Adnan Oktar A9 TV; 1 iyun 2017

Quranın Özü namusdur. Din namusdur. Dini bütövlükdə inanıb yaşayan qadın namusludur.

İslam asan və sadədir. Dini yaşamaq asandır. Bütün məsələ səmimi olmaqdadır.

İslamı, elm, incəsənət və həyatın gözəl tərəflərini öldürən sistem zənn etdikləri üçün dindən uzaq dayanırlar. Halbuki İslam sevincin, həyatın özüdür. İslamı sevinci yox edən sistem zənn etdikləri üçün qocalanda dini yaşayarıq deyirlər. Halbuki İslam insanlara təzyiq tətbiq edən bütün qaydaları aradan qaldırar.

Biologiya dərsində bütpərəst dini izah edilə bilməz. Bütpərəst din olan darvinizm, dinlər tarixi içərisində izah edilsin, elm kimi izah edilməsinə qarşıyıq.

Bəziləri İslamı yaşanması çətinmiş kimi göstərərək insanları dindən uzaqlaşdırmağa çalışırlar, halbuki İslam azadlıqlar dinidir. İslamın yayılmasını istəməyən bəzi kəslər, dini dekolteyə qarşı kimi göstərməyə çalışırlar, boşuna çalışırlar.

İnsanlara namazı çox çətin göstərdikləri üçün bir çox insan namaz qılmaqdan uzaq qalır. Namaz çox zövqlü və asan ibadətdir. Namazı və dəstəmazı çətinləşdirmək şeytanın insanlara oyunudur. Allah Quranda dəstəmazı bir ayədə izah edir, insanlar onun barəsində 300 səhifə kitab yazırlar.

Din insanı çıxılmaz vəziyyətlərə sürükləməz. Allah səmimiyyəti əsas götürər. Din sadə və asandır.

Mövhumatçılıq Allahın dini xaricində Allahın istəmədiyi şirk dini deməkdir. Mövhumatçılığın qapqaranlıq dünyasını Quranın nuru aradan qaldırar.

Mən heç bir kitabımdan müəllif haqqı almıram. Dini ödəniş qarşılığında təbliğ etmək olmaz.

Münafiqin şeytani din anlayışında, Allah üçün səy göstərmək, dini yaymaq, müsəlmanlarla birlikdə yaşamaq yoxdur.

Peyğəmbər adından uydurulmuş xurafatları din halına gətiriblər. Bu İslam deyil, xurafat dinidir. İslam dini Quranda izah edilən dindir.

Dini o qədər qarışıq hala gətirdilər ki, insanlar İslam deyə tam fərqli bir xurafat dini öyrəndilər. Quran yetərlidir, aydındır və konkretdir.

Bədbəxtliyin əsil mənşəyi Allah qorxusunun və Allah sevgisinin çatışmazlığıdır. Allahı çox sevən bir insan bədbəxtlik yaşamaz.

İnsanların bu qədər acizlik və çatışmazlıq içində olarkən lovğalıq hissinə qapılması möcüzədir, bu da imtahanın bir hissəsidir.

Gənclərin arasında eyhamlı sözlərlə bir-birini alçaltmağa çalışmaq geniş yayılıb. Lağlağılığı zəka nümayişi zənn edirlər. Əsil lağlağılıq alçaldıcıdır. Həqiqi ağıl və zəka insanların bir-birinə hörmət göstərməsi, birinin digərini ucaltmasıdır.

Bütün ürəklər Allahın nəzarətindədir. Allah hər an insanlara yaxşını da, pislikdən çəkinməyi də ilham edər.

Allah axirətdə təkcə Qurandan məsul olduğumuzu bildirmişdir. Biz heç bir əlavə və çıxarış olmadan təkcə Qurana tabe oluruq.

Uşaqları şövqlə, sevinclə praktik məlumatla öyrətmək mümkün olduğu halda, onlara darıxdırıcı, nəzəri, əzbərə əsaslanan təhsil verilir. Bu məntiqin tamamilə dəyişməsi vacibdir.

Ən yaxşı müəllim insanın öz vicdanı və ağlıdır. Allah hər insanın vicdanına doğrunu ilham edər.

Din olan yerdə əyləncə, əyləncə olan yerdə din olmaz demək çox yanlış məntiqdir. Din həyatın hər sahəsində var, həyatın bütünüdür.

Ən böyük ehtiyac insanların imanlarını qazanmasına vəsilə olmaqdır. Ağıl və qəlb cəhətdən imana vəsilə olacaq əsərlər paylanılması çox mühümdür.

Keçmiş və gələcək deyilən anlayış insanın beynindəki inancdır. Sonsuz uzun zaman, sonsuz qısa zaman içində olub bitmişdir.

Ələvi demək, hz. Əliyə aşiq igid deməkdir. Ələvilər Allahı çox sevən, azad düşünən, səhabə İslamına həsrət duyan dərin insanlardır.

Sahib olduğu hər şey möminə Allahın əmanətidir. Mömin Allahın bütün əmanətlərinə hörmət göstərməklə məsuldur.

İzahatlarında tək bir dəfə sevgidən bəhs etməyən, Allahın sənətini coşğu ilə izah edə bilməyənlərin səmimiyyətsizliyi diqqət çəkir. Bir çox din xadimi bir dəfə belə; "Allahı çox sevirəm" deyə bilmir. Açıqca coşğu ilə Allahı sevdiklərini söyləmək sanki onlara ağır gəlir. Dini izah edənlərin Allahı sevdiklərini eşidək, bir iman həqiqətindən bəhs etsinlər, Allahın sənətini necə təqdir etdiklərini görək.