Adnan Oktar A9 TV; 19 may 2016

Allaha təvəkkül edilmədiyi zaman, qorxu və kədər, şirkin cəzası olaraq insana verilər.

Təvəkkül etməmək nədir? Şirkdir. Acı niyə olur? Şirk qoşduğu üçün Allah tərəfindən ona cəza. Nağd cəza.

Səbir şirkə qarşı dərmandır.

Sıxılmaq da, kədərlənmək də şirkdən meydana gələn narahatlıqlardır.

Mən etdim demək Allaha böhtan atmaqdır. Allah ayədə; "atdığın vaxt sən atmadın, Mən atdım" deyir. Ona elə göstərilir. Mömin şirkdən şiddətlə qaçmalıdır, ömrü boyu ən diqqətli olacağı mövzuların başında şirk gəlir.

Münafiq müşrikin ən inkişaf etmiş, ən şiddətli olanıdır. Kafirin ən azğın olanıdır münafiq. Klassik müşrikdən, bilinən müşrikdən qat-qat irəlidir münafiqin müşrikliyi. Çünki münafiq hər şeyi özünün etdiyini və hər şeyi başqalarının etdiyini düşünər. Əşyanın gücünə inanar, insanların gücünə inanar, hadisələrin gücünə inanar, cəmiyyətin gücünə inanar. Cəmiyyət onun üçün ilah kimidir.

Münafiq şirk düşüncəsində olduğu üçün, müstəqil varlıq olduğunu düşünərək, Allahın onun etdiyi şeytani əməlləri görmədiyini düşünər.

Mömin münafiqlər mövzusunda olduqca rahat olmalıdır. Əks təqdirdə haram olar, çünki şirk olar. Yəni, ciddiyə aldığı zaman, onlardan həqiqətən qorxub narahat olduğu zaman bu şirk olar. Çünki bütün güc Allaha məxsusdur.

Müsəlmanların səhvi bu olur, şeytanın müstəqil güc olduğuna inanırlar. Bu onsuz da şirk olur. Münafiqin müstəqil güc olduğuna inanır, bu da şirk olmuş olur. Çünki münafiqin etdiyi hər əməl taleyində bəllidir. Allah tərəfindən yaradılar.

Biz Allahdan razıyıq. Allahın etdiyi hər şeyi hikmətlə və gözəl etdiyinə inanırıq. Şəhidlərimizlə də fəxr edirik. Yas tutmuruq, matəmə girmirik. Bunun da şirk olduğunu bilirik. Heç kim, bizi belə çirkin günaha, harama dəvət etməsin.

Dəccal dindarlıq iddiası, şirk dini və xurafatlarla ortaya çıxar. Dəccalın təqdim etdiyi xurafat dini marksizm kimi, darvinizm kimi tiryək təsiri göstərər.

İslam adından sevgisiz, zorakılığa əsaslanan bir dünya modelini müdafiə edənlər İslamı deyil, müşrik sistemi müdafiə edirlər. Müşrik sistem ilə İslam eyni deyil.

Sənin sevdiyim dediyin kəs, beynindəki təsvirdir. Ən incə nöqtəsinə qədər kim yaradır? Kim sevdirir, kim danışdırır? Bütün bunları edən Allahdır. Yəni qarşındakı şəxsə aid heç nə yoxdur. Əgər sən Allahı deyil, əksinə xəyali bir bütü sevsən bu aldatma olar, özü də çox pis aldatma. Özünü çox pis aldatmış olarsan.

Şirkdən fayda təmin edəcəyini düşünən mütləq bəla və uğursuzluqla qarşılaşar. Allahdan deyil, insanlardan ümid etmək o insanı bütləşdirməkdir. Allahın yerinə haşa başqa insanları və ya əşyaları büt qəbul edən bu bütün altında əzilər. Allah mütləq uğursuzluq verər.

Səbir dözüm deyil. Dözüm şirk olar. Səbir yaşadığın hadisəni gözəl görərək edilən ibadətdir.

Cəmiyyətin bəzi qanunları insanları mərhəmətsizcə əzir. Quranın gözəlliyi ilə yaşamır, şirk sisteminin bir-biri ilə ziddiyyət təşkil edən fəlsəfəsi ilə boğuşurlar.

Müsəlman hər şeyi Allahdan istəyər. Allahın yerinə haşa Allahın hər hansı qulunu əsas götürmək şirk olar. Müsəlman şirkdən qaçmalıdır.

Peyğəmbərimiz (s.ə.v)-in vəfatından bir müddət sonra İslam əslindən uzaqlaşıb şirk dininə döndü, bu şirk dini getdikcə inkişaf etdi və İslam aləmi şirkin içində boğulan oldu. Dəccaliyyətin işi o qədər asanlaşdı ki, müsəlmanların əlindən elmi, incəsənəti, sevinci, həyatı aldı və asanlıqla əzdi. Biz də Qurana görə İslamda bunların hamısının qanuni və doğru olduğunu göstərdik.

Ənənəçi ortodoks sistem olduğu zaman insan beyni inkişaf etmir. Mühakimə qabiliyyəti pozulur, incəsənət gücü də qalmır. Bu sistemin xüsusiyyətlərindən biri, qadağandır deyə elan etdikləri şeyləri özlərinin tətbiq etməsidir. Şirk sistemində səmimiyyət yoxdur. Şirk sistemində yaşayanların demək olar ki, hər anlarında hörmətsizlik olar, insanlara qarşı kobud, qatı və mərhəmətsizdirlər.

Quranda zorakılıq yoxdur. Vəhşilik və dəhşət şirk dinində, xurafat dinində vardır.

İki cür şirk var. Birincisi açıq-aydın görünən şirkdir. Məsələn, büt düzəldib, açıq şəkildə ona sitayiş edir. Bu açıq-aydın görünən şirk olur. Bir də gizli şirk vardır. Bu isə qüvvətin Allahda deyil, başqalarında olduğuna inanmaqdır. Məsələn, insanda ayrı bir qüvvə olduğuna inanmaq. Halbuki, hər insanı danışdıran, hər insana bir şeylər dedirdən və etdirən Allahdır.

İngiltərə dərin dövləti həmişə müsəlmanlara vuran gizli yumruq kimidir. Təkidlə ifşa edildiyi zaman bu struktur mütləq məğlub olacaq.

İslamı fiqh və hədis kitablarından öyrənən və Quranı oxumamış, dərk etməmiş bəzi qardaşlarımız Quran müsəlmanlığını görəndə çox təəccüblənirlər. Quran müsəlmanlığını anlamayan qardaşlarımıza şəfqətlə yanaşmaq lazımdır. İlk başda Quranın kafiliyini qəbul etməkdən çəkinə bilərlər. Çünki şirk dininin çətinliyi, qarışıqlığı Quranda yoxdur. Qurandakı İslam asandır. İslamın asan olması şirk dininə alışanları təəccübləndirər.

Allahın gizli bəla verməsi xüsusi sənətidir. Bəlaya layiq olanı, zalımlıq edəni Allah mütləq səssiz-səmirsiz əzər.

PKK-nın təməl inancı olan darvinizm elmi cəhətdən yox edildiyi zaman, PKK bitər, nəfəsi tükənər.