Adnan Oktar A9 TV; 1 mart 2018

Afrində şəhid olan 8 igidimizin şəhadətləri mübarək olsun. Allah ailələrinə xeyirli, uzun ömür nəsib etsin. Nə xoşbəxt onlara. Allah ən gözəl məqamı qədərlərində təqdir etmiş. Qazilərimizə tez şəfalar arzu edirik.

Ailələrin bir qismi uşaqlarına sevgi öyrətmir. Uşağın ən böyük ehtiyacı sevgidir. Uşaq sevgini bütün detallarıyla, necə yaşaya biləcəyini bilməlidir. Nə Allah sevgisi öyrədirlər, nə də Allahın yaratdıqlarını sevməyi öyrədirlər. Bu Axırzamanın faciələrindən biridir.

Allah qorxusu, Allahın sevgisini itirmək narahatlığıdır. Bu, sevginin və ağılın təməli olan qorxudur. Allah qorxusuyla sevgi çoxalır. Mömin Allahdan gələn hər şeyə həmişə razıdır və zövqlə qarşılayar. Möminin duyduğu qorxu əzab qorxusu deyil, bu qədər çox sevən və nemət verən Allahın sevgisini itirmə ehtimalıdır.

Biz cənnətlə iç-içə yaşayırıq. Aramızda sonsuz incə bir zər var kimi düşünün, iç-içəyik. Allah Qatında məkan yoxdur. Məkan insan üçün yaradılır. Allah zaman və məkanın üzərindədir.

Cənnət dünyaya çox oxşayır, amma yeni yuxu şəkli kimidir. Məntiq hörgüsü tamamilə dəyişir, ancaq o məntiq bizə çox məqbul gələcək. Yuxuya necə ki heyrətlənmirik, cənnətdə də heç bir şeyə heyrətlənməyəcəyik. Evlər, bağlar, bazarlar hər sevdiyi şey cənnətdə də olacaq. Cənnətin ən böyük zövqü isə Allah sevgisi olacaq.

Düşüncə tənbəli olan insan ağıllı ola bilməz, dərin düşünə bilməz, belə olduqda da nəşəsi, sevinci gedər, mühakimə qabiliyyəti pozular. Allah ilə həmişə kəskin yaxınlıq və sevgi bağını mühafizə etmək və Allaha həmişə güvənmək, ağılda istiqaməti tam doğru tutdurmağa imkan verir. İnsan o zaman düz, sağlam yolda gedər. Amma bu yolda gedərkən təbii ki, imtahan olacaq. İnsanlar Allahı sevəndə və güvənəndə heç bir çətinliklə qarşılaşmayacaqlarını düşünürlər. Bu doğru olmaz. Allahı sevmək demək çətinliyin aradan qalxması demək deyil. Ən çətin mühitlərdə Peyğəmbərlər olur. Məsələn, Hz. Həmzəni Allah çox sevir amma şəhid olaraq alır, Hz. Əlini də Allah çox sevir amma onu da şəhid olaraq alır. Möminin qarşısına mütləq çətinliklər çıxacaq, imtahanın şərti budur.

Hadisələrə və ya şəxslərə mənlik vermək, sanki özlərinə aid gücləri varmış kimi düşünmək həm şirk, həm də Allaha qarşı zalımca rəftar olar. Hər hadisəni Allah yaradar, hər hadisə Allahın nəzarəti altındadır. Allah istəmədən heç bir hadisə reallaşmaz.

Allah duanın, səmimi, insanın özünün eşidəcəyi səslə için-için və ixlasla olmasının lazım olduğunu Quranda bildirmişdir.

Allah müsəlmanlara sevginin tam yaşama zəminini təqdim etmişdir. Küfr əhlində də sevginin tam yaşama zəminini əllərindən alır Allah. Sevginin yaşanması üçün lazım olan çox şərt vardır. Ən başda insanın Allahı çox sevməsi, Allahdan çox qorxması lazımdır. Eqoist olmaması, səmimi, vəfalı, təmiz, bağışlayan olması lazımdır. Bu cür onlarla şərt həqiqi sevginin yaranması və yaşanması üçün zəruridir. Bu şərtlərdən təkcə biri çatışmadıqda belə sevgidə ciddi sarsıntı yaranar. Küfr əhlində isə bu şərtlərin demək olar ki, hamısında əksiklik olduğu üçün, küfr əhlində sevgi ölü doğar.

Allah Özünü unudan insanlara az və ya çox sıxıntılar verərək Özünü xatırladar. Allah insanı mütləq müəyyən yolla Özünə yaxınlaşdırar. Bu, Allahın gözəl nemətidir.

Allah qorxusu hörməti təmin edər. Hörmət olmadan sevgi olmaz. Allah qorxusu və Allah sevgisi iç-içədir. Allah qorxusunun içində olan ən güclü duyğu Allaha qarşı xəcalətli olmamaq istəyidir.

Allahın dünyada çox sayda qadın yaratması Allahın möminlərə rəhməti, bərəkəti, lütfüdür. İnsanların yarısının qadın olması Allahdan çox böyük nemətdir. Qadın Allahın ən görkəmli, ən həyəcan verici nemətidir. Allahın ən gözəl təcəllisidir. Allahın Rəhman, Rəhim, Nur və Cəlal adlarının təcəllisidir. Qadın quzu kimi tərtəmizdir. Çox nəzakətli, nazənin varlıqdır. Qadını hər zaman şəfqətlə, mərhəmətlə, hörmətlə dəyərləndirmək lazımdır. Qadın eşqin, ehtirasın qapısıdır. Eşqi ən mükəmməl şəkildə yaşayacağımız, Allahın verdiyi mükəmməl nemətdir. Qadın Allahın təcəllisi olaraq sevilər. Qadını sevmək, qadına heyran olmaq Allahı sevmək, Allaha heyran olmaqdır.

Allahın kafir yaratması, münafiq yaratması, müşrik yaratması möcüzədir. Tarix boyu bütün münafiqlərin eyni əlamətlərə malik olması möcüzədir. Peyğəmbərimiz (s.ə.v) dövründəki münafiqlərə baxırıq, Axırzaman münafiqləri ilə namərdliklərinin, tipsizliklərinin, oğurluqlarının, alçaqlıqlarının həmişə eyni olduğunu görürük.

Allahın sənəti, Allahı dərk etmək üçün çox güclüdür. Kökü görünməyən bir naringi ağacının ən üst budaqlarına qədər bütün yarpaqları qidalandırması, qaranlıq torpağın içindən vitamini suyu tapması, tək-tək naringi tumlarını yaratması böyük sənətdir. Sadəcə bunu görən insan dərhal Allaha üz tutar. Bu qədər təfərrüatlı sənəti olan Allahı haşa əhəmiyyətsiz kimi görmək insanlar üzərindəki şeytanın təsirindən irəli gəlir. Yolun kənarındakı bir çiçək, pişik, möminlər, münafiqlər, kafirlər, Allah dünyada hər təfərrüatda min cürə fərqlilik yaradır.

Maddiyyatın xoşbəxtliklə əlaqəsi yoxdur demək, səmimi olmaz. Mömin Allah rizası üçün yaşayar, maddi imkanları vardırsa bunu da Allah üçün xərcləyər. Bu da gözəl xoşbəxtlik səbəbidir. Ehtiyac içində olanlara yardım etmək, sevdiklərini xoşbəxt etmək, gözəllik yaratmaq üçün maddiyyatdan istifadə edər. Bu mənada maddiyyatın xoşbəxtliklə əlaqəsi vardır.

Şərqi Qutada körpələr aclıqdan ölür. Prioritet Şərqi Qutaya qida, dərman və əsas insani vəsait üçün yardım dəhlizi açılması olsun. Tayyib hocamdan da xahiş edirik. Şərqi Qutaya yardım üçün Türkiyə öncülük etsin.

Universitet tələbələrinə cibxərcliyi vermək adət halına gəlsin. Hər yardım bərəkət gətirər. Nəzakətlə universitetli gənclərə mütləq hər kəs cibxərcliyi versin, dəstək olsun.

İnsanların bir hissəsi Allah ilə əlaqəsini kəsdiyi üçün əsəbiləşər, ümidsizliyə qapılar və ya duyğusal hərəkət edər. Hər zaman imanla, ağılla Allah ilə əlaqəli halda olduğun zaman isə hər hansı duyğusal sarsıntı olmaz.

Allaha yaxın olmaq, kef çəkmək və asanlıq içində yaşamaq mənasını verməz. Allah Özünə yaxın olanı əziyyətlə, çətinliklə tərbiyə edər.

Xəstəliklər Allaha yaxınlaşmağa vəsilə olduğu üçün nemətdir.

2023-ci ildə Allahın izni ilə, Türkiyə və İslam aləmi çox aydınlıq dövrə girmiş olacaq.

Afrin hərəkatı haqqında çıxarılan yalan xəbərlərə kimsə etibar etməsin. Türkiyə mülki şəxslərin qorunması mövzusunda çox həssas olduğu üçün son dərəcə diqqətli və təmkinli irəliləyir. Türk Ordusu mərhəmətli və vicdanlıdır. Əsgər şəhid sayını çox göstərmək istəyənlər də bəzi provokatorlar olur. Bu dövrdə ediləcək ən doğru şey milli liderin ətrafında birləşməkdir. Millət olaraq Tayyib hocamın və Ordumuzun yanındayıq evelAllah. Vətən torpağını dəccala təslim etmərik. İngilis dərin dövləti və yanındakılar bunu yaxşıca anlasınlar.

Afrində gecəli gündüzlü dinamikdən antikommunist təbliğatlar aparılsın. Küçə-küçə kommunizmin keçərsizliyi, necə təzyiq və qorxu rejimi olduğu anladılsın. Dinə, ailəyə, əxlaqa qarşı quruluş olduğu anladılsın. Türkiyənin hədəfinin yalnız kommunist PKK olduğunu, o vətənin orada yaşayan xalqa aid olduğunu, lakin kommunist işğal istəmədiyimizi, vətənlərində xoşbəxt və dinc yaşamalarını istədiyimizi, Türkiyənin demokratik ölkə olduğunu dinamikdən həmişə bütün küçələrdə izah edək. Vətəndaş xalqın bölgədən çıxa bilməsi üçün humanitar dəhlizlər da meydana gətirək. Türkiyənin oraya daxil olma məqsədi PKK-nın təslim olmasıdır. Silahlarını buraxıb təslim olsalar gəlib Türk dövlətinə təslim olsunlar. Amma əlində silah olana vətəndaş rəftarı edilməsi mümkün olmaz. Hal-hazırda PKK ilə mübarizə boyunca vətəndaş xalq bölgədən çıxsın, PKK təmizləndikdən sonra xalq yenidən evlərinə qayıdar. Biz sərhəddə terrorçuları istəmirik. PKK, YPG, İŞİD, Əl-Qaidə, heç bir terror təşkilatını istəmirik. Biz Kürdləri canımız kimi sevirik, birlikdə çox gözəl hüzur, sevinc, sevgi içində yaşayacağıq. Lakin kommunist ideologiyasını, kommunist terrorizmini istəmirik. Afrində kürdlərin, ərəblərin və türklərin öz torpaqlarında sülh içində yaşamalarını istəyirik.

Ağıl olmadan sırf ağıllı olmaq faciəyə səbəb olar. Münafiqlər çox zəkalı amma çox axmaqdırlar. Şeytani zəkaları vardır, ancaq ultra axmaqdırlar.

Ağılın mənşəyi, hər cür çətinliyə qarşı sevgidən yana olmaqdır. Ən kiçik mənfəətinə zidd olduqda vəhşiləşən insan, sevgini davam etdirə bilməz. Sevgi az insana verilən, əmək tələb edən nemətdir.