Adnan Oktar A9 TV; 6 avqust 2017

İngiltərə dərin dövləti mehdiyyət və məsihiyyət məsələlərinin izah edilməsindən çox narahat olur və öz aləmində bu həqiqətləri gizlətməyə çalışır.

Möminə Quran kifayət edər. Mömin Quranla, Allah sevgisi və Allah qorxusu ilə çox sabit, gözəl, keyfiyyətli həyat yaşayar.

Ənənəçi ortodoks anlayışında qadın potensial təhlükə və döyüləbilən varlıq kimi görünür. Bunun nəticəsi qadına zorakılıq olur. Darvinist düşüncə də qadını alçaldır və bir növ heyvan kimi görür. Qadını yarımçıq məxluq kimi görən çirkin zehniyyət dünyaya hakimdir.

Ölümü heç düşünməmək, dini unutmaq bəzi insanların Allahı unudaraq yaşamalarına səbəb olur.

Dürüst və sevgi dolu olana Allah kömək edər. Sevgisiz və çox paxıl olanı Allah daha da pis vəziyyətə salar.

Uşaqlar üçün məktəb sanki kabus kimi olur. Gənclərin məktəbi sevmələri üçün təhsilin məqsədini onlara yaxşı izah etmək lazımdır. Təhsillə birlikdə keyfiyyət, gözəllik, ədəb, mədəniyyət qazanacaqsan deyə gənclərə izah edilsə sevə-sevə məktəbə gedərlər. Təhsildə filmlərdən daha çox istifadə edilməlidir. Xüsusən bütün tarix dərsləri filmlə izah edilə bilər, əzbərçiliyə əsaslanan sistem olmamalıdır.

Süleymanlı qardaşlarımız Allah üçün, din üçün gecə-gündüz səy göstərən səmimi insandırlar. Allah xidmətlərindən razı olsun.

Allahı coşğu ilə sevənə, Allaha səmimi olana, Allahdan hörmətlə qorxana, Allah ən gözəl sevgini yaşadar. O sevgi ən möhkəm təmələ sahibdir.

Hər şeyi Allah yaradar. Mən taleyə bağlanmış, ona görə hərəkət edən, Allah məni hara aparsa təslim olmuş halda ora gedən bir insanam. Taleyə təslim olan insan üçün yorucu heç nə olmaz. Allaha tam təslim olan həmişə xeyirli limanlara və gözəlliklərə gedər.

Allah ilə hər an yüksək konsentrasiyada, dərin könül bağı ilə əlaqədə olmaq lazımdır.

Allah səmimi qullarını Öz qorxusundan başqa bütün qorxulardan qorusun.

Tayyib hocam İslam aləminin birləşməsi üçün gözəl səy göstərir, Allah səyini məqbul etsin.

İnsanların bir hissəsi Allah ilə əlaqəsini kəsdiyi üçün əsəbiləşər, ümidsizliyə qapılar və ya duyğusal hərəkət edər. Hər zaman imanla, ağılla Allah ilə əlaqəli halda olduğun zaman isə hər hansı duyğusal sarsıntı olmaz.

Qurana çox möhkəm sarılan insanın zehnində heç bir çaşqınlıq olmaz. Allahı tərk etdiyin an zehin çaşqınlığı başlayar, Allah qorusun.

Bir insan Allah ilə əlaqəsini kəsib özünü idarə etməyə başlasa bununla heç cür bacara bilməz. Beyni onu məhv edər. Allaha bağlanan beyin isə heç vaxt sarsılmadan dümdüz yoluna davam edər.

Demək olar ki, heç bir ölkədə "təkamül nəzəriyyəsi elmi deyil, kainatı Allah yaratdı" deyilə bilmir. Adı qoyulmamış darvinist diktatorluq var.

Allahı sevərək Allahdan şübhə etmədən səmimi olaraq Quranı oxuyana Allah Quranı açar. Quran o zaman min bir rəngi ilə özünü göstərər.

Mənim ən xoşbəxt olduğum an Allah ilə sıx əlaqədə olduğum zamandır. Allah ilə yaxınlıq insanı xoşbəxt edər, digərləri gəlib keçicidir.

Peyğəmbərimiz (s.ə.v) bir an belə özü üçün yaşamamışdır. Həyatın bütün yönlərindən çəkilərək hər anında təkcə Allah üçün yaşamışdır.

Bütün ürəklər Allahın nəzarətindədir. Allah hər an insanlara yaxşını da, pislikdən çəkinməyi də ilham edər.

İnsanların yaradılma məqsədi sevgidir. Allah insanlardan səmimi sevgi istəyir. Süni sevgi çox böyük səmimiyyətsizlik olar. Allahı çətin vəziyyətdə sevmək əhəmiyyətlidir. Qolunu itirir sevir, evini itirir sevir, xəstə olur sevir, məhz həqiqi sevgi budur.

Həqiqi hidayətə qovuşan insan üçün həyat nəfis gözəl olar və o insan sonsuzdur.

Yaxşılığa və nemətə sevgi ilə qarşılıq vermək asandır. Allahın bizdən istədiyi çətinlik və sıxıntı vaxtı könüldən sevməkdir.

Atatürk millətçiliyi əsla irqçi millətçilik deyil, genetik quruluşa əsaslanmır. Mədəni millətçiliyidir.

Bütün bilgi Allaha məxsusdur. Alim olan Allahdır, insan cahildir.