Adnan Oktar A9 TV; 22 dekabr 2015

Avropa və dünya səviyyəsində bütün insanların bizə dost olması, eləcə də, ən başda Allahın bizi sevməsi üçün, heyrətamiz sevgi müəllimi olmalıyıq. Yəni dünyada görülməmiş xarakter nümayiş etdirməliyik. Dünya bizi heyrətlə izləməlidir. Həmçinin daha çox müasir olmalıyıq.

Xristianlıqda sevgi çox ön plandadır. Müsəlmanlar İncili oxumalıdırlar. Təhrif olunmuş hissələrini deyil, Qurana uyğun gələn hissələrini. İncil sevgidən bəhs edir. Həmçinin, Tövratda da sevgidən çox gözəl bəhs edən hissələr var.

Allah, Mən sevilməyə layiq olan sonsuz güc Sahibiyəm deyir. Bütün sevgini, hər şeyi yaradan Mənəm, sevdiklərinizi yaradan Mənəm. Onların görünüşü də Mənə aiddir deyir. Buna görə şirk qoşmayın, sevginizi Mənə yönəldin deyir. Doğru olan da budur.

İsrailə qarşı nifrət dolu olacaqsan, müasir heç nə olmayacaq, evin leş kimi olacaq, əşya olmayacaq, sevgisiz olacaqsan, ruslardan, yunanlılardan, iranlılardan, şiələrdən, ələvilərdən, vəhhabilərdən nifrət edəcəksən, hər kəsə söz atacaqsan. Bunları etdikdə şeytanın əlinə düşmüş olursan, nə qədər pis mövqeyə düşdüyünü görmürsənmi? Bunlar çox yanlış hərəkətlərdir. Müsəlmanın tək bildiyi şey sevgidir, sevgi dolu olmalısan.

Biz Avropalı, ziyalı, sevgi dolu olsaq, qadınlara dəyər versək, onların azad olduğu açıqca görülsə, incəsənətə, elmə, estetikaya çox əhəmiyyət versək, dünyanın ən keyfiyyətli ölkəsi olarıq. Hər kəs bizə heyran qalar. Bu olmasa qovrulub yox olarıq.

İnsan düşmənlərinə, sevgisizlərə sığınacaq verən, onları qoruyan bir sistemdən qəti olaraq uzaqlaşmalıdır. Sevgi insanlarını gücləndirmək lazımdır.

Allah Özünü bir örtüklə örtür. Çox nadir insanlar bu örtüyü açıb Onu görə bilir. Yəni ən azından, məsələn, o yetmiş pərdədən altmışını açan insan çox nadir tapılır. Əhli-qəlb bu pərdələri açar və açdıqca da Allaha yaxınlaşar.

Müsəlman müsəlmanı öldürür. Müsəlmanların başında bir lider olsa, məsələ həll olacaq. İslam Birliyi olsa, bütün müsəlmanlar xilas olacaq. Həmin gün, həmin saat xilas olarlar. Bir mənəvi lider, sevgi bağıyla lider, bütün terror və anarxiya qruplarının fəaliyyətini dayandıracaq. Sevgini, qardaşlığı əsas götürən bir ruhu bütün İslam aləminə yayacaq, hər kəsə bir-birinin dostu olduğunu göstərəcək.

Sən Allaha etibar etmirsənsə, Allah da sənin qarşına etibar edəcəyin insan çıxartmaz. Hamısını başına bəla edər. Sən Allaha qarşı mübarizə aparsan, bu zaman Allah da səninlə mübarizə aparar. Sən Allahı gücsüz hesab etsən, Allah da bu zaman sənin qarşına da gücsüz insanlar çıxardar.

Gələcək qorxusu iman məsələsidir. İnsan imanı ilə buna qalib gələr. İmanına etibarının olmamağı, imtahandan məğlub çıxmasının əlamətidir. Bu qorxuya mütləq qalib gəlməlidir.

Birisi : "Məndə sevgi, hörmət yoxdur, lakin pul vardır" deyir. Bu qadın üçün nə qədər qorxunc şeydir, kabusdur. Nə qədər əzab dolu bir həyatdır. Qəsrdə, sarayda yaşasa belə hər gün onun üçün əzab olar. Sevgi görmədikdən sonra, qiymətləndirilmədikdən sonra, o yeməyi, o paltar nəyinə lazım.

Sevgini dünya üçün çox lüks kimi göstərirlər. Şeytan insanlara əsrlər boyu bunu öyrətdi. Hal-hazırda insanlara sevgi deyildikdə, bunu çox uzaqda olan, əlçatmaz kimi qəbul edirlər. Halbuki sevgiylə iç-içə yaşayırıq onsuz da. İnsanın gündəlik yeməyi kimi, normal bir ehtiyacıdır sevgi.

Sevgi bir niyyətlə dərhal ayağımıza gələr. Sevgi qapıda gözləyər. "Sevgi, bura gəl" deyərsən, dərhal gələr. Sevgi dərhal insanın içini bürüyər. Ruhunda dərhal xidmətə hazır olar. Allah belə yaratmışdır. Lakin qapıda saxlayır insanlar. İçəri buraxmırlar sevgini. Bunun əvəzinə pislik, davakarlıq, kin, soyuqluq, şübhəcilik, mərhəmətsizlik, ədəbsizlik, nəzakətsizlik və kobudluğu qapının önündə saxlayırlar.

Sevgiyə gəl desən dərhal gələr. Çox asandır sevgi. Sevgi gələn kimi dərhal qəlbə yerləşər, beyinə yerləşər. Onsuz da sevgi insanı sevər; Allahı sevər, buna görə insanı sevər. Beyinə yerləşdikdə beyin rahatlayar. Qəlbə yerləşdikdə qəlb rahatlayar. Dərhal insanın üfüqü açılar.

Sevgi gözə yerləşər, göz gözəlləşər. Düzgün baxmağa başlayar. Dilə yerləşər, düzgün danışmağa başlayar. Səs tellərinə yerləşər, səsi gözəlləşər. Məsələn, dəriyə yerləşər, dəri sevgidən ötrü gözəlləşər. Yəni insanın hər şeyi xoş və təravətli olar.

“İmanımı da yaşayaram, küfr əhliylə də birlikdə olaram” deyir. Belə olduqda münafiqlik başlayır. Sən Peyğəmbərlə, müsəlmanlarla birlikdə olsan Allah bəyənər. Müsəlmanları tərk edərək öz aləmində çoxbilmişlik edirsən, lakin zənn etdiyin kimi olmaz.

Müsəlmanlar üçün ən mühüm şey imanın güclü olmasıdır. İman zəifliyi insanları pərişan edir. Dünyadakı ən böyük problem iman zəifliyidir. Quranın ən azı 70%-də insanların iman zəifliyindən bəhs edilir, iman həqiqətlərinin əhəmiyyətindən bəhs edilir.

Mömin imanını qətiyyən itirmək istəməz, bundan çox qorxar. Məhz imanını itirmək istəməməyi, iman əlamətidir. Yoxsa vəsvəsə gələr, düşünər. Lakin şüur altında iman edir. Bir kərə Allaha inanmışdır.

İman, şüur altındakı səmimi imana deyilər. Yoxsa insanın ağlı onsuz da gedib gələr. Yəni ağlından hər cür fikir keçər. Məsələn, bu doğrudurmu, bu yanlışdırmı.. Beyin budur. Beyindəki fikirlər qəribə fırtına kimidir. Bu imanla əlaqəli deyildir. Bunun adı vəsvəsədir. İman kök salmış bir şeydir. Yəni şüur və vicdanla sıx əlaqədə olan, qəlbən gətirilmiş səmimi qənaətə iman deyilər.

Ömür boyu mömin olmuş bir insanın; "Görəsən öləndə imanımı qoruyub saxlaya biləcəyəm?" sualı ilə narahat olması şeytanın vəsvəsədir. Bunu düşünməyə qətiyyən ehtiyac yoxdur. Belə şey olmaz. Yəni əsas məsələ səmimi və şüur altında olan imandır. Yoxsa insanın ağlına çox şey gələ bilər, bunların heç bir əsası yoxdur. Allah buna bütöv formada baxar.

İman gətirəndə, hər şeyin sahibi olan, sonsuz gücə malik Allaha bağlanırsan. İnanılmaz dərəcədə rahat olursan. Meteorlar sanki göydə quzu kimi hərəkət edər möminlər üçün. Lakin onlar, dinsizlər üçün dəhşət saçan canavarlar kimidirlər. Məsələn, yerin altındakı maqma bizim üçün ilıq süd kimidir. Lakin dinsizlər üçün cəhənnəmdir, onu yandırıb kül edəcək bir cəhənnəm. Qəlbimiz yalnız Allahdan qorxduğumuza görə rahatdır. Biz yerin altındakı maqmadan qorxmuruq, yalnız Allahdan qorxuruq. Biz Allahın onu necə idarə edəcəyini bilirik, maqmanın Allahın əmrinə tabe olduğunu bilirik. Maqmanın hər atomunun Allahı zikr etdiyini bilirik. Hamısı Allaha boyun əymişdir.

Mənə imanlı olub da, çirkin olan bir insan göstərsinlər. Səmimi imanlı insan çirkin olmaz, əsla belə bir şey olmaz.

İnsanların Allaha inanmadığını özümüzə dərd etmək, çox təhlükəli hərəkədir. Çünki Allah: "Hüzuruma tək-tənha gələcəksiniz" deyir. Burada bir sirr var. Buna görə də, insanların iman edib-etməməsinin bizə nə dəxli var. Allah bizim şüurumuzu açıq yaratmışdır. Allahın varlığı çox açıqdır.

Sevgi dünyanın ən gözəl tərəfidir. Həyatın ən gözəl tərəfidir. Çünki sevgi imanla əlaqəlidir. Allahı sevən, təcəlli olaraq insanları da sevər.

Qadınlara təzyiq göstərən bir zehniyyət əsla abad olmaz. Qadınları azad olan ölkə inkişaf edər, Allah onun yolunu açar. Qadına təzyiq varsa ora məhv olar.