Adnan Oktar A9 TV; 2 dekabr 2016

Zahirən elə görünsə də heç bir mömin sıxıntı içində ölməz, canını sevinc içində verər.

Din haqqında zarafat olmaz. Müsəlman axirəti düşünərək, vəfat etdiyi halını düşünərək hərəkət etməklə məsuldur.

Ölüm, keyfiyyətli yuxudan oyanmaq kimidir. Oyanan kimi də axirətə keçmiş olur insan. Geri dönüşü olmaz artıq.

Möminin vəfat anında narahat olacağı heç nə olmaz. Canı rahatlıq və gözəllik içində alınar. Ölümdən sonrası üçün də möminin narahat olacağı tək bir an belə yoxdur.

Bəzilərinin Allahı bir dəfə belə düşünmədən yaşaması təəccüblüdür. Xüsusən gənclərin heç ölməyəcəklərini zənn etmələri qəflətə səbəb olur.

Bir insanın görmə, eşitmə, toxunmadaki sistemi bildiyi halda, Allahı heç zikr etməməsi əsla başa düşülən hal deyil. Çox böyük qəflətdir.

Atomda, molekulda, xromosomda görünən ağıl insanın ağlından qat-qat üstündür. İnsanların bunu düşünməməyi şeytani qəflət ucbatından olur.

Dəccaliyyət insanların həyatı boş və mənasız olaraq görmələrini istəyir. Həyata dair təlqin etdiyi məqsəd yalnız iş sahibi olmaq, evlənmək, çoxalmaq, futbol matçı izləməkdən ibarət olur. Bu zaman insanların çoxu heç axirəti düşünmədən yaşayır, ölüm gəldikdə axirət ağıllarına gəlir.

İnsan ağlı qəflətə çox meyillidir. Tək bir saç telində o insanın eynisi var, o insana dair bütün məlumatlar var. Lakin qəflətlə baxan düşünə bilmir.

Münafiqlər həmişə ölüm qorxusu, yaşlanma qorxusu və xəstələnmə qorxusu içərisindədirlər. Ölümdən nifrət edər, həmişə bu dəhşəti yaşayarlar.

Dünyada nemətlərin ölümlü olduğunu bilmək insanları narahat edir, çünki insanın fitrətində axirəti, sonsuzluğu istəmək var. Ölümün olması insanların diqqətini Allaha və axirətə yönəltmələrinə vəsilə olur. Buna görə xüsusi olaraq yaradılır.

İnsan öldüyü anda başqa aləmə keçər. Ölümlə birlikdə insanın görməyi kəskinləşər və dərhal başqa aləmə keçər.

Şeytan imtahanın mühüm ünsürüdür. Şeytan olmadıqda imtahan aradan qalxar. Ölümə qədər şeytanın təlqini vardır.

Ölüm təsvirin bir anda aydınlaşmasıdır. Möminin canını almağa gələn mələklər çox gözəldir. Mömin heç narahatlıq yaşamaz.

İnsan ölüm anından etibarən yeni aləmə keçər. Mömin ölüm vaxtı heç bir qorxu, narahatlıq və ya sarsıdıcı hadisə yaşamaz. Ölüm yuxu kimi olan bu təsvirin çox aydın təsvirə çevrilməsidir. Küfr əhli ölüm anından etibarən əzab yaşamağa başlayar, mömində əzab olmaz.

Allah sevgisi insanda ətalətə icazə verməz. Müsəlman qafil olmaz. Hər zaman çevik, canlı və diqqəti açıqdır. Qafil olsa bəla hər tərəfdən bürüyər insanı. Allah qorusun.

Əyləncə, İslam, Quran, yemək-içmək, hər şey; həyat tək halda bütövdür. İslamdan ayrı həyat yoxdur. Yəni; "bir hissəsi İslami, bir hissəsi də qeyri-islami" olmaz. Hər nəfəsində İslam var; əylənərkən, gülərkən, yatarkən, uzanarkən, qalxarkən; ağlına gələn hər yerdə İslam var. İslamın olmadığı bir yer qəflət deməkdir, pərişanlıq deməkdir.

Kainatın uca Memarı, uca Yaradanı Allah Özünü pərdələmişdir. Sevənə pərdəni açır, qəflət gözüylə baxana pərdəsini bağlayır, o zaman onlar görə bilmirlər. Axırzaman şəxsi (Mehdi) üçün də elədir; sevənə pərdəsini qaldırır, Özünü sevməyənə o adamı da göstərmir.

Əslində insanlar cənnətdəki sistemi burada görürlər, amma bunu bəzən başa düşmürlər. Biz buna artıq qəflət deyirik. Qəflət pərdəsi gözlərini örtdüyü üçün insanlar Allahı görə bilmirlər.

Dünyanın bir çox yerində müsəlmanların zehni iflic edilmiş vəziyyətdədir. Müsəlmanlar sanki kütləvi hipnozla müəyyən mənada sərsəm edilirlər.

Müsəlman mülayim, ağıllı, sevimli olar. Münafiq isə heyrət ediləcək şəkildə şeytani varlıqdır. Münafiqdə şeytani hərəkətlilik, oyanıqlıq, ədabazlıq və dəli cəsarəti vardır. Şeytan münafiqin ruhunu əsir alıb vücudundan maşın kimi istifadə edər.

Mənasız boş sözlərlə insanın beynini məşğul edəcək, daxili aləmini iflic edəcək hər cür boş işdən qaçmaq lazımdır. Bunlar şeytanın oyunudur.

Şeytan çox ədabaz və çaqqaldır. Münafiqin ədabaz və çaqqal olmasının səbəbi də şeytanın ruhunu əsir almış olmasıdır.

Hələbdə hər kəs ac olarkən, Rohincada müsəlmanlar yandırılarkən, İraq, Suriya qan gölü vəziyyətində olarkən müsəlmanın tənbəlliyə qapılması çox çirkin olar.

Mömin beyni yatmış olmamalıdır, həmişə fəal və dinamik olmalıdır. Huşsuz ruh halı möminə yaraşmaz.