Adnan Oktar A9 TV; 10 avqust 2017

Təvəkkül etməyən, taleyi və Allahın gücünü unudan, özünü bütləşdirən insan gücünü itirər.

Allahı sevən, Allahdan qorxan insan sevdiyinə qıya bilməz. Onun əhvali-ruhiyyəsini korlamaqdan, narahat etməkdən şiddətli dərəcədə qaçar.

Bir insan Allah ilə əlaqəsini kəsib özünü idarə etməyə başlasa bununla heç cür bacara bilməz. Beyni onu məhv edər. Allaha bağlanan beyin isə heç vaxt sarsılmadan dümdüz yoluna davam edər.

İnsanların bir hissəsi Allah ilə əlaqəsini kəsdiyi üçün əsəbiləşər, ümidsizliyə qapılar və ya duyğusal hərəkət edər. Hər zaman imanla, ağılla Allah ilə əlaqəli halda olduğun zaman isə hər hansı duyğusal sarsıntı olmaz.

Allah ilə hər an yüksək konsentrasiyada, dərin könül bağı ilə əlaqədə olmaq lazımdır.

Hər şeyi Allah yaradar. Mən taleyə bağlanmış, ona görə hərəkət edən, Allah məni hara aparsa təslim olmuş halda ora gedən bir insanam. Taleyə təslim olan insan üçün yorucu heç nə olmaz. Allaha tam təslim olan həmişə xeyirli limanlara və gözəlliklərə gedər.

Çətinliyi əzab kimi görməmək lazımdır. Allaha təvəkkül etməklə çətinliklərin nemət tərəfini görmək əhəmiyyətlidir. Çətinliklər insanın ruhunu gözəlləşdirər. Çətinliklər sayəsində insan sevgiyə daha açıq hala gələr, dərinlik qazanar.

Ölümü heç düşünməmək, dini unutmaq bəzi insanların Allahı unudaraq yaşamalarına səbəb olur.

Eqoist insan nə vaxtsa mütləq qarşı tərəfə zərər verəcək bir şey edər. Eqoist insanın nə zaman vuracağı bəlli olmaz.

Nə edəcəyi bəlli olmayan insan dünyadakı ən təhlükəli varlıqdır. Səmimi iman edən, özü kimi olan, Allahdan qorxan insan etibarlıdır.

İnsan üçün ən mühüm məsələ Allahı hər an yadda saxlamaqdır. Allah ilə əlaqənin kəsilməsi fəlakətin başlanğıcıdır. Əlaqədə bir an belə kəsilmə olmamalıdır. Allah ilə əlaqənin bulanıqlaşması belə fəlakətdir. Allah ilə həmişə olduqca konkret və iti əlaqə olmalıdır.

İngiltərə dərin dövləti mehdiyyət və məsihiyyət məsələlərinin izah edilməsindən çox narahat olur və öz aləmində bu həqiqətləri gizlətməyə çalışır.

Ənənəçi ortodoks anlayışında qadın potensial təhlükə və döyüləbilən varlıq kimi görünür. Bunun nəticəsi qadına zorakılıq olur. Darvinist düşüncə də qadını alçaldır və bir növ heyvan kimi görür. Qadını yarımçıq məxluq kimi görən çirkin zehniyyət dünyaya hakimdir.

Demək olar ki, heç bir ölkədə "təkamül nəzəriyyəsi elmi deyil, kainatı Allah yaratdı" deyilə bilmir. Adı qoyulmamış darvinist diktatorluq var.

Allahı sevərək Allahdan şübhə etmədən səmimi olaraq Quranı oxuyana Allah Quranı açar. Quran o zaman min bir rəngi ilə özünü göstərər.

Mənim ən xoşbəxt olduğum an Allah ilə sıx əlaqədə olduğum zamandır. Allah ilə yaxınlıq insanı xoşbəxt edər, digərləri gəlib keçicidir.

Peyğəmbərimiz (s.ə.v) bir an belə özü üçün yaşamamışdır. Həyatın bütün yönlərindən çəkilərək hər anında təkcə Allah üçün yaşamışdır.

Bütün ürəklər Allahın nəzarətindədir. Allah hər an insanlara yaxşını da, pislikdən çəkinməyi də ilham edər.

Atatürk Qiyamətə qədər qəlbimizdə olacaq. Müasir İslam qiyamətə qədər keçərlidir. Mövhumatçıların Atatürk əleyhinə olması xəstəliklərindən biridir.

Gənclər mövcud sevgisizlikdən ötrü ümidsizliyə qapılmasınlar. Qısa müddət sonra ictimai ədalətin, sevginin olduğu bir dünya görəcəklər.

Dini təbliğ etmək qarşılığında ödəniş almaq Allahın haram etdiyi haldır, lakin Axırzamanda bu vəziyyət çox geniş yayılıb.

Ateistlər heç vaxt çəkinməsin, küçədə məni gördükləri zaman da yanıma gəlsinlər. Səmimi olaraq düşüncələrini ifadə etmələrinə hörmət edirəm.

Vəfa, müsəlmanın ən gözəl xüsusiyyətidir. 25-30 illik qız dostlarım var, vəfadan əsla imtina etmərəm. Vəfasızlığı əsla istəmərəm.

Sevgisizliyin, təkliyin, dost tapa bilməməyin geniş yayılması mehdiyyətin tək həll yolu olduğunu göstərən vəziyyətdir.

Xətalar müsəlmanı daha da təşviq edər, daha da çalışqan hala gətirər.