Adnan Oktar A9 TV; 28 avqust 2016

İnsanlar tək bir molekuldakı ağlı yaxşı düşünsə və görsələr Allahın sənətinə heyran qalarlar. Lakin əksər insan heç düşünmədən yaşayır.

İmtahanda ən mühüm məsələ Allahın sənətini unutmamaqdadır. Məsələn, bir yarpaqdakı ağıl insan ağlından minlərlə qat üstündür. Hətta tək bir toz zərrəsində belə nəhəng həyat var. Bakteriyalarda böyük ağıl var. Allahın sənəti çox heybətlidir. Bəzi insanlar Allahın sənətini düşünməkdən qaçırlar, az düşünməyin lazım olduğunu zənn edirlər. Halbuki Allah ətraflı düşünməyimizi istəyir.

Allahı həmişə zikr etmək və düşünmək üçün çox təfsilatlı məlumatlar şərt deyil. İşığın hər an yaradılması təkcə çox mühüm nemətdir.

Bir insanın irfan sahibi, dərin düşünən, dərin qavrayan olması əhəmiyyətlidir. Təkcə mədəniyyətin olmasının insana faydası olmaz.

Allahın varlığının dəlillərini incə-incə, tək-tək, təfərrüatlı düşünmək əhəmiyyətlidir. Yüzlərlə mövzunun içində boğulmaq deyil, bir mövzunu düşünmək lazımdır.

Həqiqi iman yaranması üçün bütün diqqəti Allaha yönəldərək, həmişə Allahdan yana olaraq dərin düşünmək lazımdır. Diqqət dünyaya verilirsə, olmaz.

Çox düşünmək, çox məsuliyyət almaq zehin və şəxsiyyətin inkişafı üçün çox faydalıdır.

İslamda düşünmək vacibdir. Allahı xatırlayarkən, Allahın adlarını söyləyərkən də düşünərək, Allahı çox sevərək, mənasını bilərək söyləmək əhəmiyyətlidir.

Dərin imana sahib olmaq üçün elə də fövqəladə bir səy göstərməyə ehtiyac yoxdur. İnsan çox səmimi olsa, dərin iman dərhal meydana gələr. Dini ona görə çox çətin olduğunu düşünürlər. "Çox təfəkkür etməli, çox dərin düşünməliyəm" deyir, sən istəməklə dərin düşünə bilməzsən, Allah səni dərin düşündürər. Müstəqil bir gücün yoxdur. Sənin edəcəyin şey, səmimi olmaqdır. Səmimi olub Allahdan tələb etməkdir.

Bir insan səmimi dərin düşünərək, başqalarının belə etməməsinə fikir vermədən, diqqətini, iradəsini açıq-aşkar ölüm həqiqətini dərk etməyə yönəltməlidir. Başqa insanlar fərqində olmaya bilərlər. Çünki Allah beynimizin içində bizə imtahan verərək insanları elə göstərir, bəlkə bir çoxu ölüdür.

Batini olaraq yanaşsaq insan qədərində olmayanı düşünə bilmir. Məsələn, düşüncəsindəki pərdələr açılır. "Dərin düşünərək bu hala gəldim" deyə fikirləşər, amma dərin düşündüyü saat, vaxt da müəyyəndir. Ondan artıq dərin düşünə bilməz.

BİZİM DƏRİN DÜŞÜNMƏK KİMİ XÜSUSİYYƏTİMİZ OLMALIDIR. QURAN BİZİ DƏRİN DÜŞÜNMƏYƏ, DƏRİN TƏFƏKKÜR ETMƏYƏ YÖNƏLDƏR. İnsanlar həmişə hazır məlumat əldə etmək istəyir. Hər şey açıq olsun və insanlar da artıq məcbur qalıb iman etsinlər. Elə olmaz.

DÜRÜST, SƏMİMİ OLSANIZ ALLAH SİZİ İMANA DAVAMLI OLARAQ YAXINLAŞDIRAR. Təbii ki, dərin iman çox böyük bir nemətdir. Amma Allah bəzən orta miqdarda verər. Bəzən ondan da az verər. Bəzən də daha yüksək verər. SİZ DAİM ALLAHA SARILIN. Hamısı etibarlı olar.

Quranda Allah düşünməyi , dərin düşünməyi fərz etmişdir. Düşündükcə Allah insanların qəlbinə bilgi ilham edir. Gerçəkləri görər, Allaha getdikcə daha çox yaxınlaşar, Allaha olan sevgisi artar.

Allah ağılından istifadə edə bilənlər üçün bir çox dəllilər yaratmışdır. Ağılından istifadə etmirsə, hər nə olursa olsun insanın beyni oyanmaz, nə etsən də fərq edə bilməzsən.

Allah, dərin düşünməmizi və Allahın yaratdıqlarını haqqıyla qiymətləndirməmizi istəyir, ancaq onda gerçəkləri dərk edə bilərik. Səthi düşündüyündə insan çox az şey dərk edə bilər.

Xurafatla bir insan iman etməz. Təhqiqi iman üzərində dayanmasaq, iman zəifliyi olar. Düşünməyən insanın imanı zəif olar.

Bəzi insanlar Allahı kölgə varlıq olaraq, özlərini isə həqiqi varlıq kimi görmək istəyərlər(Allahı tənzih edərik). Halbuki, özünün bir kölgə varlıq olduğu həqiqətindən qorxmaq yox, əksinə bunu sevinc və eşqlə düşünmək lazımdır. HƏR ŞEYİN BEYİNDƏ GÖRÜNÜŞ KİMİ YARADILDIĞINI DƏRK EDƏN İNSAN CƏNNƏTİ, CƏHƏNNƏMİ, ÖLÜMÜ VƏ AXİRƏTİ ÇOX YAXŞI QAVRAYARAQ DƏRİNLİKLƏRƏ GEDƏ BİLƏR. Bu mövzuda və digər mövzularda dərin düşünmək Quranın əmridir, bunda çəkinəcək bir şey yoxdur.

Dərin düşünən insanlar Allahın sənətinin fərqinə vara bilirlər. Onun üçün Allah ayədə; "Allahdan ancaq alimlər qorxar" deyə ifadə edər. Allah, müsəlmanların daima düşünməsini, dərin düşünməsini və elm sahibi olmasını istəyir, dərin təhqiq etmələrini istəyir.

Sonsuz əvvəl və sonsuz axır, sonsuz qısa zamanda yaradılmışdır. Allahın zaman və məkandakı dərin elmini anlamağa çalışmaq lazımdır.

Əhəmiyyətli olan arif olmaqdır, dərin düşünməkdir. Müsəlman saytlarında Allah sevgisi təbliğ edilməlidir.

İnsanların zülaldakı ağlı düşünməməyi, sanki bir növ zehni keyliklə meydana gəlir. Bu keylik ucbatından fövqəladə möcüzəni normal kimi görür.

İlk yaradıldığı andan bəri heç bir insan beynindən kənara çıxıb təsvirin əslini görməyib. Hər insan beynin içindəki monitorun qarşısında yaşayır.

Allah ilə təəccüblənmə və heyrətlənmə məqamında həmişə əlaqədə olmaq lazımdır. Allahın yaratdığı hər şey heyrətamizdir, heyranlıq duymaq lazımdır.