Adnan Oktar A9 TV; 8 sentyabr 2015

Cənub-Şərqi Anadolu regionunda bir çox ailə kasıbdır, evlərində Quran yoxdur, Quran payla. Darvinizmin əsassızlığından bəhs edən kitablar dərc etdir, payla. Kitablarımın müəlliflik hüququnu verirəm, onları istədiyiniz kimi dərc etdirib paylayın. PKK-nın inkişaf etmə səbəbi darvinizmdir. Məktəblərdə tək tərəfli darvinist təhsilə son verilməsi üçün nazirliyə bildiriş yazın, ərizə verin. Səsiniz çıxmır. Cənub-Şərqi Anadoludakı məzlum qardaşlarımızın mindiyi avtobusa hücum etmək əvəzinə PKK-nın zehniyyətinə qarşı elmi mübarizə aparın.

Televiziya kanalları şəhid xəbərlərini ağladacaq, ah-nalə salacaq şəkildə yayımlasalar bu PKK-nın işinə yarayar. Amma sinəsi dimdik ata-analar olsa, oğullarıyla fəxr edən şəhid anaları, ataları olsa bu PKK-nı çökdürər.

Əsgərin, polisin silah keyfiyyəti artırılsın və səfərbərlik elan edilsin. Belə edilsə, PKK-nın əhval-ruhiyyəsi tamamilə qaçar. 4 milyon əsgər edəcək. 72 saatda toplaya bilərik, 72 saatda. Baxın, 4 milyon əsgər. Bu titrədər. Yəni bu Çin ordusunda yoxdur, yeri-göyü lərzəyə gətirərlər. İşimiz bitsin, əsgərləri geri çağıraq, sonra da onları tərxis edək. Amma bunu edək.

Darvinizm və materializm özü ilə birlikdə Marksist, Leninist, terrorist zehniyyəti də gətirər.

Darvinizm və materializm elmi dəlillərlə yox edilsə, PKK-nın əsas həyat damarı kəsilər. Yoxsa PKK-nı bəsləyən sistem ayaqda qaldığı müddətcə, istədiyin qədər danış. Bu əsnada yenə qan su yerinə axar.

PKK-nın müzakirələr aparılmasını istəməkdə məqsədi nədir? Sevr müqaviləsi kimi. Sevr müqaviləsində nə dedilər? "Gəlin masa arxasında əyləşin" dedilər, Türkiyəni parça-parça etdilər. Bu da həmin şeydir. Bu masa Sevr müqaviləsi masasıdır. Ondan daha betər bir masadır.

Kürd nurdur, kürd nəcibdir, kürd alicənabdır. Gücün çatırsa get ordu sıralarına qoşulmaq üçün müraciət et, PKK-lıyla vuruş. Rəzil adam, kürddən nə istəyirsən? Kürd gözəl əxlaqa sahib mükəmməl insandır.

Bu axan görünüşdə, bu filmdə mehdiyyət hakim olur. Filmin sonu belədir. İsa Məsih (ə.s) zühur edir, hz. Mehdi (ə.s) zühur edir, PKK yox olur, kommunizm yox olur, darvinizm yox olur. İnsanlar hazırda yerlərində dura bilmirlər, belə olmalıdır. Amma mehdiyyətin heyrətamiz yollardan müvəffəqiyyət qazandığını görəcəklər.

Məktəblərin tədris proqramına milli şüur dərsi əlavə edilməlidir. Həftədə üç saat təcrübəli müəllimlər tərəfindən, kommunist təhlükə, Türkiyənin bölünmə təhlükəsi, darvinizm təhlükəsi, materializm təhlükəsi, bütün bunların hamısını izah edən, həmçinin necə müqavimət aparılmalı olduğunu, necə cavab verilməli olduğunu izah edən dərslər də keçirilməlidir.

PKK necə ideoloji təhsil verirsə, türk əsgərinə, türk polisinə, türk gəncliyinə də ideoloji təhsil verilməlidir. "Milli birlik və həmrəylik necə olar? PKK təhlükəsi nədir? Kommunist təşkilatların xüsusiyyəti nədir? Kommunizm elmi cəhətdən özünə necə zəmin tapar? Fəlsəfəsi niyə səhv və yanlışdır? Darvinizm niyə əsassızdır?" Məktəblərdə bunlardan danışılmalıdır. Allah qorusun, əgər tərsi olsa Türkiyə adlı heç nə qalmaz.

"Onsuz da əlimizdə bu cür hazır kütlə var, onların səslərindən rahat-rahat istifadə edək. Belə etməyimiz bizə bir müddət də kifayət edər" demək olmaz. Sürətlə yeni nəsil gəlir, kifayət qədər məlumat sahibi olurlar, məlumatlanırlar. Sən gəncləri ideoloji cəhətdən yetişdirmədikdə onlar da marksistlərin, leninistlərin, stalinistlərin əlinə keçir. Bu dəfə öhdəsindən gələ bilməzsən, çətin vəziyyətdə qalarsan.

Məlumatsız və az məlumatlı insanlara əsaslanan siyasət anlayışı, bir gün marksist, leninist düşüncənin yetişdirdiyi universitet tələbələri, lisey şagirdləriylə qarşılaşar. Bu dəfə say etibarilə onlar daha çox olarlar. Bir sıra biliksiz xalq kütləsinin kütləvi səslərinə arxayın olanlar bir anda çətin vəziyyətdə qalarlar. Vaxt olduğu halda, biliksiz insanları yetişdirib universitetdəki insanlarla rahatlıqla müzakirələr apara biləcək, onları fikri cəhətdən qalib gələ biləcək hala gətirmək lazımdır.

Hökumət darvinizmə əl atsın. Darvinizm birbaşa Allahı inkar edən bir sistemdir. Bütün dünya məktəblərdə Allahı inkar edir. Bu vəd edilən dəccaldır; Darvin bir dəccaldır. Axırzaman dəccalıdır. Allahı inkaretmə düşüncəsini inkişaf etdirən bir insandır. Marks, Lenin, Stalin, Hitler, Mussolini o fəlsəfədən törəmişdir. Dəccalın komitəsi olar, komitələrin komitələri olar. PKK da bu komitələrlə ideoloji əlaqəsi olan bir təşkilatdır.

Gənclərimizin böyük hissəsi yaxşı təchizatlı deyil. Darvinist düşüncəylə, Marksist, Leninist, Stalinist düşüncəylə mübarizə aparacaq məlumata sahib deyillər. Türkiyədə darvinist təhsilin dayandırılması PKK-ya böyük zərbə olar. Məktəblərin tədris proqramına "milli şüur" dərsi əlavə edilərək, Marksist, Leninist düşüncənin yanlışlığı gənclərə çatdırılsın.

Müsəlman üçün dünyanın ən yaxşı silah texnologiyasını əldə etmək fərzdir. Quranın hökmü aydındır, Allahın hökmü aydındır. Amma biz bir damla qanın belə axmasını istəmərik. Silahın nəyinsə qarşısını almaq xüsusiyyətindən istifadə edək.

Təkcə bir təşkilat var, bu da PKK-dır. Sanki TAK ayrı, PKK ayrı, YPG ayrı, PYD ayrı imiş kimi bir ifadə formalaşdırdılar son vaxtlarda. Bu demaqoqluqdur, çox səmimiyyətsiz üslubdur. Bütün bunlar Marksist-Stalinist PKK-dır.

Marksist leninist stalinist fəlsəfənin təməli darvinizmdir. Darvinizm fikri olaraq çökdürüldüyü zaman terror da bitmiş olar.

Şəhid mərasimlərindəki cənazə marşını ləğv etsinlər. Bu çox narahat edici şeydir. Bir də insanın ürəyini çox sıxan qəribə bir musiqisi var, tamamilə lüzumsuzdur. Şəhid, təkbirlərlə, salavatlarla şəhəri gəzdirilməklə yola salınar.

MHP, camaatlara, müsəlman cəmiyyətlərə, təriqətlərə daha çox sahib çıxmalıdır. Yəni millətlə daha çox bütünləşməlidir. Bunu etməməklə geridə qalır. AKP qurulduğu vaxt, sıfır idi, indi isə böyük partiya oldu. Çünki kütlə partiyası siyasətini izləyir. Təriqətlərə sahib çıxır, camaatlara sahib çıxır, sürətlə inkişaf edir. MHP eynisini etsə o da inkişaf edər.

Xurafatçılara nifrət etmək də hörmətsizlikdir. Onlar bu cür yetişdirilmişlər, səmimi qatı dinçidirlər, tərslik çıxsın deyə qatı dinçi olmurlar. Qatı dinçiliyin, dinin ən yaxşı tətbiq forması olduğunu düşünürlər. Yəni həyatı özünə zəhər edərək, dünyanı cəhənnəmə çevirərək yaşadıqları vaxt, İslama uyğun hərəkət etdiklərini düşünürlər. Yanlış bilirlər, onları nəzakətlə öyrətməlisən.

İncəsənət insanın ruhunu nəcibləşdirər, gözəlləşdirər, insan ruhunun qidasıdır. Onu Avropa çox tez müəyyənləşdirdi və tez də tətbiq etdi. Sonunda isə, çox gözəl nəticələr aldılar. Qatı dinçilər İslam aləmini incəsənətdən uzaqlaşdıraraq ən böyük zərbələrdən birini vurdular.

İslam Birliyi ilk dəfə Türkiyədə müvəffəqiyyətlə tətbiq olunmuşdur. Kürdlər, lazlar, çərkəzlər, hər kəs İslam Birliyinin o gözəl ruhu içində qardaş olmuşdurlar. İrqçilik olsaydı, Orta Anadolu regionunda bir türk dövləti, Cənub-Şərqi Anadolu regionunda kürd dövləti, Qara dəniz regionunda Laz dövləti və Egey regionunda ayrı bir dövlət olacaqdı, parça-parça olacaqdıq və bunlar da öz aralarında yenə parça-parça olardılar. Məhz İslam Birliyi əxlaqı tətbiq olunduğu üçün birlik və həmrəylik içindəyik.

Qısa müddət sonra Azərbaycan qapılarını açacaq, Türk dövlətləri açacaq. Sonra İraq, Suriya, İordaniya, hətta İsrail də. Hz. Mehdinin vəsiləsiylə sevgi, qardaşlıq içində yaşayacağıq. Amma nə qədər? 7 və ya 9 il, bu qədər. Sonra ağlasığmaz pozulma başlayacaq. Əxlaqi tənəzzül. Bu ta hicri 1545-ci ilə qədər davam edəcək. 1545-ci ilin səhərində yaxud axşamında və ya günortasında, o xəbər onlara çatacaq. Bir qayanın üstünə yazsınlar. O qaya o gün parça-parça olacaq. Qiyamət qopacaq.

Allah ayədə; "vicdanları qəbul etdiyi halda zülm və təkəbbür ucbatından rədd etdilər" deyir. Vicdanına müqavimət göstərir. Yoxsa vicdanı ona doğru olanı əmr edir, "et" deyir, dinləmir. Sözünə qulaq asmır. Buna görə də üzləri qaralır. Yoxsa insan vicdanının səsinə qulaq assa, üzü nur kimi olar.

Bəzi insanlar vicdanlarıyla deyil, məntiqləriylə hərəkət edirlər. "Mən məntiqimin səsinə qulaq asaram" deyir. Qardaşım sonra sürünərsən. Məntiq ilk baxışda insanı xilas edəcək kimi görünər. İnsan məntiqiylə hərəkət etdikdə məntiqinin həmişə lehinə, həmişə kefinə və mənfəətinə uyğun bir şeylər qazandıracağını düşünər. Məntiq daim insanın başını bəlaya salar.