Adnan Oktar A9 TV; 24 sentyabr 2014

İnsan sevgiyə möhtacdır. Bir qədər sevgi göstərdiyin vaxt dərhal o tərəfə qaçar. Qardaşlığa yaxınlaşdırsan, sülhə, dostluğa dəvət etsən dərhal qəbul edərlər. Qürurdan ötrü iki tərəf də qəbul etməyincə ortada qalarlar. Halbuki, bir tərəf söyləsə qəbul edərlər. Amma bir qədər israr edəcəksən.

Cihad “cəhd etmək”, səy göstərmək deməkdir. Adam “Cihad”-ı qırğın olaraq anlayır. Birini sən qırğın edərək razı salacağına, fikirlə razı etsən daha doğru deyil? Sən adamı öldürəndə adam yox olar, bir daha müsəlman ola bilməz o! Təbliğ etsən, izah etsən iman edər.

Heç kimin döyüş üslubundan istifadə etməməyi lazımdır. İnsanın ruhu nifrətə də, sevməyə də, ağlamağa da, gülməyə də uyğundur. Gülməyi seçmək lazımdır. Nifrət yerinə, sevgini üstün tutmaq lazımdır.

Zülmü axtaran zülmə layiq olur. Zülmə, bəlaya, qana təşviq etsən, bəla səni boğar. Qan səni boğar. Sevgiylə yaxınlaşsaydın, sevgi görəcəkdin. Qan istədin, qarşına qan gəldi.

Allah şərik qoşanların qəlblərindən sevgini çəkib alır. O qaçır, o qovur, o qaçır o qovur. Halbuki, sevgisini, gözəlliyi birbaşa Allaha yönəltsə, Allaha dua etsə Allah ona nəsib edər.

Sevgidən danışmaqdan bezmək olmaz. İsrarla sülh, israrla sevgi. Məsələn, iki il sevgidən bəhs edir, üçüncü il yorulur, imtina edir. Sülhdən beş il bəhs edir, altıncı il isə dözə bilmir. Olmaz. Ömrünün sonuna qədər sülhü və sevgini müdafiə etməlidir. Bu fərzdir.

Biz qanla, silahla hər bir şeyin həll olacağına inanmırıq. Qana, silaha, əzaba, iztiraba qarşıyıq. Sevgiylə, sülhlə, qardaşlıqla, imanla, Quranla insanların çətin vəziyyətdən xilas olacağına inanırıq.

Hər hansısa bir silahdan istifadə etməklə bir fikri dəyişdirməyi qəbul etmirəm. Mən PKK-ya qarşı daim fikri mübarizə aparılmasının lazım olduğuna inanıram. Məsələn, biz danışırıq, bir fikirdir bu, fikri bir mübarizədir.

Hər yerə fikir adamı, düşünəbilən insan göndərmək lazımdır. Türkiyənin, Amerikanın çox gözəl imkanları var; radioları, televiziyaları, qəzetləri var; istifadəmizə versinlər, çox gözəl bir təbliğat fəaliyyəti icra edək. Bir ay belə çəkmədən hər yerde əminamanlıq olar.

Bizə Amerikanın və Türkiyənin radiolarında, televiziyalarında çıxış etmək imkanı verilsə kommunizmin, terrorun, anarxiyanın əsassızlığını çox gözəl şəkildə bütün bölgə xalqına izah edərik. Hər yer çox sakit olar. Hamı bir-birini qucaqlayar. Məsələ də bitər.

Təhdid nemətdir. Təhdid olan mühitdə İslamı izah etmək ibadətdir. "Təhdid olmasın, mən də ibadət edim" deyir. Elə olduqda ibadətin savabı xeyli azalar. Halbuki, müsəlman çox savab qazanmaq istəyir. Bir milyon savab qazanmaq olduğu halda, niyə bir savaba razı olursan?

Allah Öz yolunda olmayana rahatlıq verməz. "Təbliğ edərəm, amma bir şərtlə ki, gərək çox rahat olam". Sən onsuz da təbliğ etmək istəmirsən. Təbliğ, rahatçılıq olmadan edilən fəaliyyətə deyilir.

Təbliğdə nə olacaq? Əziyyət, məşəqqət, çətinliklər, təhdid olacaq. Bunlar artdıqca təbliğin dəyəri artar, Allahın razılığını daha çox qazanarsan. Məqsədin əgər Allahın rızasını qazanmaqdırsa, rəhmətini qazanmaqdırsa. İki günlük dünya həyatı üçün elə qorxaqcasına, ürkəkcəsinə yaşamaq çox alçaldıcı bir vəziyyətdir.

Mehdiyyət sırf təbliğ ilə dünyaya hakim olan bir güc deyil. Hal-hazırda mehdiyyətin bütün qapıları açılır. Bunu edən mehdiyyətdirmi? Mehdi (ə.s) edirmi? Xeyr, Allah edir. Hal-hazırda mehdiyyətin önündəki bütün maneələr bir-bir aradan qaldırılır. Mehdiyyətin bütün sistemi hazırlanılır. Bu Allah tərəfindən yerinə yetirilir.

Şəfqət, mərhəmət, mülayimlik―Allahdan istədiyimiz bu deyilmi? Cənnətdə nə istəyirik? Allahın bizi bağışlamasını, bizə qarşı mülayim, şəfqətli və qoruyucu olmasını istəyirik. Biz də insanlara qarşı belə olmalıyıq.

Dürüst, səmimi, açıq, parlaq bir zehniyyət, şəffaf bir dünyadan bəhs etmək lazımdır. Mövzuları Quranla, ayələrlə izah etdikdə insanların qəlbində bir rahatlıq və hüzur meydana gəlir. Yoxsa insanlara əhli dünya üslubu istifadə edirsən, insan öləcəyini bilir. Sən sanki uçursan, amma sənin uçmağın onu qorxudar, ürküdər. Amma sən Allahın varlığından xəbərdarsansa adamın qəlbinə rahatlıq gələr.

Qadınlara qarşı şəfqət ruhu qadına qarşı sevgini artırar. Bəziləri qadına yalnız cinsi mənfəət kimi baxır. O zaman nifrət ruhu ilə yaxınlaşar. Şəfqət, mərhəmət və onu qoruma ruhu sevgini çox artırar. Onsuz da Quranda həmişə şəfqətdən bəhs edilir. Yəni mərhəmətlə qarışıq sevgi, qoruyucu sevgidən bəhs edilir.

Allahın mərhəmətinə, şəfqətinə, ağlına güvənəcəklər. Çünki sənin mərhəmətini O yaradır, şəfqətini O yaradır, məntiqini O yaradır.

Hər şeyə şəfqətlə, mərhəmətlə, ağıl gözü ilə baxmaq lazımdır, sakit şəkildə baxmaq lazımdır. İki günlük dünyadır, imtahan olunuruq. Bəzi insanlar nəfslərinə tabe ola bilərlər. İnsan nəfsinə uysa dindən çıxmaz, ancaq günaha girmiş olar, səhvi olar.

Yaxşılıq, mərhəmət etmək, şəfqət, sevgi göstərmək çətindir. Qırıb-tökmək çox asandır. Bəziləri əlinə tüfəngi alıb ətrafdakıları biçib qırır. Amma sevgi göstərmək əmək, iradə, mərdlik istəyir. Səbrin, əzmin ən son mərhələsini istəyir.

Qurana görə şəfqət, mərhəmət, insanı ucaltmaq vacib mövzudur.

Sevgi və şəfqət türk ordusunun əsas xüsusiyyətidir. Onun üçün bütün dünya orduları türk ordusuna heyrandır, mehribanlığına, mərhəmətinə, ədalətinə, etibarlı olmasına, möhtərəmliyinə heyrandır.

Kimdə bol sevgi varsa, kim mərhəmətlidirsə, dünyanı da onlar idarə edəcəkdir. Dünyanın həqiqi sahibi türklərdir; əxlaq, sevgi, mərhəmət və dostluq baxımından. Allah bu vəzifəyə türk millətini hazırlayır.