Adnan Oktar A9 TV; 27 yanvar 2017

Dünyada çətinlik var. Çünki eşq və sevgi çətinlik içində yaranır. Eşq və sevgi olmadıqda isə heç nəyin mənası olmur. Dərin sevginin və dərin ehtirasın olması üçün acılar, çətinliklər və əziyyət olmalıdır. İnsan başqa cür dərinlik qazana bilmir.

Dünya cənnət ilə cəhənnəm arasında bir yerdir. Allah möminləri cənnət əlamətlərinin üstün olduğu bir dünyada yaşadır, bu çox böyük nemətdir.

Gözəl bir imtahanla imtahan oluruq. Hədislərin işarələrinə görə daha böyük hadisələr də olacaq, lakin nəticə həmişə xeyirli olacaq inşaAllah.

Allah axirətdə insanlardan; “dünyada nə qədər qaldınız?” deyə soruşduqda; “bir gün və ya daha az hissəsi qədər qaldıq” deyəcəklər.

Hz. Əyyub Allahın verdiyi çətinliklərə və yoxsulluqla imtahan etməsinə qarşı çox gözəl səbir göstərir. İmtahanı çox dəyərlidir. Həmişə aslan kimi ayaqdadır. Hz. Əyyub qarşılaşdığı ağır imtahanlarda; “dünyaya çılpaq gəldim çılpaq gedəcəyəm. Rəbb verdi, Rəbb aldı” deyir. Mükəmməl əxlaq göstərir.

İmtahanın belə çətin olması insanların şəxsiyyətinin güclü inkişafına vəsilə olur. Sonsuza qədər həyat olacağı üçün ona görə hazırlıq olur.

İnsanların bir çoxu dünya dolanışığı hayındadır. Mənim dostlarımın gecəsi də, gündüzü də Allah rizası üçün cəhd etməkdir.

40 ildir ki, istirahətə getmədim. Qar, qış, yay, isti, hər gün təbliğə davam etdim. Bunun əksini etməyi mənim vicdanım əsla qəbul etməz.

İmtahanın uzunluğu və güclü olması o insanın lehinə olar. İnsana nə qədər çox əziyyət, sıxıntı, çətinlik gəlirsə, deməli, o, bir o qədər çox savab qazanır.

Dünyanın bağlanılacaq heç bir tərəfi yoxdur. Lakin münafiqlər dünyaya dəlicəsinə bağlıdır. Münafiqin dünyaya bağlılığı küfr əhlindən daha çoxdur.

Peyğəmbərlərin göstərdikləri möcüzələrin heç biri ağlın ixtiyarını aradan qaldıracaq şəkildə olmaz. O zaman imtahan olmaz.

Dünya həyatına dalmış olanlar əyləndiklərini zənn edirlər, lakin həqiqi xoşbəxtliyi və əyləncəni bilmirlər. Dinlədikləri musiqi dəyişməz ritmdən ibarət olur, saatlarla ayaqüstü dayanıb yüngülcə sallanırlar, sonra buna əyləncə deyirlər. Bu əyləncə deyil.

Dünyaya könlünü bağlamış, Allahı unutmuş insanlar üçün Allah dünyanı fəlakətə döndərər. Tipləri də bərbad hala gələr, bu fəlakət içində qıvranarlar.

Möminin imtahanın ən mühüm hissəsi küfrə, dəccaliyyətə, azğınlığa qarşı elmlə, səbirlə, şəfqətlə apardığı mübarizədən ibarətdir.

Zidd mənfi qüvvə olması, müsəlmanların ağıllarını işlətməsi üçün zəruridir. Cənnətdə elmi mübarizə aparmaq yoxdur, bu sırf dünyaya məxsus xüsusiyyətdir.

İnsanların çoxu milyonlarla zombinin içində yaşadığını görmür. Savaşdıqları insanların müəyyən mənada zombi olduğunu bilmirlər. İnsan görünüşlü, ruhunu şeytanın ələ keçirtdiyi zombilər dünyanın hər tərəfində bəlaya səbəb olurlar. Bu, imtahanın xüsusi bir hissəsidir.

Dünya müvəqqətidir, imtahanı çətindir. Şəhidlərimiz isə necə də gözəl məqama qovuşurlar, onların məqamına qibtə edirik.

İnsan nəzarətsiz buraxılmayıb. Allah hər an hər insanın qəlbinə, vicdanına doğrunu vəhy edər. Bu, insanlar üçün çox böyük nemətdir. Səmimiyyət insanın Allahın vicdanına vəhy etdiyinə tabe olması, bu ilhamı eşitməməzlikdən gəlməməsidir.

Peyğəmbərlər, dövrlərinin ən müasir insanlarıdır. Bir insanın xəyalında canlandırdığı ən yaxşı, ən vicdanlı, ən keyfiyyətli, ən gözəl insanlardır.

Allah insanların çətinliyə düşmələrini istəmir. Sadəcə vicdanlı və dürüst olmalarını istəyir. "Məni unutmayın, Mən də sizi unutmayım" deyir. Allahı unutmaq çox böyük zülmdür. Allah sevilmək və zikr edilmək istəyir.

İnsan vicdanını haradasa qısarsa, o vicdan başqa yerdə səni yaxalayar və səni xəbərdar edər. Vicdan, Allahın insana müdaxilə etmə sistemidir.

Vicdanın sözünü dinləməyəni vicdan rahat buraxmaz. Vicdan əzabından xilas olmaq istəyən hər anında vicdanına tam tabe olmalıdır.

Türkiyədəki imkanları qiymətləndirərkən ölümdən qaçmış məzlum Suriyalılara edilən köməyi gündəmə gətirmək vicdanlı üslub olmaz. Suriyalılara edilən köməyi vicdan sahibi bütün insanların sevinc vəsiləsi olaraq görməsi lazımdır. Əks halda mərhəmət duyğusuna yaraşmaz.

Vicdanın böyük gücü var. Vicdan səsini dinləməyəni əzər, cəhənnəmi yaşadar. Vicdan özünü dinləyəni isə xoşbəxt edər.

Allahın ağlı fövqəladə dərəcədə heyranlıq oyandıracaq sonsuz ağıldır. Allahın kölgəni yaratması təkbaşına möhtəşəm sənətdir.