Adnan Oktar A9 TV; 6 iyul 2013

İslamı fanatikləşdirmək olmaz. Dünyanın heç bir ölkəsi belə İslam anlayışını qəbul etməz. Qatı dinçiliklə dünya hüzur içində olmaz, rahat yaşaya bilməzsiniz. Qurandakı İslam, Qurana uyğun bir həyatla rahat yaşamağı təmin edir.

Qatı dinçilik heç bir yerdə iqtidar olmaz. Qatı dinçilikdən imtina etməlidirlər. Mehdiyyət, Quran, sevgi, şəfqət, mərhəmət cəhətləri ilə İslam anlayışını Allah həmişə qoruyub, dəstəkləyər.

Misirdə bir tərəfdə müsəlman, imanlı insanlar var, bir tərəfdə də yenə iman edən, amma qatı dinçilikdən çəkinən insanlar var. Hər iki tərəfi Mehdi (ə.s) birləşdirəcək. Çünki mehdiyyət müasir, mehriban, dinc, gözəl bir İslam anlayışını ortaya qoyur. Mehdiyyət hər iki tərəfin qəbul edəcəyi sistemi ortaya qoyan insan və inancdır.

Misirin ən böyük əksikliklərindən biri Mehdi (ə.s)-dan heç bəhs etməmələridir. Allah Mehdi (ə.s)-dan bəhs edənə bərəkət verir.

Mursi Misirdə koalisiya hökuməti qurmağı təklif etsin. Bütün fikirlərlə əməkdaşlıq etsin. Müasir və bütün insanları razı salacaq bir siyasət çox yaxşı olar.

İhvan canımızdır, "Quran yetərli" deyərək sevgi dolu və səmimi olsa düşdüyü vəziyyətdən xilas ola bilər.

Mən İslamın fanatı olmağın tərəfdarı deyiləm. Avropa düşüncəsi ilə yanaşdıqda, səhabələrin yaşadığı, cənnət mənasında bir İslam anlayışını müdafiə edirəm. Dünya cənnətə bənzəməlidir. Cəhənnəmə bənzəyirsə, demək ki, nəsə düz deyil.

Din azadlıq, sevgi, gözəllik, sülh, sənət, estetika, cənnət kimi dünya deməkdir.

Quranın yetərli olmasına inansan xurafat, qatı dinçilik də aradan qalxar. Quranın yetərli olduğunu qəbul etsən şiəni, ələvini, vəhhabini də sevərsən. Hamısını canından olan kimi qəbul edərsən. Çadralı xanımları da, başı açıq xanımları, dekoltə geyinən xanımları da başımızın tacı etməli, hörmətlə yanaşıb sevgi göstərməliyik. Onları narahat etmək olmaz.

Misirdə müsəlmanlar zülm içindədirlər. Biz, təbii ki, onları xilas etmək üçün çıxış yolları axtarırıq.

Misirdə ilk atılacaq addım Mursinin dərhal sərbəst buraxılmasıdır. Mursi idarəçiliyi ilə Misirdə müşavirə şurası qurub seçkilərə qədər Misiri ortaq ruhla idarə edə bilərlər.

İhvan nifrəti qətiyyən qəbul etməsin. Məhəbbətlə, sevgi ilə davranmağı hədəfə alsalar çox gözəl olar.

İnsanlara qatı dinçiliyin vəhşi nəticələrini “İslam budur” kimi tanıtmaq zülmdür.

Hər şeyin ən gözəli, ən şirini, ən müsbəti, doğru olanı― din budur. Hər şeyin ən yaxşısı nədirsə din odur. Gözəl söz, paltar, danışmaq, gözəl yeməklər, evlər, küçələr, çiçəklər, gözəl xanımlar… Hər şeyin gözəlidir, maşaAllah.

Qatı dinçiliklə İslam fərqli-fərqli anlayışlardır. Qatı dinçilik İslamı yox etmək üçün şeytan tərəfindən ortaya çıxarılmış zülm sistemidir. Müşrik qadınlar və müşrik kişilərdən ibarət olan bir birlikdir. Qurana tabe olan "Quran müsəlmanı" həqiqi müsəlmandır.

İslam aləmində yaşanan problemlərə Türkiyə tək başına heçnə edə bilməz. Bütün müsəlmanlar tezliklə birləşməlidir. Birdəfəlik həll darvinizmin elmi olaraq yox edilməsi və İslam Birliyidir.

Müsəlman Qardaşlar (İhvan) tək Misirin qurtuluşunu deyil, bütün İslam aləminin qurtuluşunu istəməlidirlər.

Məsələnin kökdən həlli Allahın şəfqət və mərhəmət anlayışının dünyaya hakim olmasıdır. Bu müsəlmanların birləşməsi ilə mümkündür.

Bizim üslubumuz tək Misirdəki və ya Suriyadakı, Fələstindəki ağrı-acıların deyil, bütün İslam aləmindəki ağrıların sona çatmasına istiqamətlidir.

Türkiyə İslam və Türklük aləminin mərkəzidir. Türkiyə böyük və güclü olsa bərəkəti hər yerə çatar.

Bərat qəndili bütün İslam aləminə mübarək olsun. Allah bütün müsəlmanlara hakkəl-yakin iman, peyğəmbər imanı versin. Mehdiyyətin qərarı, İslam Birliyinin qərarı, inşaAllah, bu gecə verilər.

Misir müşavirə ilə hərəkət etsə, şəfqəti, sevgini ön plana çəkib müasir İslam anlayışını, səhabə İslam anlayışını ön plana alsa, sənəti, elmi, estetikanı, demokratiyanı ön plana çıxartsa, Misirdə vəziyyət çox gözəl olar.

İsraili dəstəkləmək Quran əxlaqından irəli gəlir. Çünki Qurana əsasən İsrail orada olacaq. Ayədə bildirilir, onların vətəni oradır.

Misirdə də "seçki ilə gəldim, istədiyimi edərəm" demək düzgün deyil. Bütün xalqın istəklərini yerinə yetirmək lazımdır. Kommunistdirsə, onun haqlarını müdafiə etmək, dindarsa, onun haqlarını müdafiə etmək, yəhudidirsə onun haqlarını müdafiə etmək, hər kəsi qoruyub, hörmət etmək lazımdır. Hökumətin vəzifəsi də budur.

Qurandan kənara çıxmaq olmaz. Haşa, Allahın Kitabına yetərsiz desən xoş olmaz. Allah “yetərli” deyir, sən isə "yetərsiz" deyirsən. Allah "hər şeyi açıq-aşkar bildirdim" deyir. Sən isə "heç bir şey açıqlanmamışdır, yarımçıqdır" deyirsən. Allahın Kitabına meydan oxuyursan, haşa. Allahın Kitabına meydan oxusan Allaha meydan oxumuş sayılırsan, haşa.