Adnan Oktar A9 TV; 12 sentyabr 2017

A9 kanalının yeganə məqsədi Allahı sevmək, Allahın yaratdıqlarını sevmək, insanları, heyvanları, bitkiləri sevmək, sevgi, sevgi, sevgidir.

Allah bütün dünyanı mehdiyyətə doğru yönləndirir. Bütün baş verənləri yaradan Allahdır. İnsanlar hz. Mehdi hadisələri hazırlayır zənn edirlər, bu doğru deyil. Mehdi, Allahın yaratdığı hadisələr ardıcıllığının nəticəsində qarşımıza çıxacaq və hakimiyyətə vəsilə olacaq insandır. Mehdiyyətin əsas hədəfləri sevgisizliyin və ədalətsizliyin aradan qalxmasıdır. Bütün insanların axtarıb istədiyi mehdiyyətdir.

Allah insanları bacı-qardaş olmaları üçün fərqli ümmətlər olaraq yaratmışdır. Xristian və musəvi düşmənçiliyi Qurana uyğun deyil.

Allah insanların dünyanı sevməməsi üçün çoxlu tədbirlər alıb. Buna baxmayaraq, insanların dünyanı dəlicəsinə sevmə hərislikləri çox ibrətamizdir.

Allah sevgisi, Allaha aşiq olan üçün sirdir. İmanda səmimi olanlara verilən xüsusi elmdir. Bu elmi bilən böyük güc qazanar.

Allah sonlu sevgi istəməz. Sevgi sonsuzluğa açılan qapıdır, ucu-bucağı yoxdur. Böyük gözəllikdir.

Allahdan ən çox istədiyim Quranı düzgün anlamaq və düzgün yaşamaq, Allahı ən dərin sevgi ilə sevmək və ən dərin imanla iman etməkdir.

Allahdan ən çox istədiyim şey, ən dərin sevgi ilə Allahı sevmək, ən dərin imanla Allaha bağlanmaqdır.

Allahın mövcudluğunun açıq-aydın dəlillərini gördükləri halda, insanları kortəbii təsadüflərin məhsulu olduqlarına inandırmağa çalışmaq çox böyük günahdır.

Allahın peyğəmbərlərə verdiyi möcüzələrin heç biri ağlın ixtiyarını aradan qaldıracaq şəkildə olmaz. O zaman imtahan mühiti bitər.

Aşiq olduğunun Allahın təcəllisi olduğunu bilirsənsə, bu sonu olmayan heyrətamiz dərin duyğudur. Eşqdə özü üçün yaşamaz insan, Allahın köməyidir eşq, Allahı sevməkdir, buna görə də, aşiq olmaq böyük gözəllikdir.

Ateist və ya dinə inanmayan biri öyrənmək məqsədi ilə din haqqında istədiyi sualı soruşa bilər. Nə üçün bunu soruşursan deyilməz.

Axırzamanın ən mühüm əlamətlərindən biri zəlzələlərin çoxalmasıdır. 1980-ci illərdən etibarən zəlzələlərdə görünməmiş artım oldu.

Ayələrdə dəccaliyyətin 2017-ci ildə mühüm zərbə alacağına, böyüklü-kiçikli dəccalların bir-bir kökünün kəsiləcəyinə işarə edilir.

Başarı Allahın rizasını qazanmaqdır. Dünyada Allahın rizasını qazanmaqdan başqa başarı yoxdur.

Bədiüzzaman Səid Nursi yay ayında qış kimi böyük bir hadisə baş verəcəyini, bunun da mehdiyyətin əlamətlərindən biri olduğunu söyləyir. Şeyx Nazim həzrətləri də illərlə əvvəl etdiyi bir çıxışında İstanbulda şiddətli dolu yağacağını, bunun Axırzaman əlaməti olduğunu izah edir.

Bir insanın həqiqi üzünü görə bilməmək, həmişə taktika yürüdən bir insanla əlaqə qurmağa çalışmaq çox əzablı və çətindir. Səmimi insan çox olmur. İnsanların çoxu həyatı boyu olduqları kimi yaşamır. İnsanların həqiqi üzünü görmədən onlarla yaşamaq qorxuncdur. İnsanlar bir-birilərinin səmimi üzünü görə bilmədikləri üçün bir-birindən uzaq dayanırlar, yolda bir-birilərinə salam belə vermirlər.

Bura cənnət kursudur. Cənnət sevgisini, cənnət ehtirasını, cənnət nəzakətini, cənnətin hər cür gözəl əxlaqını dünyada öyrənirik.

Cənnət, Allahı çox sevdiyimiz üçün gözəl və dəyərli olur. Dünyada sevgini öyrənmə kursundan keçməsək cənnətin dəyərini anlamarıq.

Cənnətin ən gözəl zövqlərindən biri, dünyada göstərdiyimiz gözəl əxlaqı yada salmaq olacaq. Gözəl əxlaq nümunələrinin hər biri şərəf duyulacaq gözəl xatirələrdir.

Cənnətin əsas xüsusiyyətlərindən biri sevdiklərimizlə birlikdə olmağımızdır. Dünyada sevdiklərimizi cənnətdə doya-doya sevəcəyik inşaAllah.

Ehtiras Allaha dəlicəsinə aşiq olan və özü üçün yaşamayanların xüsusiyyətidir. Eqoist insanın sevgini bilməsi qeyri-mümkündür.

Evlənərkən imanlı, Allahdan qorxan, Allahı sevən, namusuna, ləyaqətinə diqqət yetirən, səmimi, dürüst, özü üçün yaşamayan insanı seçmək lazımdır.

Fədakarlıq edən birini axmaq kimi görənin əsas özü axmaq və ağılsızdır. Fədakarlıq edən Allah üçün o nəcib rəftarı göstərər.

Himayədarlıq sistemində müsəlman özü üçün yaşamaz, bölüşər. Hz. Əbu Bəkr bunu ən yaxşı tətbiq edən idi. Bəzi insanlar bunda çətinlik çəkirlər. Himayədarlıq sistemi Allahın nemət olaraq verdiyini Allaha geri qaytarmaqdır.