Adnan Oktar A9 TV; 4 dekabr 2016

Dünyaya könlünü bağlamış, Allahı unutmuş insanlar üçün Allah dünyanı fəlakətə döndərər. Tipləri də bərbad hala gələr, bu fəlakət içində qıvranarlar.

Dünyanın bağlanılacaq heç bir tərəfi yoxdur. Lakin münafiqlər dünyaya dəlicəsinə bağlıdır. Münafiqin dünyaya bağlılığı küfr əhlindən daha çoxdur.

Musiqini, rəqsi, əyləncəni, sevinci, gözəlliyi yaradan Allahdır.

Əyləncə, musiqi, rəqs bəzilərinə görə müsəlmanlara qadağan edilməli olan nemətlər kimi göstərildi. Bütün dünya nemətləri müsəlmanlarındır. Müsəlmanlara öz aləmlərində hər şeyin pisinə layiq gördülər, yeməklərin, paltarların ən pisi müsəlmanların olsun istədilər, bu oyunu puç etdik. "Müsəlman musiqi dinləməz, rəsm çəkməz, qəzet oxumaz", "müsəlman qadınlar dekolte geyinə bilməz, gülə bilməz" dedilər, bunu da dəyişdirdik.

İslam müasirlikdir, keyfiyyətdir, sevgidir. Müsəlman baxımlıdır, istədiyi kimi gülər, əylənər, dolu-dolu yaşayar. Əksini söyləyən səhv bilir.

Dünya cənnət ilə cəhənnəm arasında bir yerdir. Allah möminləri cənnət əlamətlərinin üstün olduğu bir dünyada yaşadır, bu çox böyük nemətdir.

Dünyada imtahan üçün verilən müddət insanın vicdanını, şəxsiyyətini təkmilləşdirməsi və göstərməsi üçün çox yetərlidir.

Dünyada çətinlik var. Çünki eşq və sevgi çətinlik içində yaranır. Eşq və sevgi olmadıqda isə heç nəyin mənası olmur. Dərin sevginin və dərin ehtirasın olması üçün acılar, çətinliklər və əziyyət olmalıdır. İnsan başqa cür dərinlik qazana bilmir.

Anadolunu tanıdan tədbirlərdə xalqı pis göstərəcək bir üslub işlədilməsi çox çirkin olar. Anadolu insanına layiq olduğu hörmət göstərilməlidir. Cəmiyyəti adi, bəsit, keyfiyyətsiz əyləncələrə təşviq etmək doğru deyil. Xalq həmişə keyfiyyətli, gözəl şeylərə təşviq edilməlidir.

İslamı içinə qapalı, ölü, əzab dolu sistem kimi göstərdikləri üçün insanlar İslamdan qaçır. Dəccaliyyətin bu oyununu biz pozduq. Sevgi, əyləncə, gözəllik, dostluq ən gözəl halı ilə İslamda yaşanar.

Mövhumatçıların incəsənətdən, keyfiyyətdən, əyləncədən, gözəllikdən uzaq yaşamaları, fərqində olmasalar da müsəlmanların əzilməsinə səbəb olur.

Allah axirətdə insanlardan; “dünyada nə qədər qaldınız?” deyə soruşduqda; “bir gün və ya daha az hissəsi qədər qaldıq” deyəcəklər.

Özləri dekolteli qadınlarla əylənən, rəqs edən kəslərin digər insanları “niyə əylənirsiniz, niyə dekolte var” deyə tənqid etmələri səmimiyyətsizlikdir. Səmimi şəkildə dekolteyə, rəqsə, əyləncəyə qarşıdırsa, özlərinin də bundan uzaq olmaları lazımdır. Özləri yaşayıb başqasını tənqid etmələri qəribədir.

İnsanların bir çoxu dünya dolanışığı hayındadır. Mənim dostlarımın gecəsi də, gündüzü də Allah rizası üçün cəhd etməkdir.

Türkiyədə cəmiyyəti Suriya, İraq kimi keyfiyyətdən, əyləncədən, incəsənətdən uzaq bir quruluşa çəkmək istəyənlər var. Bunlar təkcə canlı qalmağı əsas götürür, bir növ orqanizm kimi yaşamaq istəyirlər. Allahın bizdən istədiyi həyat bu deyil. Sevgi, coşğu, gözəllik, keyfiyyət, sevinc əsas şərtdir.

Mövhumatçılıq ucbatından insanlar İslamı yaşadıqda həyatın bütün sevincini və gözəlliklərini itirəcəklərini zənn edirlər. Halbuki Quran İslamı yaşandığı zaman dünyanın bütün gözəllikləri insanın həyatında olar. İnsanlar həqiqi sevinc və xoşbəxtliyi tapar.

Dünya müvəqqətidir, imtahanı çətindir. Şəhidlərimiz isə necə də gözəl məqama qovuşurlar, onların məqamına qibtə edirik.

Xoşbəxtliyin təkcə içki və s. ilə olacağına o qədər səhv alışıblar ki, iman gətirənlərin sevincini və xoşbəxtliyini başa düşə bilmirlər.

Quranda bildirilən möhkəm iqtidar; demokratiyanın, azadlığın, zənginliyin, ədalətin mükəmməl olduğu, sülhün və xoşbəxtliyin olduğu iqtidardır.

"Xoşbəxt olmağın yolları" adlı saysız-hesabsız kitablar yazılır, insanlara bir çox mənasız öyüdlər verilir. Halbuki xoşbəxtlik yalnız imanla yaranan nemətdir.

Bir insan yalnız Allahın rizasını istəsə, bəzi şeylərdən məhrum qaldığını düşünsə belə dünyanın ən xoşbəxt, sevgini ən gözəl yaşayan insanı olar.

Xoşbəxtlik pulla olmaz. İnsan sarayda yaşayar, lakin xoşbəxt ola bilməz. Xoşbəxtlik imanla, Allah sevgisi və Allah qorxusu ilə olar.

Küçələrdə demək olar ki, xoşbəxt insan yoxdur. İnsan bəyənilməkdən, sevilməkdən çox zövq alar, lakin bəzi kəslər bəyənilmə istəklərini itirmişdir, sevənləri də yoxdur. Bəyənilmək istəyini əxlaqi deyilmiş kimi göstərirlər. Təmiz, baxımlı olmağı cinayət halına gətirdikləri üçün baxımsız, zövqsüz gəzirlər.

İnsan sevildikdə, hörmət gördükdə xoşbəxt olar. Sevgini yaşamadıqdan sonra hara getsə də, harada olsa da bədbəxt yaşayar.

Xərçəng xəstələrinin müalicəsindən ödəniş alınmamasının lazım olduğunu illər əvvəl söyləmişdik. Tətbiq edilməsi çox gözəl oldu.