Adnan Oktar A9 TV; 29 oktyabr 2016

Quranda mehdiyyət var. Zülqərneyn hekayəsində açıqca Mehdidən bəhs edilir, mehdiyyətə, yəni dünya hakimiyyətinə işarə var. Nur surəsinin 55-ci ayəsində açıq-aydın mehdiyyətdən bəhs edilir, dünya hakimiyyətinə işarə var. Talut-Calut hekayəsində də mehdiyyətə işarə var. O dövrdə Peyğəmbər var, lakin Talut Peyğəmbər deyildir, komandanlıq edir, yəni xilaskardır.

Peyğəmbər varkən Allah Məlik göndərmişdir, insanlar bu Məliyə tabe olmuşdur. Talut və Zülqərneyn Mehdidir, yəni xilaskardır, peyğəmbər deyil.

Zülqərneyn də, Talut da qarşılıq istəməyən Mehdilərdir. Allah Yasin surəsi, 21-ci ayədə: "(Təbliğləri müqabilində) sizdən qarşılıq istəməyənlərə tabe olun. Həmçinin onlar, mehdilərdir (hidayətə nail olmuş və hidayətə nail edənlərdir)" deyə buyurmuşdur.

Zülqərneyn hekayəsində də başdan sona qədər mehdiyyət və İslam əxlaqının dünya hakimiyyətindən bəhs edilir.

Zülqərneyn hekayəsində keçən “möhkəm iqtidar” ifadəsi Nur surəsinin 55-ci ayəsində də keçir. Mehdiyyətin dünya hakimiyyətindən bəhs edir.

Allah hz. Süleymana da dünya hakimiyyəti verdi, lakin çox sevdiyi bir peyğəmbər olan Əfəndimiz (s.ə.v)-ə hakimiyyət vermədi. Zülqərneyn də peyğəmbər deyil, lakin Allah Rəsulullah (s.ə.v)-ə nəsib etmədiyi dünya hakimiyyətini ona vermişdi.

İslam əxlaqının hakimiyyəti də batini elmlə reallaşacaq. Quranda bir çox hekayədə batini elmə işarə var.

Türkiyədə yaşanan böyük hadisələrin hamısı Ledun elmi içində reallaşır, hamısı batini elmin tələbi olaraq yaşanır.

Mehdi eynilə Zülqərneyn və Süleyman kimi dünyaya hökm edəcək. (El Kavlul Muhtasar Fi Alamatil Mehdiy-il Muntazar, səh. 29)

Zülqərneyn hekayəsində Axırzamanı və mehdiyyəti izah edən məlumatlar var. Allah Zülqərneynə də dünya hakimiyyəti vermişdir.

Zülqərneyn o hekayədə izah edilən şəxsin xüsusiyyətidir, adı deyildir. Zülqərneyn iki cəhətli, iki tərəfli deməkdir. Bu hekayədə mehdiyyətdən bəhs edilir.

Zülqərneyn həm ikiölçülü (maddi-mənəvi) mənasını, həm də iki əsrə hökm edə bilən mənasını verər.

“Zü”, sahib və malik mənaları daşıyar. “Qarn” isə, əsr mənalarına da gələr. Zülqərneyn sahibüzzaman mənasına da gəlir.

Ledün elmi fövqəladə hadisələrə qarşı möminləri qorumanın strategiyasıdır. Mehdi də ledün elminin ustadıdır.

Xəstəlik xüsusi yaradılar. Sağlamlıq da, xəstəlik də Allahın sənətidir. Xəstəlik qarşısında mömin təvəkküllüdür. Xəstəlik insanın təkəbbür hərisliyini, özündən razılığını və dünyaya aludə olub Allahı unutma təhlükəsini aradan qaldırar. Xəstəlik Allahın ledün sənəti içində gözəllikdir, cənnətə vəsilə olar.

Dünyada reallaşan hər hadisə Allahın təqdiri ilə reallaşar. Fironu da, Nəmrudu da yaradan Allahdır. Bunda ledun elmi gizlənibdir.

Allah hər şeyi ledün elmi ilə, hikmətlə və xeyirlə yaradır. Əzabların, problemlərin olmasının da bir çox xeyri və hikməti var.

Allahın ledün elmini çox insan bilməz. Allah yaxşıları mütləq bir yerə gətirər. Möminləri mütləq hüzur və bərəkət içində yaşadar. Münafiqləri və əxlaqsızları da mütləq süründürər, alçaldar. Bunlar Allahın bilinməyən, hiss etdirmədən reallaşdırdığı qanunlarıdır.

Ledün elmini cahil insanlar anlaya bilməzlər. İki cür ledün elmi var, birincisi həyata keçən forması var. Məsələn, xəstəliyə düçar olar. Zahirdə sənə zərər gəlmiş kimi görünər, batində cənnətə qovuşmağın üçün nemətdir. Bu ledün elmidir. İkinci ledün elmi isə vəhyə əsaslanır. Bu təkcə Xızıra, mələklərə, peyğəmbərlərə verilən elm formasıdır. Bu insanlara verilməz. Mehdinin özünü gizlətməsi də ledün elmidir.

Dəccaliyyət insanların hamısına birdən hücum edərək və hücumun əhatəsini getdikcə artıraraq insanları Allaha yönəlməyə məcbur edər. Ledün yönü ilə Dəccaliyyət də Allaha xidmət edir. Amma biz Haqq tərəfdarı olaraq, Mehdiyyət qabaqcılı olaraq ledün yönünə görə deyil, zahiri istiqamətinə görə hərəkət etməklə və Dəccaliyyətlə var gücümüzlə elmi olaraq mübarizə aparmaqla məsuluq.

Bədiüzzaman Türkiyədə dini, dinin həqiqətini təkmilləşdirdi, Atatürk də xurafatçılığı təmizlədi. Türkiyə bu iki dəyərli şəxs tərəfindən hal-hazırki gözəlliyə qovuşmuşdur. Birincisi Atatürk, ikincisi isə Bədiüzzamandır. Bir-birlərinə zidd kimi görünmələri leduni bir elmdir. Onu hər kəs başa düşə bilməz. Bir-birinə zidd kimi görünməsi, onun üsuludur.

Çətinliklərin möminlər üzərindəki təsiri kafirlər üzərindəki təsirinin tam əksidir. Bu təsir kafirləri bilavasitə çökdürdüyü halda, möminləri də bilavasitə mükəmməlləşdirər. Bu Allahın gizli bir elmidir, Onun ledün elmidir, diqqətlə baxmayan bunu görməz. İmanın nuruyla baxan görər.

Yəcuc və Məcuc Axırzamanda dünyanı bir-birinə qatacaq. Mehdi (ə.s) hz. Zülqərneyn kimi bir sədd çəkib, firavanlıq, əmin-amanlıq və dincliyin hakim olduğu bir mühit yaradacaq.

Quranın zahirindən hər kəs istifadə edir, amma ledün qismini, Hurufu Mukattanın açar sirlərini heç kim bilmir. Amma hal-hazırda dünyada bilən bir mütəxəssisi var.

Müsəlman elm, irfan, hidayət, gözəllik verilənlərin yoluna yönəldilmək üçün dua edər, qəzəbə uğramışların, azmışlarınkına deyil.