə sevgi yüksək vicdanla, Allah qorxusu və Allah sevgisi ilə təcəlli edəcək.

Mən ən çox səmimiyyət, sevgi, dürüst və anlaşılan olmağa əhəmiyyət verirəm, kitablarımın da insan ruhunu açan əsərlər olmasına diqqət göstərirəm.

Görünüş ilə təbliğ mühümdür. Baxımlı, keyfiyyətli, sevgi dolu mühitdə olduğumuzu göstərdiyimiz zaman İslamın gözəlliyini tam sərgiləmiş oluruq.

Allah sevgisi və Allah qorxusu olmadığı zaman, insanlar yavaş-yavaş keyfiyyətdən, təmizlikdən, ədəbdən uzaqlaşır, heç nəyə diqqət göstərmirlər.

İngiltərə dərin dövləti Fələstinin xəritədən silinməsini istəyir, buna görə bir qrup insandan istifadə edib iki tərəfi bir-birinə qarşı təhrik edir. Bir qrup İngiltərə dərin dövləti tərəfdarının keçirdiyi aksiya İsrail üçün "özünü müdafiə etmək hüququ" yaradır və Fələstin torpaqları yavaş-yavaş yox olur.

Sevgi, mərhəmət, şəfqət olmadıqda hörmət də olmur. Allahı sevən, Allahdan qorxan insan qətiyyən qarşısındakına hörməti itirməz.

Qadınları gözəlləşdirən ən mühüm şeylərdən biri azadlıqdır. Qadın azad yaşaya bildiyi zaman canlanar. Biz qadın azadlığının əsas olmasını istəyirik, bacılarımız sevgisiz, təzyiq göstərən, nifrət dolu tiplərin sözlərini qəti ciddiyə almasınlar.

Allahı sevməyi, Allahdan qorxmağı bilməyənlərin baxışlarında sevgi, gözəllik, şəfqət, dərinlik olmaz.

Romantizm ağlın bir kənara qoyulması deməkdir. Ağıl bir kənara qoyulduğu zaman sevgi və eşq qalmaz. Sevgi və ehtiras ağılla həqiqi zəmininə oturar. Ağıllı olduğun vaxt bağışlayarsan, cəsur olarsan, eqoist olmazsan. Romantizmdə isə insan mənfəət üçün sevdiyini sata bilər, bağışlaya bilməz, cəsarət göstərə bilməz.

Xurafata əsaslanan Qurandan kənar din anlayışının çox zövqsüz, qaranlıq dünyası var. Bu qaranlıq yavaş-yavaş tamamilə aradan qalxacaq.

Allahın zikri və dua azaldığı zaman insanın özünə nəzarəti yavaş-yavaş itirdiyi çox qeyri-sabit ruh formalaşar.

Quran müsəlmanlığı yavaş-yavaş yayılır. Allah bizi təkcə Qurandan məsul tutacaq, gənclər bu həqiqəti çox yaxşı öyrəndilər.

İbadətgahlara hücum etmək Qurana görə haramdır. Məscidlər, sinaqoqlar, kilsələr Allahın qorunmasını əmr etdiyi müqəddəs məkanlardır. İbadət edən insanlara polad qapıları təpikləyərək reaksiya göstərmək qəhrəmanlıq deyil, ağılsızlıq, ədəbsizlikdir. İbadətgaha hörmət göstərilər.

Sevgiyə duyulan həsrət Quran müsəlmanlığına duyulan həsrətdir. Bu həsrətin çoxalması mehdiyyətin an məsələsi olduğunu göstərir.

İnsan zəif yaradılmış varlıqdır. Allaha özünü bağlamayan insan pessimist, içinə qapalı, şizofrenik xarakter formalaşdırar.

Allahı tərk edən insan faciəvi şəkildə sovrular. Allaha çox möhkəm sarılmaq, Allahı heç tərk etməmək lazımdır.

Ərəb Dövlətləri Liqasının asta, monoton, soyuq üslubu çox yanlışdır. Həll edilməsi lazım olan təcili məsələlər olduğu zaman asta davranmaq çox çirkindir.