Adnan Oktar A9 TV; 9 dekabr 2012

Cənnətdə fizika qanunlarını qaldırır Allah, yeni qanunlar var. Daxili orqanlar yoxdur. Hüceyrə ölümlü deyil. Normalda hüceyrə ölür, axirətdə heç bir şəkildə ölmür.

Mehdiyyət gəlsə dəccaliyyət gedər. Batil mütləq, yəni Darvinizm, materializm mütləq yıxılar. Yüz il müqavimət göstərməsi, yüz əlli il müqavimət göstərməsi əhəmiyyətli deyil. Mütləq yox olur.

Allah davamlı olmayan zikr etməyi, təbliği zəif davranış olaraq qəbul edir. Zəif davranmağı da qəbul etmir. İntensiv olmasını istəyir Allah. Çox sıx, ola biləcək ən sıx dərəcədə.

Möminlər cənnətə, kafirlər isə cəhənnəmə gedəcəklər. Amma heç kim cəhənnəmə ya cənnətə gedəcəyindən əmin olmayacaq. Ümid və qorxu arasında olmalıdırlar. Allah elə istəyir. Belə olduqda insan mükəmməl, dəqiq olur, inşaAllah.

Keyfiyyətsizlik və sevgisizlik İslam aləminin ən böyük düşməni, ən böyük əleyhdarıdır. Keyfiyyətsizlik, sevgisizlik düşmənçilik, nifrət dolu insanları öldürmək istəyən, yaralamaq istəyən, təcavüzkar, terrorist ruhlu insanların inkişafına vəsilə olur və o zaman Allah əsirgəsin məhəllələrdə gettolar meydana gələr. Nifrət gettoları meydana gələr. Nifrət edən insanlar yaranar. Bu çox təhlükəlidir.

Allah heç bir zaman üçün buraxılmaz. Heç bir zaman üçün Cənab Allaha qarşı hüsnü-zənndən imtina edilməz.

Dərin iman, ən böyük nemət odur. Təvəkkül və dərin imandır. Çünki Allah insanları bir çox şeylə sınayar. Zaman-zaman əyilib bükülənlər olur, bu çox böyük səhvdir. Allaha hüsnü-zənn heç bir zaman yox edilməz. Allah heç bir zaman mübahisə mövzusu olmaz. Elə bir eşqlə bağlanılar ki, heç bir şəkildə Allaha olan hüsnü-zənn və sevgi buraxılmaz. Bir an da olmaz.

Fələstində edilməsi lazım olan iman həqiqətlərinin izah edilməsidir, Quran möcüzələrinin izah edilməsidir. Darvinizm, materializmə qarşı bu Yaradılış Atlasları ilə gənclər orada elmi mübarizə etsələr məşhur sol düşüncəyə qarşı dərhal nəticə əldə etmək olar.

Allah hər cür neməti eyni anda vermir. Bir tərəfdən verirsə bir tərəfdən də bir əksiklik meydana gətirir ki, insanlar imtahan versin.

Məni çox sevsəniz, məndən qorxsanız, Qurana uysanız, səmimi olsanız, davamlı ağlınız, ürəyiniz Məndə olsa və tövbə etsəniz, Allaha həmd etsəniz, Allahın böyüklüyünü söyləsəniz ‘Allahu əkbər', Məni tənzih etsəniz deyir Cənab Allah ‘SubhanAllah', "Əksik, nöqsan sifətlərdən münəzzəhsən Ya Rəbbim, mükəmməlsən" şəklində Məni tərifləsəniz deyir Cənab Allah, Mənim şanımı təqdir etməyə var gücünüzlə cəhd göstərsəniz sizə müsibət üz etməz deyir Allah. Rahatlayarsınız, deyir. Burada bir sirr var.

Allah iman edib səmimi əməllərdə olan qulları ilə əlaqəli olar. Onların sözünü, tələbini dinləyər, dualarını qəbul edər. Ayədə "və onlara Öz fəzlindən artırar" buyurur. Məsələn, sağlamlıq verdisə artırır, səhhət verdisə artırır, mal verdisə artırır, təsir verdisə artırır, güc verdisə artırır, artırar.

Allah "Əgər səmimi olaraq hər şeyi Mənim etdiyimi qəbul etsəniz, ağıla gələn hər şeyi tamamilə Mənim yaratdığıma inansanız, o zaman söz verirəm dünya hakimi edəcəyəm sizi" deyir. "Sayınız az da olsa." Lap on adam olsun. Tövratda da buna diqqət çəkilmişdir. Lap on adam olsun, dünya hakimi edəcəyəm, deyir Allah.

PKK Allahın varlığını görməlidir. Çox açıq, çox dəqiqdir. Normal, orta zəkası olan bir insan Allahın varlığını anlayar. Allah, bizi, o qədər beynimizi məcbur edərək anlayacağımız kimi yaratmamışdır.

Bir qadın, Allah əsirgəsin, daha əvvəl günaha girmiş ola bilər. Kişi də günaha girmiş ola bilər. O andan etibarən tövbə edib bir daha etmirsə, o qadın iffətlidir, igid də olsa, o da iffətlidir.

Sevgisiz, estetikadan uzaq, baxımsız, dağınıq, əzik, özünə qapanan bir dünya ilə, musiqi yox, sənət yox, demokratiya yox, coşğu yox, həyəcan yox, elə o şəkildə İslam hakim olmaz. Allah belə qorxunc bir sistemi də bizə fərz etməz. Allah belə qorxunc şeyləri bizdən qaldırmışdır. İnsanlar özləri icad edirlər bu qorxunc sistemləri, dəhşət verici sistemləri.

Yenidən sənətin və elmin öndə olacağı şəkildə İslam dünyaya hakim olacaq. O zaman Allah icazə verir, onun xaricində icazə vermir.

Allah niyə Osmanlını qurdurdu? Çünki Qurana çox diqqətli idi. Fanatizm yox idi. Sevgi dolu idilər. Hz. Süleyman (ə.s)-a niyə Allah dünya hakimiyyəti verdi? Sənət, estetika, elm, sevgi hər yeri əhatə etmişdi. İnsanlar yıxılmağı da, yenidən qurulmağı da çox yaxşı düşünməlidirlər.

Keyfiyyətsiz cəmiyyət yıxılmağa məhkumdur. Allah keyfiyyətsiz cəmiyyəti yıxır. Hz. Süleyman (ə.s) dövründə müasirlik, gözəllik, estetika, sənət, sevinc vardı. Allah dünya hakimi etdi. Hz. Zülqərneyn zamanında da elə sevinc, gözəllik, estetika, elm vardı. Allah dünya hakimi etdi. Allah onun xaricində icazə vermədi.Həmişə məhv oldu. Səbəb fanatizmdir.

Mehdisiz bir dünya olmaz, İsa Məsihsiz bir dünya olmaz. Cənab Allahın qanunu, qaydası budur. Allah "Mənim dediyimi edəcəksiniz" deyir. Cənab Allah, "Mən Mehdi (ə.s)-ı sevirəm, İsa Məsihi sevirəm" deyirsə, məsələ bağlanmışdır.

Din milliyyətçi olsa Allah İslam əxlaqını hakim etməz. Müsəlmanlar nə vaxt Allahın bütün yaratdıqlarına, insanlara, hətta heyvanlara və bitkilərə də şəfqət göstərsələr , o vaxt Allah İslam Birliyini formalaşdıracaq.

Təkidlə xeyir söz deyilsə, o xeyir hər yerə yayılar. İnsanların ürəyinə Allah ilham edər və istənilən şey olar. Dayanmadan "İslam Birliyi olacaq" desən, olacaq.

Dövlətin kitablarında açıq şəkildə "Kainat təsadüfən yaradıldı" deyilirsə, bu Allahın xoşuna gəlməz. O ölkəyə bərəkət gəlməz. Narahatlıq, anarxiya və terror olar. Narahatlığın da üstündə Allah bəla verə bilər, iztirab verə bilər, çətinliklər verə bilər Allah əsirgəsin.

Allah hər şeyi xeyirlə bitirər. Tənqid edəni də Allah yaradır, tənqid edən də özündən tənqid etmir. O da lazımdır, o da bir zəmanətdir, gözəllikdir.

Bir insan dindən azsa, artıq o dəccal olar. Allah kimi mehdi etsə, kim mehdi olsa dəccallar ona təsir etməz.

Dünyada İslamın hakimiyyəti üçün iki mövzu var, mən açıq şəkildə söyləyim: Bir sevgi, iki keyfiyyətdir.