Adnan Oktar A9 TV; 23 may 2017

Musiqi dinləyən, rəqs edən cəhənnəmə gedər anlayışı Quranda yoxdur. Bu anlayış dünyanı cəhənnəmə döndərir. Allahın halal etdiyi haram edilməz.

Təsadüf xurafatın digər adıdır. Təsadüf deyən elm ola bilməz. Təkamül, təsadüfü izah edən şumerlərdən qalan xurafatdır.

İncəsənət, gözəllik, estetika axtarmadan paltarın, evin, mebelin təkcə funksional olmasına əhəmiyyət vermək çox böyük çatışmazlıqdır, keyfiyyət yoxluğudur.

Türkiyə çox keyfiyyətli hala gətirilsə hər yerdə incəsənət, bağlar, bağçalar, tərtəmiz küçələr olsa beyin axını deyə bir şey də olmaz.

Osmanlı arxitekturası xüsusilə evlər və məscidlər baxımından mükəmməldir. İncəsənət tərəfi həqiqətən gözəl olduğu üçün Anadoluda yayılmalıdır.

Qadınlar Peyğəmbərimiz (s.ə.v) və səhabə dövründə azad idi. Hz. Mehdi dövründə yenə azadlığa qovuşacaq, istədikləri kimi azad yaşayacaqlar.

Musiqi ilə dini uyğunlaşdıra bilməmək çox yanlışdır. Musiqi olsa din olmaz deyə bir şey yoxdur. Din həyatın hər anında var.

Qadınlar özünü azad hiss edirsə, baxımlı və gözəl olması qadağan halına gətirilmirsə, o zaman həyat gözəl, keyfiyyətli və aydın olar.

Gecə klublarında həqiqi əyləncə olması üçün qadınların sərbəst şəkildə hüzur içində əylənə biləcəkləri mühit olması lazımdır. Əhəmiyyətli olan, qadınların şərəfinə zərər gəlməsinin qarşısının tamamilə alınmasıdır. Bu zaman həqiqi əyləncə olar.

Hər yer rəsm əsərləri, heykəllərlə bəzədilsə binaların natəmizliyi aradan qalxsa, küçələr tərtəmiz olsa Avropa Türkiyəyə niyə qarşı çıxsın? Çıxmaz.

Rəsmə, heykələ nifrətlə baxan, qadının gülməsinə belə dözə bilməyən bir zehniyyəti Avropa öz içinə almaq istəməməkdə haqsız deyil.

Avropanı əsil narahat edən keyfiyyətsizlikdir. Heykələ, rəsmə, musiqiyə düşmən insanları öz həyatlarının içində görmək istəmirlər. Bəzi həqiqətləri anlamazlıqdan gəlmək vaxt itkisinə səbəb olur. Türkiyədə təcili surətdə Keyfiyyət Nazirliyi yaradılmalıdır. Dövlət keyfiyyəti təşviq etməlidir.

Türkiyənin sevinci imanla gələr. İnsanlara bir tərəfdən darvinist, materialist digər tərəfdən isə mövhumatçı sistem zorla qəbul etdirilərsə bədbəxtlik baş verər.

İngiltərə dərin dövləti darvinizmi və mövhumatçı İslam anlayışından iki güclü silah kimi istifadə edir. Bu iki silahı da əllərindən elmlə almaq vacibdir.

Mövhumatçılıq İslamı daxilən çökdürmək üçün şeytanın planlaşdırdığı sistemdir. Dərin düşünməyi, yaradıcı gücü yox edir və insanları keyidir. Mövhumatçı sistemin insanları boğmasına imkan verməyək. Quranın şən, azad, istiqanlı, mehriban, gözəl ruhu ilə dünyanı cənnətə döndərək.

Qadın hüquqlarını Avropadan daha irəliyə aparan, incəsənəti, elmi dəstəkləyən bir Türkiyəni heç kim qarşısına almaz.

Ənənəpərəst ortodoks bacı-qardaşlarımızın çoxu Quranın kafi olduğunu eşitdikləri zaman çox təəccüblənirlər. Vəsvəsəyə qapılmadan Qurana sarılsınlar. Quranın kafiliyini köklü izah etmək lazımdır. Allahın Kitabı əskiksizdir. Allahın Kitabının əskik olduğunu söyləmək günahdır deyə izah edilməlidir.

Paleontologiya elmdir, darvinizm isə bütpərəst cəfəngiyatdır. Fizika, kimya, geologiya elmdir, darvinizm isə xurafatdır, bütpərəst dindir.

Bir tərəfdən darvinist təhsil, digər tərəfdən ənənəpərəst ortodoks təzyiq gənclərin sevincinin yox olmasına səbəb oldu. İkisinə qarşı da elmi tədbir almaq lazımdır.

Ənənəpərəst ortodoks sistem müəyyən mənada bataqlıq kimidir. Hər kəsi, hər şeyi içinə çəkib boğmaq istəyir. Bu dəhşət verici sistemə biz heç vaxt tabe olmayacayıq.

Uşaqlar üçün məktəb sanki kabus kimi olur. Gənclərin məktəbi sevmələri üçün təhsilin məqsədini onlara yaxşı izah etmək lazımdır. Təhsillə birlikdə keyfiyyət, gözəllik, ədəb, mədəniyyət qazanacaqsan deyə gənclərə izah edilsə sevə-sevə məktəbə gedərlər. Təhsildə filmlərdən daha çox istifadə edilməlidir. Xüsusən bütün tarix dərsləri filmlə izah edilə bilər, əzbərçiliyə əsaslanan sistem olmamalıdır.

Avropada dinsizlik geniş yayılıb, halbuki gənclər həqiqi İslamı bilsələr xoşlarına gələr, lakin ənənəvi İslam izahları ucbatından dindən uzaqdırlar.

İman həqiqətlərini, Quran möcüzələrini, darvinizmin əsassızlığını izah edərək dinsiz materialist fəlsəfəni tamamilə zərərsizləşdirə bilərik.

Hz. İsa müsəlman olaraq gəldikdə xristianlar Onu daha çox sevəcəklər. O zaman həqiqi İsanı sevmiş olacaqlar.

Havaya atəş açaraq nə isə qeyd etmək böyük hörmətsizlikdir. Cana qəsd edən vəziyyət olduğu üçün buna qarşı lazımi hüquqi tədbirlər görülməlidir.