Adnan Oktar A9 TV; 23 may 2016

İslamı ağılla, dərin imanla anlatmaq olar. Peyğəmbərimiz (s.ə.v) universitet məzunu deyildi. Əlində təkcə Quran vardı. Çox səmimi imanlıydı, buna görə də, çox təsir göstərdi. İmanı və ağlı ilə təsir göstərdi.

İmam Mehdi (ə.s)-ın mədrəsə təhsili yoxdur. Bir alimə, hocaya bağlı deyil. İmanıyla, səmimiyyətiylə təsir göstərəcək.

Hazırda müsəlmanların etdiyi təbliğ üsulunda məlumat kafi deyil, mədəniyyət kafi deyil, müasirlik qəti kafi deyil. Bunlarla olmaz. Dərin iman, dərin səmimiyyət, dərin ağılla olar. Ən təsirlisi budur.

Allah bir ölkədə iman gətirən biri olduqda onu dərhal görər. Çünki Özü yaradır. Həmçinin hadisələr həmişə o insanın ətrafında ona görə meydana gələr. Allahın ən çox əhəmiyyət verdiyi dərin imandır, çox səy göstərmək deyil.

Dərin imanlı çox az sayı olan bir cəmiyyət olsa, İslam dünyaya dərhal hakim olar. Bütün məsələ dərin imandadır. Allah insanların səyindən asılı etmir, insanların imanından, səmimiyyətindən asılı edir.

Müsəlman son dərəcə həlim olmalıdır. Əziyyətə səbir edən, çətinliklərə səbir edən, acıya səbir edən olmalıdır. Zəiflik və kədərlənmə haqqul-yakin imanda olmaz.

Allah dərin imana baxar, Onu çox sevirmi, sevmirmi? Dərin imanla iman edirmi, etmirmi? Təkcə buna baxar. Bu varsa tamamdır, başqa şeyə ehtiyac yoxdur.

Münafiqlər Peyğəmbər (s.ə.v)-ə qarşı həmişə zəka ilə yaxınlaşmağa çalışdılar. Peyğəmbərimiz (s.ə.v) ağlıyla üstün gələrək onları hər dəfə rəzil-rüsvay etdi.

İnsanlarda ağıl az olub, zəka çox ola bilər. Dünyagörüşü, bilik çox olur, ətrafı, imkanları geniş olur. Lakin Allahı anlama və Allaha hörmət bəsləmə, Allahı sevmə gücü yüksək vicdan sahiblərində ola bilir.

Dünyanı bundan sonra “ağıl” idarə edəcək. Ağılsızların idarə etməsi bitəcək. Ağılsızlardan ibarət olan İngiltərə dərin dövlətinin fəlakəti gedəcək, ağıllılardan ibarət olan mehdiyyətə qəlbən bağlananlar gələcək.

Münafiq ayələrini oxuyarkən, qarşıdakı hər hansı qüvvə deyil də, özümüzün də münafiq ola biləcəyimizi düşünərək, ayələri özümüzə aid edərək, Allahdan qorxaraq özümüzü tərbiyə etməliyik. Münafiq onsuz da bu ayələrlə heç maraqlanmaz. O yeni oyunlar axtarar.

Dünyadakı çətinliklər güclü imanın və Allah sevgisinin göstərilməsi üçün lazımdır. Çətinliklərin nemət tərəfini görüb Allaha həmişə şükür etmək lazımdır. Hz. Musa (ə.s)-ın imtahanındakı çətinliklərin hər biri Allahın onu sevməsi üçün vəsilə oldu.

Allah sevgisi, məşəqqət, səbir, ruhu çox gözəlləşdirdiyi zaman, insan cənnətdə Allahın təcəllisini gördüyü üçün, Allahı sevdiyi üçün çox güclü zövq alır. Buna görə də, dünyadakı hər 5-10 dəqiqə belə təhsil baxımından çox əhəmiyyətlidir.

Hər şey Allah sevgisi ilə gözəldir. Allahın hədiyyəsi olduğunu düşündüyün zaman nemətlərdən zövq alınar.

Münafiqlər və dəccaliyyət çox təfsilatcıdır. Allah onları təfsilatın içində həlak edir, təfsilatın içində boğur. Müsəlman çox sadədir. Çünki hər şeyi Allaha buraxmışdır. Çox ağıllı yanaşar, təvəkküllə yanaşar. İşləri də həmişə rahat gedər, həmişə xeyirə nail olar.

İslamın sevgisi, mərhəməti aparıcı olacaq, müasirlik, keyfiyyət, incəsənət, demokratiya, dünyəvilik, gözəllik, Allah qorxusu, Allah sevgisi, bütün dinlərə hörmət hər yerə hakim olacaq, Türkiyə də aparıcı olacaq.

Quran ağlı ortaya çıxaran, məntiqli düşünməyi təmin edən, normal, Allahın bəyənəcəyi insan modelini meydana gətirən, cənnət tərbiyəsi verən, cənnətdə normal yaşamağı təmin edəcək olan həyat rəhbəridir.

Estetika, incəsənət, gözəllik və ehtişam Allah qorxusu və sevgisi ilə meydana gələr. Allahı çox sevən gözəllik üçün çox diqqətli olar.

Müsəlman Allahın ruhu ilə, Allah sevgisi və Allah qorxusu ilə sevər və nəticəsində də gözəl əxlaq, sevgi və ehtiras ruhuna sahib olar.

Mənim və dostlarımın şüarı dürüstlük, səmimiyyət, Allahdan qorxmaq, Allahı çox sevməkdir.

İnsan bilik sayəsində vəhşi insan ola bilər. Məsələn, kommunist, stalinist, terrorist ola bilir. Lakin sevgiylə belə olmur, sevgiylə insan olur. Allahdan qorxur, Allahı sevir, insanları sevir. Biliklə sevginin birləşdirdiyi vaxt, ortaya möhtəşəm bir şey çıxır.

Mömin həmişə dürüstlüklə, səmimiyyətlə, yaxşı niyyətlə, təvazökarlıq, məzlumluq və həlim xasiyyətlə, yəni həlimlik və itaətkarlıqla yaşayar. Münafiq tam əksidir. Üsyankar, asi və anarxist ruhludur.

Münafiqdə ən böyük qorxu gələcək qorxusudur. Hər cür pisliyi bunun üçün edər. Müsəlmanların yanından qaçmasının səbəbi də odur.

Münafiqlərlə əlaqədar ayələr möminə təsir edər. Bu insana təsir edirsə, o, münafiq ola bilməz. Lakin münafiq bu ayələrə gülər, bu ona heç təsir etməz. Vecinə də almaz, azğınlığı, şeytanlığı daha da artar. Təcavüzkarlığı, kini daha da artar.

Münafiq müsəlmanların yanında müvəqqəti qalar. Özünü təhlükəsizlikdə hiss etməz. Çünki müsəlmanlara düşmən olduğu üçün, kinli olduğu üçün, nifrət etdiyi üçün müsəlmanlardan özünü təhlükəsizlikdə hiss etməz. Küfrdə özünə yer axtarar.