Adnan Oktar A9 TV; 7 dekabr 2014

Tayyib hocam Mehdi (ə.s)-a zəmin hazırlayan bir insandır. Mənim qənaətimə görə, mehdiyyət dövründə də prezident vəzifəsində qalmağa davam edəcək. Çünki ideal bir idarəçi, ideal bir insandır. Buradan, baş nazirin də mehdiyyət dövründə baş nazirlik vəzifəsində qalmağa davam edəcəyi aydın olur. Yəni mən belə hiss edirəm. Çünki çox qabiliyyətli, çox alicənab, etibarlı bir insandır.

Moşiyahın, Mehdi (ə.s)-ın zühurunu bütün İslam aləmi, bütün yəhudilər qəbul edəcəklər. Xristianlar da qəbul edəcək və fövqəladə sülh və qardaşlıq mühiti hakim olacaq. Amma Allahla olan əlaqə çox əhəmiyyətlidir. İnsanlar Allahla olan əlaqələrini kəsdikdə, dünya yaşanmalı yer olmaz.

Əgər din əhəmiyyətli görünməzsə, Moşiyah əhəmiyyətli görünməzsə, Allah da nə demək istədiyini insanlara zorakılıq göstərərək başa salar. Amma insanlar Allahın dediyini səmimi surətdə başa düşərlərsə, Allaha etibar edərlərsə, Moşiyahına, yəni Mehdisinə etibar edərlərsə xoşbəxtlik və dinclik hakim olar.

Allah Moşiyahın zühur etməsini istəyir. Mehdi (ə.s)-ın zühur etməsini istəyir. Bu Tövratda çox əhəmiyyətli bir məqam olaraq qeyd olunur. Hədislərdə çox əhəmiyyətli bir məqam olaraq qeyd olunur. Allah dünyanı hal-hazırda Moşiyah-Mehdi (ə.s)-a görə dizayn edir.

Müsəlmanların birləşməsi üçün Mehdi (ə.s) lazımdır. Heç kim sünni bir alimin ətrafında birləşməz. Heç kim şiə və ya vəhhabi bir alimin ətrafında birləşməz; amma İmam Mehdi (ə.s) ətrafında birləşər. Birləşə bilsəydilər yüz ildən bəri birləşərdilər.

Biz Mehdi (ə.s)-ı niyə sevirik? Allah üçün sevirik. Allahın təcəllisi olaraq sevirik. İsa Məsihi niyə sevirik? Allahın təcəllisi olaraq sevirik. Əlbəttə ki, ət-sümük olaraq sevmirik.

Allah dəhşət mühiti, qan, hadisələr meydana gətirir, mehdiyyəti qəbul etdirir. Çünki, insanlar bir şeyi könüllü surətdə qəbul etmədikdə, Allah da “Cabbar”, “Qəhhar” adıyla zorla qəbul etdirər. Zorakılıq və dəhşət mehdiyyətin zühur əlamətidir. Mehdi (ə.s) bu dəhşəti, qanı dayandıracaq şəxsdir.

Allahın bir məqsədi var; dünya boşuna yaradılmamışdır. İslamı dünyaya hakim etmək, Mehdisini çıxarmaq, İsa Məsihi yer üzünə endirib insanlara göstərmək, bir müddət sonra da qiyaməti qoparıb dünyanın sonunu gətirmək və axirəti insanlara göstərmək.

Bədiüzzaman Səid Nursinin nəşr olunmayan bir məktubu vardır, orada; "Dindar isəvilər siyasəti boynuna götürər" deyir. Dünya siyasətini boynuna götürər. "Mehdi (ə.s) da təbliğat vəzifəsini yerinə yetirər" deyir.

Allahın arzusu; Mehdi (ə.s)-ın ortaya çıxması, İsa Məsihin zühuru, İslam Birliyinin meydana gəlməsi və qısamüddətli bir hökmranlığın özünü göstərməsidir. Bunları görəcəyik inşaAllah.

Ayasofyada ilk namazı qıldıracaq kimsə Mehdi (ə.s)-dır. Kiminlə birlikdə qıldıracaq? Hz. İsa (ə.s) ilə birlikdə. İstanbul İsa (ə.s)-ın gələcəyi yerlərdən biridir. Qüds-ü Şərif iki, Məkkə-i Mükərrəmə üç.

İmam Mehdi (ə.s), İsa Məsihə də şərait yaradan adamdır. İsa Məsih qonaq olaraq gəlir, elə də aktiv vəzifəsi olmaz. Dünyanın xarici siyasətinə təsir göstərər, məsələn, Putin kimi, İngiltərə Kralı Çarlz kimi şəxslərə təsir göstərər, tələbələriylə. Amma çox ciddi təsiri olmaz. Çünki İsa Məsih özünü bəlli edə bilməz. Amma Mehdi (ə.s) belə deyildir.

Sevgi müsəlmanların qəlbinə yaxşı şəkildə nəqş edilməlidir. Kainatın qanunu, kainatın meydana gəlmə məqsədi sevgidir. İmam Mehdi və İsa Məsih sevgini hamıya izah edəcək.

Mehdi (ə.s)-a tabe olacaqlar, İsa Məsihə tabe olacaqlar. Dünya başsız olduqda divanə olar. Başa düşülməyəcək bir tərəfi yoxdur.

Müsəlmanların başına bir imam, lider təyin edilməlidir, ağlımız bizə bunu göstərir. Baş olmayanda bədən parçalanar. Baş da İmam Məhəmməd Mehdi (ə.s)-dır. Bu ümmət Mehdi (ə.s) xaricində kimsəni qəbul etməz.

İmam Mehdi (ə.s) bütün dünyanın dəstəklədiyi lider olacaq. Mehdi (ə.s)-a müxalif olan olmayacaq. Kim qəbul etdirir? Allah qəbul etdirir. Allah insanların ürəklərinə vəhy edəcək; anlamadıqları bir şəkildə insanlar Mehdi (ə.s)-a tabe olduqlarına əmin olacaqlar. Qəribə şəkildə onu sevdiklərini anlayacaqlar. Qəribə şəkildə ona güvənəcəklər və onları qurtaracağına, vəsilə olacağına inanacaqlar.

İsa (ə.s), hz. Mehdi (ə.s)-ın vəziri olaraq nüzul edəcək, Peyğəmbərimiz (s.ə.v) belə söyləyir. Allah Mehdini şərəfləndirmək üçün, Mehdinin böyüklüyünü vurğulamaq üçün, İsa Məsihi ona vəzir olaraq göndərir. Mehdinin böyüklüyünü buradan anlayın. Hətəmə vəli deməkdir. Gəlib keçmiş ən böyük övliya, ən böyük vəlidir. Yəni imam Mehdi, səhabələrdən üstündür.

İslam Birliyi olacaq, İslam dünyaya hakim olacaq görəcəksiniz, 5-10 il ərzində görəcəksiniz. Türkiyənin liderliyində olacaq. Bütün dünya massonluğu hz. Mehdi (ə.s)-ın əmrinə girəcək.

Hz. Mehdi (ə.s) sevgi, mərhəmət, şəfqət, ağıl, dostluq, gözəllik, incəsənət, estetika insanıdır. Avropa onsuz da qəbul edəcək, ABŞ onsuz da qəbul edəcək, bütün dünya masonluğu sevərək qəbul edəcək, bütün tampliyerlər, Qızılgül Xaç Təşkilatı və bütün dünya dərin dövlətləri qəbul edəcək. Buna görə də, hz. Mehdi (ə.s) dünyanın imamı olur.

Hz. Mehdi (ə.s)-a tabe olunanda və bununla Allahın sözünə əməl ediləcəyi üçün Allah axan qanları dayandıracaq.

Peyğəmbərimiz (s.ə.v)-in bildirdiyinə görə "hz. Mehdi (ə.s) ölümlə təhdid edilməyincə mehdiliyi və beyətləri qəbul etməyəcək".

Sevgisizlik qəzəb meydana gətirər, əsəb pozğunluğu meydana gətirər. O nifrətlə də hücum edəcək, kinini tökəcək bir yer axtarır. Cüzi bir şey də istəmir. Yandırmaq, öldürmək istəyir; başını yaracaq, qanı su yerinə axıdacaq. Qan gördükdə isə əsəbi bir az olsun sakitləşər. Şeytanın xüsusiyyətidir bu, şeytan qanla doyar.