Adnan Oktar A9 TV; 29 yanvar 2017

Möminin vəfat anında narahat olacağı heç nə olmaz. Canı rahatlıq və gözəllik içində alınar. Ölümdən sonrası üçün də möminin narahat olacağı tək bir an belə yoxdur.

Allah axirətdə insanlardan; “dünyada nə qədər qaldınız?” deyə soruşduqda; “bir gün və ya daha az hissəsi qədər qaldıq” deyəcəklər.

Bəzilərinin Allahı bir dəfə belə düşünmədən yaşaması təəccüblüdür. Xüsusən gənclərin heç ölməyəcəklərini zənn etmələri qəflətə səbəb olur.

Mələklərin, cinlərin, şeytanların yaradılmasında və axirətdə yenidən dirilmə olduqda təkamül yoxdur. İnsanın yaradılışında da təkamül yoxdur. Tapılan 700 milyon fosildə təkamülə dair tək bir dəlil yoxdur. Zülalın yaranmasında təkamülə dair dəlil yoxdur. Təkamül elmi olaraq yoxdur.

Zahirən elə görünsə də heç bir mömin sıxıntı içində ölməz, canını sevinc içində verər.

Bəzi insanlar dolanışıq dərdinə qaldıq deyirlər, zülm altında əzilən müsəlmanları unudub qəflətə qapılırlar. Bu böyük vicdansızlıqdır. Dolanışıq dərdinə qalıb qəflətə qapılanlar ölümlə birlikdə hər şeyi geridə qoyacaqlarını unudur, sanki qəflət yarışına girirlər.

Müsəlman xəstəlikləri Allaha yaxınlaşmağa, dünyadan imtina etməyə, əbədi həyatını qazanmağa vəsilə kimi görər.

Cənnətdə şüur kəskinliyi var, görmə itidir, dünya isə yuxu aləmi kimidir.

Dünyada nemətlərin ölümlü olduğunu bilmək insanları narahat edir, çünki insanın fitrətində axirəti, sonsuzluğu istəmək var. Ölümün olması insanların diqqətini Allaha və axirətə yönəltmələrinə vəsilə olur. Buna görə xüsusi olaraq yaradılır.

Dünyadakı hər şey gəlib keçəcək. Əsas olan axirətdəki vücudumuzdur, axirətdəki gözəlliyimizdir.

Axirətin zövqlərindən biri də İsa Məsihin, hz. Musanın, hz. Yusifin, Peyğəmbərimiz (s.ə.v) və bütün vəlilərin həyatlarını yenidən izləyəcək olmağımızdır.

İnsan öldüyü anda başqa aləmə keçər. Ölümlə birlikdə insanın görməyi kəskinləşər və dərhal başqa aləmə keçər.

Münafiqlərdə əbədi yaşama hərisliyi var. Münafiq axirətə inanmaz. Axirətə getsə belə əfv ediləcəyi və cənnətdə olacağı qənaəti var.

Səmimiyyətin tək yolu Allahı çox sevmək, Allahdan qorxmaqdır. Küfr anlayışında səmimiyyət ən böyük saflıq kimi görünür halbuki tam əksidir. Səmimi olduğu zaman əziləcəyini zənn edir, halbuki səbir etsə və səmimi olsa hər insan həm dünyada, həm də axirətdə çox gözəl yaşayar.

Din haqqında zarafat olmaz. Müsəlman axirəti düşünərək, vəfat etdiyi halını düşünərək hərəkət etməklə məsuldur.

Yuxular təhsil vəsiləsidir, həyat aləmidir. Möminlərin yuxuda da öyrədilmək üçün dua etmələri lazımdır. Yuxulardan məsul deyilik, lakin yuxularda öyrədilə bilərik.

Şeytan imtahanın mühüm ünsürüdür. Şeytan olmadıqda imtahan aradan qalxar. Ölümə qədər şeytanın təlqini vardır.

Ölüm, müsəlman üçün elə də çətin şey deyil. Qəfildən yuxudan oyanma kimi olur. Allah "asanlıqla" deyir, Allah, tam asanlıq mənasında söyləyər, yarım asanlıq mənasında söyləməz. Məsələn, insanın canı bir qədər ağrıyırsa, bir qədər çətinlik çəkirsə buna asanlıq deyilməz. Heç bir çətinliyin olmamasına asanlıq deyilər.

Allah həyatı yuxu kimi yaradır. Quran bu böyük sirrə işarə edir. İnsanlar dünyada yuxuda olduqlarını bilmirlər. Halbuki, hal-hazırda hamısı yuxudadırlar, yuxu görürlər. Bir hissəsi, məsələn, fəlsəfə tədqiqatçıları, bu həqiqətə heyrət və dəhşət içində şahid olurlar.

Biz hal-hazırda yuxudayıq. Həyat da bir yuxudur və biz yuxu görürük. Biz bu yuxudan öldüyümüz vaxt ayılacağıq.

DÜNYA çox keyfiyyətli yuxudur. ŞÜURU AÇIQ ŞƏKİLDƏ YUXU GÖRÜRÜK. Diqqətlə baxsanız, başa düşərsiniz: beynimizin içindəki görüntünü seyr edirik.

Qadınların üzərində böyük təzyiq olur. Mütləq şəkildə qadınlara necə yaşayacaqlarını öyrətmək istəyirlər. Qadınlar vicdanları ilə nə edəcəklərini bilərlər.

Bütün insanlar zər aləmində idi. Təkamüllə dünyada yaradılma deyə bir şey yoxdur. Hz. Adəm də zər aləmindən cənnətə, oradan dünyaya gəlmişdir.

Kitab evdəki səssiz mürşiddir. Gecə-gündüz bezib usanmadan təbliğə davam edər, bütün məhəlləyə öyrədər. Kitabla təbliğ ən yaxşı üsuldur.

Bəzi insanlar dini çox yanlış bilir. Dindar olan içinə qapanar, anti-sosial olar, sevinci azalar, mistik auraya bürünər deyə güman edirlər. Din bu deyil. Tam əksinə imanla, dinlə insan canlanar, sevinər. Mömin moderndir, həyat doludur; əksi müşriklərin iddiası və həyatıdır.