Adnan Oktar A9 TV; 19 yanvar 2017

Allahın varlığının dəlillərini incə-incə, tək-tək, təfərrüatlı düşünmək əhəmiyyətlidir. Yüzlərlə mövzunun içində boğulmaq deyil, bir mövzunu düşünmək lazımdır.

Həqiqi iman yaranması üçün bütün diqqəti Allaha yönəldərək, həmişə Allahdan yana olaraq dərin düşünmək lazımdır. Diqqət dünyaya verilirsə, olmaz.

Allahı həmişə zikr etmək və düşünmək üçün çox təfsilatlı məlumatlar şərt deyil. İşığın hər an yaradılması təkcə çox mühüm nemətdir.

Taxta stullar üzərində, havasız siniflərdə deyil, filmlərdən istifadə edərək, bağçada sevinc içində söhbət edərək təşkil edilmiş təhsil sistemi olmalıdır. Uşaq məktəbə getməyi əziyyət kimi deyil, ümumi biliyinin, keyfiyyətinin artacağını bildiyi əyləncə olaraq görməlidir. Bu zaman öyrəndiyini unutmaz. Mənanı unutduran təhsil sistemi olduqda uşaq dərinlik ala bilmir, sevgisizlik yayılır, fəlakət addım-addım inkişaf edir.

Təhsilin təməli nəzakətli insan olmağa təşviq olmalıdır. İmtahanlarla uşaqları sıxışdırmaq deyil, zövqlə öyrənmələrini təmin etmək lazımdır. Uşaqlara nəzakətli, mədəni olmağın zövqünü hiss etdirmək vacibdir. Mədəni olduğu zaman həyatın hər sahəsində müvəffəqiyyətli olacağını göstərmək lazımdır.

Çox düşünmək, çox məsuliyyət almaq zehin və şəxsiyyətin inkişafı üçün çox faydalıdır.

İslamda düşünmək vacibdir. Allahı xatırlayarkən, Allahın adlarını söyləyərkən də düşünərək, Allahı çox sevərək, mənasını bilərək söyləmək əhəmiyyətlidir.

İqtisadiyyatın kilidlənməsinin və kasıblığın əsas səbəbi mal-dövləti toplama ehtirasıdır. Allah sevgisi və qorxusu ilə birlikdə toplama ehtirası aradan qalxdıqda zənginlik meydana gələr.

İmtahanda ən mühüm məsələ Allahın sənətini unutmamaqdadır. Məsələn, bir yarpaqdakı ağıl insan ağlından minlərlə qat üstündür. Hətta tək bir toz zərrəsində belə nəhəng həyat var. Bakteriyalarda böyük ağıl var. Allahın sənəti çox heybətlidir. Bəzi insanlar Allahın sənətini düşünməkdən qaçırlar, az düşünməyin lazım olduğunu zənn edirlər. Halbuki Allah ətraflı düşünməyimizi istəyir.

Gündəlik işlər, futbol, məktəb, müzakirələr və s. ucbatından insanların əksəriyyəti əsil düşünməsi lazım olan mövzular barəsində bir dəfə belə düşünmür.

İnsanlar tək bir molekuldakı ağlı yaxşı düşünsə və görsələr Allahın sənətinə heyran qalarlar. Lakin əksər insan heç düşünmədən yaşayır.

Bilik Allah rizası üçün olmalıdır. Biliyi fitnə üçün, günah üçün, nifaq üçün, münafiqlik etmək üçün, zülm üçün, Allaha üsyan etmək üçün istifadə etsə Allah intiqam alar.

İnsanlarda ağıl az olub, zəka çox ola bilər. Dünyagörüşü, bilik çox olur, ətrafı, imkanları geniş olur. Lakin Allahı anlama və Allaha hörmət bəsləmə, Allahı sevmə gücü yüksək vicdan sahiblərində ola bilir.

İman, dərin iman bütün məsələ budur. Yoxsa çoxbilmişlik etmək, çox dünyagörüşlü olmaq, səkkiz dil bilmək, bütün ziyalı dünyagörüşünü su kimi əzbərdən oxumaq, izah etmək sıfırdır. Hətta bu insanlara xoş gəlməz, qəzəbləndirər. İnsanlar hikmət insanlarını sevər, dərin insanları sevər, dərin imanlı səmimi insanları sevərlər.

Dərin imana sahib olmaq üçün elə də fövqəladə bir səy göstərməyə ehtiyac yoxdur. İnsan çox səmimi olsa, dərin iman dərhal meydana gələr. Dini ona görə çox çətin olduğunu düşünürlər. "Çox təfəkkür etməli, çox dərin düşünməliyəm" deyir, sən istəməklə dərin düşünə bilməzsən, Allah səni dərin düşündürər. Müstəqil bir gücün yoxdur. Sənin edəcəyin şey, səmimi olmaqdır. Səmimi olub Allahdan tələb etməkdir.

Din dərsində xristianlıq, yəhudilik, müsəlmanlıq izah edilməlidir. Şiəlik, ələvilik, bektaşilik hamısı izah edilməlidir. Bu ümumi mədəniyyətdir.

Yüksək mədəniyyətə sahib olan bir insanın kommunist olması çox çətindir. Kommunistlərə şəfqətlə yaxınlaşaraq həqiqətləri dəlil və sübutları ilə izah etmək lazımdır.

İnternetə limit olsa, adamın əlindən kitabı götürmüsən, adam kitabxanaya gedir, qapının qarşısında dayanmısan, eyni hərəkət olar. İmkan yaradın, millət məlumatını, mədəniyyətini artırsın, limit və s. bunların hamısı aradan qalxsın.

Elmsizlik kommunizmi, faşizmi, vəhşi kapitalizmi gətirər. Mədəni, məlumatlı bir adam o yollara girməz. Çünki elmi görsə Allahın sənətini görər. Allahın sənətini görsə Allaha aşiq olar. Allaha aşiq olan Allahdan qorxar, Allahı sevər. Qurana tabe olar. Dünyanın ən mükəmməl, ən yaxşı insanı olar, inşaAllah.

Ziyalı Türkiyə demək kommunizmə, faşizmə, vəhşi kapitalizmə qarşı Türkiyə deməkdir. Təhsilli, elmli bir adam necə darvinizmə, materializmə inansın, kommunist olsun?

Hər Marksist, Leninist ümumi mədəniyyətə çox əhəmiyyət verir və təbliğat edərkən onunla qarşısındakı insanı ovsunlayar, təsir edər. İnsanlar gecə-gündüz kitab oxuyur. Biz də gənclərimizi hər cür fəlsəfəyə qarşı hazırlayacaq, məlumatlandıracağıq.

Bir insan səmimi dərin düşünərək, başqalarının belə etməməsinə fikir vermədən, diqqətini, iradəsini açıq-aşkar ölüm həqiqətini dərk etməyə yönəltməlidir. Başqa insanlar fərqində olmaya bilərlər. Çünki Allah beynimizin içində bizə imtahan verərək insanları elə göstərir, bəlkə bir çoxu ölüdür.

Batini olaraq yanaşsaq insan qədərində olmayanı düşünə bilmir. Məsələn, düşüncəsindəki pərdələr açılır. "Dərin düşünərək bu hala gəldim" deyə fikirləşər, amma dərin düşündüyü saat, vaxt da müəyyəndir. Ondan artıq dərin düşünə bilməz.

Peyğəmbərimiz (s.ə.v) çox baxımlı, yaraşıqlı və qayğıkeş idi. Gözlərinə sürmə çəkir, tərtəmiz gül qoxurdu. Baxımlı olmaq gözəllikdir.