Adnan Oktar A9 TV; 7 sentyabr 2015

PKK-nın oyununu pozaq, yəni şəhidlə güc qazanma oyununu ləğv edək. Məsələn, şəhidi yola salarkən onu şəhər içərisində saatlarla gəzdirsən, təkbirlərlə, salavatlarla yeri-göyü inildətsən, bu PKK-nın heç işinə gəlməz. Çünki bu böyük mənəvi gərginlik yaradar, hamı şəhidlərin tərəfində durar.

PKK-nın əsil istədiyi şey, xüsusilə şəhidlərimiz yola salınarkən ailələrinin ağlaması, tabutu qucaqlamaları, fəryad etmələri və özlərindən getmələridir. Yoxsa şəhidlərimizin cənazəsi təşriki təkbirlərlə qaldırılsa, bu PKK-nın işinə gəlməz və onu çox narahat edər.

Allah şəhid ailələrinə, təvəkküllü, gözəl davranan, igid əsgər ailəsi görünüşü verməyi nəsib etsin. Qətiyyən kədər, ağlama, təəssüf ifadəsi olmasın. PKK bunların mətbuatda yayımlanmasını istəyir. Onsuz da o məqsədlə bu partlayışlar törədilir. Yoxsa sən 15 nəfərin şəhid düşməsiylə 80 milyonu yox edə bilməzsən. Amma təşkilat təbliğatı baxımından çox əhəmiyyətli görürlər. O ailələrin qışqırmaları, özlərindən getmələri, tabutu qucaqlamaları PKK-nın ən əhəmiyyətli hesab etdiyi təbliğatıdır.

PKK-lı olmaq qanunla cinayət olsun. Yəni PKK-nın lehinə hər hansı bir şüarla çıxış etmək və PKK-nın çınqılını daşımaq cinayət olsun. Geniş miqyaslı həbs etmə əməliyyatları aparılsın. Bu, PKK-ya endiriləcək böyük zərbə olar, bütün üzvlərini itirmiş olar. Bir anda ortalıq sakitləşər. 60-70 min nəfər həbs edilə bilər. Doldur həbsxanaya, sakitləşərlər.

Darvinizmi yox etsən, PKK da yox olar. Sən ibtidai məktəblərdə, orta məktəblərdə, liseylərdə gecə-gündüz darvinizmdən danışsan, məhz insanların da bir hissəsi bu cür marksist, leninist olar.

Cənub-Şərqi Anadolu regionunda bir çox ailə kasıbdır, evlərində Quran yoxdur, Quran payla. Darvinizmin əsassızlığından bəhs edən kitablar dərc etdir, payla. Kitablarımın müəlliflik hüququnu verirəm, onları istədiyiniz kimi dərc etdirib paylayın. PKK-nın inkişaf etmə səbəbi darvinizmdir. Məktəblərdə tək tərəfli darvinist təhsilə son verilməsi üçün nazirliyə bildiriş yazın, ərizə verin. Səsiniz çıxmır. Cənub-Şərqi Anadoludakı məzlum qardaşlarımızın mindiyi avtobusa hücum etmək əvəzinə PKK-nın zehniyyətinə qarşı elmi mübarizə aparın.

Televiziya kanalları şəhid xəbərlərini ağladacaq, ah-nalə salacaq şəkildə yayımlasalar bu PKK-nın işinə yarayar. Amma sinəsi dimdik ata-analar olsa, oğullarıyla fəxr edən şəhid anaları, ataları olsa bu PKK-nı çökdürər.

Əsgərin, polisin silah keyfiyyəti artırılsın və səfərbərlik elan edilsin. Belə edilsə, PKK-nın əhval-ruhiyyəsi tamamilə qaçar. 4 milyon əsgər edəcək. 72 saatda toplaya bilərik, 72 saatda. Baxın, 4 milyon əsgər. Bu titrədər. Yəni bu Çin ordusunda yoxdur, yeri-göyü lərzəyə gətirərlər. İşimiz bitsin, əsgərləri geri çağıraq, sonra da onları tərxis edək. Amma bunu edək.

Darvinizm və materializm elmi dəlillərlə yox edilsə, PKK-nın əsas həyat damarı kəsilər. Yoxsa PKK-nı bəsləyən sistem ayaqda qaldığı müddətcə, istədiyin qədər danış. Bu əsnada yenə qan su yerinə axar.

PKK-nın müzakirələr aparılmasını istəməkdə məqsədi nədir? Sevr müqaviləsi kimi. Sevr müqaviləsində nə dedilər? "Gəlin masa arxasında əyləşin" dedilər, Türkiyəni parça-parça etdilər. Bu da həmin şeydir. Bu masa Sevr müqaviləsi masasıdır. Ondan daha betər bir masadır.

İndi Cizrədə nə edilməlidir? İgid xalqımız, kürd qardaşlarımız, nurlu qardaşlarımız üçün, evləri olduqca gözəlləşdirib özlərinə hədiyyə edilməlidir. Malı-mülkü yox oldusa, yerinə artığıyla mal-mülk verilməlidir. Yeməyi yoxdursa və ya misal üçün, 10 kilo düyüsü əldən çıxdısa, yerinə 100 kilo düyü alıb torbayla evinə qoyaq. Bərəkəti olar.

PKK-lılar həbs olunmalıdır. PKK, Türkiyəni tamamilə yox etməyi qarşısına məqsəd qoyan bir sistemdir. İlk mərhələdə deyil, bir neçə mərhələdə yox etməyi qarşısına məqsəd qoyan bir sistemdir. Siyasətlə qaynayıb qarışmış bir dəstədir. Həm silahlı, həm də silahsız PKK-lılar həbs olunmalıdır. Geniş miqyaslı həbs etmə əməliyyatı aparılsın, 30 min, 40 min, 50 min insan da həbs oluna bilər. Yetər ki, həbs olunsunlar, ortalıq sakitləşər.

“Terrorla mübarizə” haqqında qanuna dəyişikliklər edilməlidir. Məsələn, PKK-lılara kömək edənə ən azı 10 il həbs cəzası verilsin. Eləcə də, PKK-nı tərifləyən, Abdullah Öcalanın lehinə şüarlarla çıxış edən, təşkilatla əlaqəsi olduğu açıq şəkildə bilinən hər kəsə bu cəza tətbiq edilsin. Bunu uzatmağa ehtiyac yoxdur. Başqa cür dayanmaz. Həbs etmək, ortalığı sakitləşdirər. PKK-nın bütün fəaliyyətlərini dayandırmış, qolunu-qanadını qırmış olarsan. Lazım gəlsə 10 min, 20 min, 30 min, 40 min, 50 min, 100 min insanı həbs edərsən. Doldur həbsxanaya, bitdi. Xüsusilə də, dəstə başçıları həbs olunsa məsələ bitər.

Kürd igiddir. Kürd vəfalıdır. Kürd sadiqdir. Kürd nəcibdir, əsilzadədir, dəliqanlıdır.

Kürdlər nurdur. Kürdlərin bir çoxu Axırzaman müctəhidləri və mücəddidləridir. Kürdlər dindar, alicənab, dürüst, dəliqanlı, mərd və təmizdirlər. Bütün müsəlman xüsusiyyətlərinə sahibdirlər, belə olduqda mən onları canımdan çox sevərəm. Mən PKK-nın düşməniyəm. Kürdün dostuyam. PKK murdardır, kürd nurdur.

Kürd qardaşlarımız çox təmiz və möhtərəm, heysiyyətinə, şərəfinə düşkün mükəmməl əxlaqlı insanlardır. PKK əxlaqsız və murdardır. Onların qürurlarına toxunurlar. Zorla pul almaq, zorla uşağını götürmək, zorla evlərinə daxil olmaq, pəncərələrin şüşəsini qırıb, evin içinə silahla atəş açmaq. Kürd qardaşlarımıza hər yerdə sahib çıxmaq və üstünlük təmin edilməlidir.

Kürd qardaşlarımızın Türkiyə sərhədindən kənarda dövlət qurması bizi narahat etməz. Fəxr edərik. Yetər ki, bunu müsəlmanlara yaraşan şəkildə etsinlər.

Kürd əsilzadədir, nəcibdir, alicənabdır, nəzakətlidir, nurludur, dindardır, nəzakətlidir, təmizdir, mərddir, igiddir, cəsurdur. Amma PKK alçaqdır, xaindir, murdardır, hər cür iyrəncliyi edən qatil sürüsüdür. PKK ilə Kürdə fərq qoya bilməyən insan məni təəccübləndirir. Yəni onları bir-birindən ayırmalısınız.

PKK ilə mübarizə aparmaq müsəlmanlar üçün fərzdir. Heç kim; "mənə nə dəxli var" deyə bilməz. Allah: "Onlar haqlarına təcavüz edildikdə, birlik olub qarşı çıxanlardır" deyir. Bütün müsəlmanların PKK-ya qarşı çıxması fərzdir. Əksini etmək haram olar. PKK ilə mübarizə aparmasa harama girər. Çünki PKK müsəlman kürd qardaşlarımıza hücum edən bir dəccal hərəkatıdır.

Bütün bölgə xalqı PKK-ya nifrət edir. Zorakılıq tətbiq edən bir birliyə qarşı insanların hörmət göstərməsi və sevgi bəsləməsi mümkün deyil.

PKK-lıya kürd demək kürdlüyü təhqir etməkdir. O kürdlüyünü itirmiş, insanlıqdan və heyvanlıqdan çıxmışdır. Məxluqata çevrilmişdir.

TRT-yə baxıram; "Kürd üsyançılar" deyildiyini görürəm. Allahsız, kitabsız, Stalinist, kommunist PKK-lılar deyin buna. Onlar necə kürd ola bilər? Kürdlər belə bir şey edərmi? Kürdlər nurdur. Kürdlər alicənabdır. Kürdlərin adına xələl gətirirsiniz.

Kürd qardaşlarımız nurdur, aslandır onlar. Kürd olduğu üçün onlara çirkin söz söyləyən, irqindən ötrü onları alçaldan kimsə, dünyanın ən şərəfsiz, ən şəxsiyyətsiz insanıdır. Dövlətimiz kürd qardaşlarımıza böyük diqqətlə sahib çıxsın.

Türkiyənin içində Kürd dövləti yaratmağa çalışsan, bu bütün İslam aləminə qarşı cinayət olar. Yəni bu, bütün Türk və İslam aləmini yox etmək layihəsinin icrası olar. O zaman buna icazə vermərik. Necə icazə vermərik? Açıq şəkildə deyirəm qiyamət qopar. Nə ABŞ qalar, nə Rusiya, nə İngiltərə, nə Fransa, nə də Çin. Heç bir yer qalmaz.

İslam hakim olduqdan sonra bir milyon savab alan insan bir savab ala bilər. Daha əvvəl bir işindən, bir fəaliyyətindən bir milyon savab alan biri, İslam hakim olduqdan sonra beş savab alar. Ondan sonra dünyanın mənası qalmadığı üçün, yəni imtahan bitdiyi üçün belə olar, artıq sürətlə Qiyamət gəlir. Hz. Mehdi (ə.s)-ın vəfatı, hz. İsa Məsih (ə.s)-ın vəfatı və sonra da sürətlə Qiyamət olacaq, inşaAllah.