Adnan Oktar A9 TV; 1 iyun 2017

Müsbət və mənfi utancaqlıq vardır. Müsbət utancaqlıqda pis şeydən xəcalət çəkilər. Mənfi utancaqlıq isə insanın sevgisini ifadə etməsinə əngəldir. İnsanın sevdiyini uca səslə söyləyə bilməməsi qürurdan irəli gələr. “Sevirsənmi?” deyə soruşduqda “səncə?” deyə cavab verilməz, “sevirəm” deyilər.

Allaha inandığını söyləyib dinə inanmadığını söyləyənlər haşa Allahın insanlardan xəbərsiz olduğunu söyləmiş olurlar. Yaxud stəkanın, eynəyin, yastığın mövcudluq məqsədi var, lakin insanın mövcudluğunun heç bir məqsədi yoxdur demiş olurlar. Hər ikisi də çox məntiqsizdir.

Quran çox açıq və dəqiqdir. Quranı oxuyan hər insan açıq və dəqiq ayələri anlayar. Eyhamla, xurafatla Qurandan hökm çıxardanlara etibar etməsinlər.

Oruc insanın acizliyini bilməsinə, içindəki azğın duyğuların sakitləşməsinə və həlim insan olaraq Allahı dərin düşünməsinə səbəb olar.

İctimai ədaləti, rifahı və hüzuru təmin edəcək insanın ruhunun konstitusiyası, mənəvi konstitusiya lazımdır. Bu mənəvi konstitusiya Qurandır.

Emosionallıq təhlükəlidir. İnsanın ağıllı olmasına mane olar. Qeyri-sabitlik olar. Melanxolik insanı şizofreniyalı ruha doğru sürükləyər.

Mən bir insanı sevdikdə sonsuza qədər sevərəm, cənnət dostum olaraq ehtirasla, sonsuza qədər sevərəm.

Allah axirətdə təkcə Qurandan məsul olduğumuzu bildirmişdir. Biz heç bir əlavə və çıxarış olmadan təkcə Qurana tabe oluruq.

Keçmiş və gələcək deyilən anlayış insanın beynindəki inancdır. Sonsuz uzun zaman, sonsuz qısa zaman içində olub bitmişdir.

Ələvi demək, hz. Əliyə aşiq igid deməkdir. Ələvilər Allahı çox sevən, azad düşünən, səhabə İslamına həsrət duyan dərin insanlardır.

Sahib olduğu hər şey möminə Allahın əmanətidir. Mömin Allahın bütün əmanətlərinə hörmət göstərməklə məsuldur.

Dini o qədər qarışıq hala gətirdilər ki, insanlar İslam deyə tam fərqli xurafat dini öyrəndilər. Quran kifayətdir, açıqdır və dəqiqdir.

İzahatlarında tək bir dəfə sevgidən bəhs etməyən, Allahın sənətini coşğu ilə izah edə bilməyənlərin səmimiyyətsizliyi diqqət çəkir. Bir çox din xadimi bir dəfə belə; "Allahı çox sevirəm" deyə bilmir. Açıqca coşğu ilə Allahı sevdiklərini söyləmək sanki onlara ağır gəlir. Dini izah edənlərin Allahı sevdiklərini eşidək, bir iman həqiqətindən bəhs etsinlər, Allahın sənətini necə təqdir etdiklərini görək.

Bədbəxtliyin əsil mənşəyi Allah qorxusunun və Allah sevgisinin çatışmazlığıdır. Allahı çox sevən bir insan bədbəxtlik yaşamaz.

İnsanlar Allah sevgisini, Allaha hörmətin səmimiliyini görmək istəyərlər. Çoxbilmiş, əntəl, soyuq, “din mühəndisliyi” izahatı edənlərdən narahat olarlar.

İnsanların bu qədər acizlik və çatışmazlıq içində olarkən lovğalıq hissinə qapılması möcüzədir, bu da imtahanın bir hissəsidir.

Gənclərin arasında eyhamlı sözlərlə bir-birini alçaltmağa çalışmaq geniş yayılıb. Lağlağılığı zəka nümayişi zənn edirlər. Əsil lağlağılıq alçaldıcıdır. Həqiqi ağıl və zəka insanların bir-birinə hörmət göstərməsi, birinin digərini ucaltmasıdır.

Hulusi Akar paşamız təmiz insandır. Özü də 15 iyul qazisidir. Millətimiz onun yanındadır, qəlbi çox rahat olsun.

İnsanların bir çoxu, əşyanı yaradanın Allah olduğunu unutduqları üçün dərin düşünə bilmir. Fincanı, televizor pultunu, yol kənarındakı otları, otların içindəki xromosomları, xromosomdakı məlumatı yaradanın Allah olduğunu düşünmədikləri üçün Allahı lazımınca təqdir edə bilmirlər.

Bütün ürəklər Allahın nəzarətindədir. Allah hər an insanlara yaxşını da, pislikdən çəkinməyi də ilham edər.

Allahın sənətini lazımınca təqdir etməmək, Allahın yaratdığı bu qədər təfərrüatı görməzlikdən gəlmək çox böyük vicdani günahdır.

Uşaqları şövqlə, sevinclə praktik məlumatla öyrətmək mümkün olduğu halda, onlara darıxdırıcı, nəzəri, əzbərə əsaslanan təhsil verilir. Bu məntiqin tamamilə dəyişməsi vacibdir.

Allahın sənətini anlamazlıqdan gəlmək çox çirkindir. İnsanların bu çirkinliyi normal qarşılamaları da çox böyük möcüzədir. Tək bir xalçanın tək bir tükündə yunun alındığı qoyunun genetikasına dair bütün məlumatlar var. Təkcə bu belə Allahın sənətini görmək üçün əhəmiyyətlidir.

Din olan yerdə əyləncə, əyləncə olan yerdə din olmaz demək çox yanlış məntiqdir. Din həyatın hər sahəsində var, həyatın bütünüdür.

Dünyada hal-hazırda işlənən ən böyük vicdani cinayət; Allahın sənətini lazımınca təqdir edə bilməmək, Allahın sənətini görməzlikdən gəlməkdir. Avtomobildə musiqi dinləyir, avtomobili də, musiqini də yaradanın Allah olduğunu bir dəfə belə düşünmür. Lakin Allah qulların rahatlığını düşünür. Meyvə satanın qarşısından keçirlər, heyrətverici gözəllikdə meyvələr hamısının dadı, qoxusu, rəngi ayrı gözəldir, bir dəfə belə Allahı xatırlamadan keçib gedirlər. Allah milyonlarla təfərrüatla rahatlıq təqdim edir, insanların çoxu heç Allahı xatırlamadan yaşayıb gedir. Bu qədər nemətə bu qədər biganəlik zülm olar.