Adnan Oktar A9 TV; 9 iyul 2017

Mövhumatçılığa qarşı olan, lakin Quran müsəlmanlığını sevən və mənimsəyən bir nəsil yetişir, bu çox gözəl nemət oldu.

Türkiyənin gələcəyi inşaAllah çox gözəl olacaq. Bir imtahan dövründən keçirik, lakin nəticə gözəl olacaq inşaAllah.

Kiprdən veriləcək bir qarış torpağımız yoxdur. Yunanlar və türklər birlikdə qardaşcasına yaşayacaqlar, lakin heç vaxt torpaq vermərik.

Pirsinq də, döymə də qadınlara çox yaraşır. Qadınların istədikləri kimi baxımlı, gözəl olduqları bir dünya olacaq inşaAllah.

Axirətdə tamamilə yeni bir aləmdə, dünyadakı fizika qanunlarının olmadığı bir mühitdə yenidən yaradılacağıq.

Şəffaf ağılla yaşamaq gözəl olandır. Şəffaf ağlı bir kənara qoyub romantizmin boğucu aləmində əzilmək ağıllı deyil. Quranın ağlı nemətdir.

Bəzi bacı-qardaşlarımız İngiltərə dərin dövlətini hələ yeni-yeni anlayır və Türkiyənin nə qədər fövqəladə dövrdən keçdiyini qavraya bilmirlər. İngiltərə dərin dövlətinə açıq-açıq qarşı çıxan bir lider var, o da Tayyib hocamdır. Buna görə də, millət olaraq milli liderin ətrafında bir-birimizə möhkəm bağlanaq.

Münafiq hər gün özü üçün, yeni din yaradar. Münafiqin bir həftə əvvəl müdafiə etdiyi dinlə, bir həftə sonra müdafiə etdiyi din tam fərqli olar.

Heyvan sevgisi çox mühümdür. İnsanların bir qismi heyvanları sevməyin qiymətini və gözəlliyini hələ yeni anlamağa başladı.

Cəmiyyətin bəzi qatı qanunları insanların həyatını zəhərə döndərir, öz özlərini əzən bir sistem yaradırlar. Lazımsız qayda-qanunlar insanları boşuna əzir, hər lazımsız qanun, yeni zəncir olur. Quran insanların üzərindəki bu zəncirləri qırar. Quran azadlıqdır.

Bərzani sevdiyimiz, dəyər verdiyimiz bir insandır. Referendum işinə girməsin. Burada bir oyun var, onu devirmək üçün planlaşdırılan bir oyundur bu. PKK-ya qarşı gördükləri ən böyük maneələrdən biri Bərzanidir. Bərzanini əzmək istədikləri üçün referendum işinə daxil edirlər. Çox diqqətli olsun. Bərzani sülhsevən, ağıllı siyasətini davam etdirsin. Referendum kimi riskli işlərə heç girməsin.

Bir mömin, kafirin və ya münafiqin ruh halını əbədiyyən bilə bilməz. Bu, möminin heç bilmədiyi bir aləm və həyat tərzidir.

Mahnıların bir çoxunda həmişə qadınlara dair sevgiyə, hörmətə uyğun olmayan, təhqir tərzində üslublar işlədilir. Qadınları (guya) alçaltma və onların dəyərini az göstərmə mənası daşıyan və ya bilavasitə olaraq bu mənaya gələn heç bir bəstənin yazılmasına icazə verilməməsi lazımdır. Bütün incəsənət xadimlərimizin bu mövzuda çox həssas olmalarını xahiş edirik.

Münafiqlərin tək mübarizəsi təkcə çox faydalı gördükləri müsəlmanlarladır. Münafiq PKK-ya qarşı, darvinizmə qarşı, rumiliyə qarşı, dinsizliyə qarşı bir söz deməz. Təkcə müsəlmanları hədəf alar, müsəlmanlar arasından da ən faydalı gördüyü insanları hədəf alar.

Bir çox insan nifrətdən utanmır. Sevgisizlikdən də incimir. Bir çox internet saytının başlıqları ya öz aləmlərində lağ ya da kin doludur. Bir insanın bu qədər nifrətlə yaşaması mümkün deyil. Sevgi çox gözəl və zövqlüdür. Sevginin gözəlliyinə baxmayaraq sevgiyə müqavimət göstərmək anormallıqdır. Bunlar gözəl bir yerə getdiklərində o gözəlliyin nemətini belə başa düşmürlər, getdikləri hər yerdə çirkin dilləriylə narahatlıq verirlər. Gəmi gəzintisinə çıxır orada kapitanı danlayır, restorana gedir ofisiantı danlayır, mağazaya gedir buz kimi baxışlarla ətrafa baxır. Bunun adı yaşamaq deyil, sürünməkdir. Kin dolu insan ən yaxşı şərtlər daxilində olsa belə yaşamır, sürünür.

Gənclərin böyük əksəriyyəti şüurludur, lakin üzərində çox böyük təzyiq olduğu üçün rahat, sabit yaşaya bilmirlər. Gənclərin üstündən bütün ictimai təzyiqlər qalxsa, təkcə Quranın meyarlarına görə yaşasalar, o zaman mümkün olduğu qədər azad olarlar.

İncəsənət yoxdursa, keyfiyyət yoxdursa gözəllik yoxdur, gözəllik yoxdursa həyatın mənası yox olar. Bu fəlakət gəncləri haqlı surətdə çox narahat edir.

Türkiyənin müdafiə texnologiyasını gücləndirməsi və inkişaf etdirməsi olduqca əhəmiyyətlidir.

Allah insandan təkcə səmimi olmasını istəyir. İbadət edərkən də, həyatın hər sahəsində də təkcə səmimi olacağıq.

Dünyanın sevgi yurdu olmasını, cənnət kimi olmasını istəyirəm. Hər zaman məqsədim Allahın rizasıdır, Allahın rəhməti və cənnətini ümid etməkdir.

Bir yerdə uşaq olduğu halda, sanki adi halmış kimi davranılmaz. Hər kəsin o uşağa kompliment deməsi, sevgi göstərməsi lazımdır.

İctimai nəqliyyat vasitələrində qadınların şərəfi, oradakı bütün insanlara əmanətdir. Qadınlar hər zaman prioritet və hörmət görməlidir.

İnsanın təkəbbürlənəcək halı yoxdur. İnsan ətdən, sümükdən əmələ gəlmiş, qısa müddət dünyada qalıb torpaq olub axirətə gedəcək varlıqdır.

Mən ateist qardaşlarımın düşüncəsinə hörmət edirəm, hamısına dostluqla, qardaşlıq duyğusu ilə yanaşıram.

Allah xeyirlərimizin artmasını, xeyirli işlərimizin çoxalmasını bizə nəsib etsin.