Adnan Oktar A9 TV; 23 sentyabr 2014

Səhabə dövründə həmişə şəfqətlə, sevgiylə xeyir qazanılmışdır. Həmişə Peyğəmbərimiz (s.ə.v)-in sevgisi ad-san qazanmışdır, yüz minlərlə insan karvanlar halında müsəlman olmuşdur. Şiddətdən istifadə edildiyi üçün deyil; sevgidən ötrü iman etmişlər.

Hər yerə fikir adamı, düşünəbilən insan göndərmək lazımdır. Türkiyənin, Amerikanın çox gözəl imkanları var; radioları, televiziyaları, qəzetləri var; istifadəmizə versinlər, çox gözəl bir təbliğat fəaliyyəti icra edək. Bir ay belə çəkmədən hər yerde əminamanlıq olar.

Bizə Amerikanın və Türkiyənin radiolarında, televiziyalarında çıxış etmək imkanı verilsə kommunizmin, terrorun, anarxiyanın əsassızlığını çox gözəl şəkildə bütün bölgə xalqına izah edərik. Hər yer çox sakit olar. Hamı bir-birini qucaqlayar. Məsələ də bitər.

Təhdid nemətdir. Təhdid olan mühitdə İslamı izah etmək ibadətdir. "Təhdid olmasın, mən də ibadət edim" deyir. Elə olduqda ibadətin savabı xeyli azalar. Halbuki, müsəlman çox savab qazanmaq istəyir. Bir milyon savab qazanmaq olduğu halda, niyə bir savaba razı olursan?

Allah Öz yolunda olmayana rahatlıq verməz. "Təbliğ edərəm, amma bir şərtlə ki, gərək çox rahat olam". Sən onsuz da təbliğ etmək istəmirsən. Təbliğ, rahatçılıq olmadan edilən fəaliyyətə deyilir.

Təbliğdə nə olacaq? Əziyyət, məşəqqət, çətinliklər, təhdid olacaq. Bunlar artdıqca təbliğin dəyəri artar, Allahın razılığını daha çox qazanarsan. Məqsədin əgər Allahın rızasını qazanmaqdırsa, rəhmətini qazanmaqdırsa. İki günlük dünya həyatı üçün elə qorxaqcasına, ürkəkcəsinə yaşamaq çox alçaldıcı bir vəziyyətdir.

Deyir ki, "Mən çox xoşbəxt yaşadım, ömrüm boyu heç bir çətinliklə qarşılaşmadım". Bu qazanc deyil ki. Bir sözlə cənnətə gedə bilməz. Allah ayədə: "Yoxsa siz elə güman etdiniz ki, sizdən əvvəlkilərin başına gələnlər sizin başınıza gəlmədən Cənnətə daxil olacaqsınız?" (Bəqərə surəsi, 214) deyir. Müsəlman Allah yolunda mübarizə aparacaq, çətinliklərlə üzləşəcək, zəhmət çəkəcək. Kafirlərə qarşı, münafiqlərə qarşı mübarizə aparacaq.

Münafiqlə mübarizə aparmaq çətindir. Kafirlərlə mübarizə aparmaq çətindir. Allah üçün İslama xidmət etmək asan deyil. Çətinliklərlə qarşılaşacaq. Müsəlmanı gözəlləşdirən də məhz budur. Peyğəmbərimiz (s.ə.v)-in o qədər gözəl olmasının səbəbi çəkdiyi çətinliklərdir.

Bizlər Allahın cahillik içində olan qullarıyıq, Alim olan Allahdır. Bizim Allahın öyrətdiyindən başqa bir elmimiz yoxdur.

Mehdiyyət sırf təbliğ ilə dünyaya hakim olan bir güc deyil. Hal-hazırda mehdiyyətin bütün qapıları açılır. Bunu edən mehdiyyətdirmi? Mehdi (ə.s) edirmi? Xeyr, Allah edir. Hal-hazırda mehdiyyətin önündəki bütün maneələr bir-bir aradan qaldırılır. Mehdiyyətin bütün sistemi hazırlanılır. Bu Allah tərəfindən yerinə yetirilir.

Dürüst, səmimi, açıq, parlaq bir zehniyyət, şəffaf bir dünyadan bəhs etmək lazımdır. Mövzuları Quranla, ayələrlə izah etdikdə insanların qəlbində bir rahatlıq və hüzur meydana gəlir. Yoxsa insanlara əhli dünya üslubu istifadə edirsən, insan öləcəyini bilir. Sən sanki uçursan, amma sənin uçmağın onu qorxudar, ürküdər. Amma sən Allahın varlığından xəbərdarsansa adamın qəlbinə rahatlıq gələr.

Müsəlmana güllə atılmaz. Bu uğursuzluq gətirər, bəla gətirər. Çox böyük bir əxlaqsızlıqdır. Qarşılığı əbədi Cəhənnəmdir. Müsəlmana təbliğ edərsən, izah edərsən ayə ilə, hədislə, Quranla. Sən qatilsən ki? Havadan bombardman etmək nə deməkdir? Mühakimə edərsən, günahı varsa həbs edərsən.

Siyasət öz daxilində çox mərhəmətsizdir. Asan iş deyil. Ona görə də İslamı yaymağa səy göstərən insanların edəcəkləri şey; iman həqiqətlərini izah etmək, Quran möcüzələrini izah etmək, imanı gücləndirmək, öz imanını gücləndirmək, şövqünü artırmaqdır. Yoxsa bu cür şeylərin öhdəsindən gələ bilməz.

"Hocam izah edirik, təbliğ edirik, bizimlə lağ edirlər" deyirlər, kim lağ elətdirir? Allah elətdirir. Təbliğ ilə lağ eyni anda yaradılır. Təbliğin, ibadətin qiymətini artırmaq üçün Allah tərəfindən edilən gizli bir nemətdir bu. Küfrün əleyhinə, möminlərin lehinədir. Mömin üçün lütfdür, küfr üçün bəladır. Sən lağ etmələrinə fikir vermədikdə savabın qat- qat artır.

Təbliğ edərkən savabın üçdürsə, lağa qoyularkən davam etsən otuz olar. Lağın dərəcəsi böyükdürsə üç yüz olar. Olduqca böyükdürsə üç min olar. Sənin məqsədin nədir? İbadət deyildirmi? Allah sənin üçün ibadət yaradır.

Ayələrdə cihaddan bəhs edilərkən mübarizə aparmaq nəzərdə tutulur. Elmi mübarizə, çalışma, hər cür fəaliyyət. İnsanlar həmişə asıb-kəsmək kimi başa düşürlər. Cihad, Allah yolunda səy göstərməkdir.

Mələklər Allah adına səy göstərmək üçün yer üzü ilə həmişə əlaqədədirlər. Yəni, mələklərin ən çox diqqət etdikləri məsələ odur. Mələk boş işlə məşğul olmaz. Boş adamlarla da məşğul olmaz, maraqlanmaz. Mələklər təbliğ edilən, söhbət edilən yerlər, Allah adına cəhd göstərilən yerlərdə cəmləşərlər.

Allah ən böyük sevgini şəhidlik kimi qəbul edir. Allahın ən bəyəndiyi şey budur. Lakin, əlbəttə ki, ən məqbul şəhidlik forması Allah yolunda cihad edərkən, yəni feli cihad edərkən şəhid olmaqdır. Çünki açıq-aydın şəkildə döyüşə gedir, öldürülə biləcəyini bilir, orada şəhid olur. Allah yolunda qorxmadan cihada çıxmaq; ən məqbul olan budur.

İslam 10 il sonra tam fərqli şəkildə insanların qəlbində yer almış olacaq, inşaAllah, amma biz ən çox savabı qazana bildiyimiz dövrdə olduğumuz üçün var gücümüzlə səy göstəririk. Həmişə cəhd edib, çalışırıq, amma savabın çox olduğu dövrlər fərqlidir.

Robotların yaşadığı cənnət, Allahın bəyəndiyi mühit olmur, Allah robot istəmir. Vəfasını görməmiş, səbrini görməmiş, cəsarətini görməmiş bir insanın, insan olaraq özünə o mənada hörmət qoymaz. Yəni özünü dəyərli görə bilməz, gözəl görə bilməz. Allah üçün fədakarlıq etməmiş, comərdlik etməmiş, cihad etməmiş, yəni sevgisini göstərəcək heç nə etməmiş.

Hər kəsin ümidini kəsməsinə baxmayaraq Hz. Mehdi (ə.s) öz səyinə (cəhdinə) davam edir və Hz. Mehdi (ə.s)-ın sonda zühur etməsi insanlar tərəfindən qəbul edilir.

Səhabələr Allah üçün mübarizə aparırlar. Münafiqlər isə; “evimiz nəzarətsiz qalıb”, “vuruşa bilsəydik gələrdik” deyirlər. "Sənə qırx kisə qızıl veriləcək, bu şərtlə ki, vuruşa bilmədiyin halda, gəlib vuruşmalısan" desən dərhal gələr. Çünki, mənfəət vardır. Məhz insanın mənfəəti gözəl əxlaq olmalıdır. Qızıl yerinə, pul yerinə imanını qoymalıdır, vicdanını qoymalıdır. Başqa cür olsa insan heyvana dönər.

Təbliğ edərkən insanların heç vaxt müxalifət etmədiklərini düşünək; hər dediyimizi qəbul edirlər, hər kəs bizi dəstəkləyir, alqışlayır; axirətə getdik, nə olacaq? Savab milyonda birdir. Lakin müxalifət varsa, sən cəhd edirsənsə, yəni səy göstərirsənsə, milyonlarla savab qazanarsan. Allah müqaviməti savabın möminə yağış kimi yağması üçün xüsusi yaradar. Allah tərəfindən möminə rəhmət kimi təqdim edilər.

Münafiqlər Peyğəmbər (s.ə.v) və səhabələrə: "Döyüşməyi, mübarizə aparmağı bacarsaydıq sizinlə gələrdik" deyirlər. Münafiq bilərəkdən bacarıqsız kimi özünü göstərər. Həmçinin müsəlmanların da İslam üçün fəaliyyət göstərməsini istəməz. Onları da dayandırmağa çalışar.

Zorakılıq terror meydana gətirər, dəhşət meydana gətirər və dinsizlərin, zalımların çörəyinə yağ çəkmiş olarsan. Harada zorakılıq varsa, orada dinsizlik yayılar. Din dinclik mühitində, sevgi, mərhəmət mühitində yayılar.