Adnan Oktar A9 TV; 25 dekabr 2016

Terrora və şiddətə hər cəhətdən qarşı bir insanam. Mübarizə təkcə sülh, sevgi, elm və irfanla olar.

Quranda qadının döyülməsi deyə bir hökm yoxdur.

Çox tez təcavüzkarlaşan, mədəniyyətsiz, cahil və kin dolu kütlələrin yetişməsi bir ölkə üçün çox təhlükəlidir. Nifrət dolu olanlar müalicə edilməlidir. Sevgisiz insanları öyrədərək yola gətirmək mümkündür. Belə insanlara sakit formada, səbirlə yaxınlaşıb həmişə öyrətmək lazımdır.

Uşaqlara bitki və heyvan sevgisi qazandırmaq çox gözəldir. Uşaqlarını belə yetişdirən ailələr çox doğru edirlər.

Sevgi əvəzinə kini, intiqam almağı, təkəbbürü insanlara sevdirmək şeytanın oyunudur. Heyrət edəcək şəkildə bəzi insanlar bu xoşagəlməz halı qəbul edir. Müsəlmanlar sevgidən bəhs etdikdə, sanki anormal şeydən bəhs edilirmiş kimi reaksiya verirlər. Sevgisizliyi bu cür qəbul etmələri təəccüblüdür.

Allah Özünü bütün qəlbimizlə, ağlımızla və gücümüzlə sevməyimizi istəyir. Kainatın yaradılma məqsədi sevgidir. Mömin bütün diqqəti və iradəsi ilə kəskin sevgi ilə Allahı sevər.

Şirk dinini İslam deyə tanımış olanlar Qurandakı İslamla qarşılaşdıqda heyrətlənirlər. Quran İslamı gözəllikdir, sevgidir, sevincdir.

Qəzəblə hərəkət edən birinə sərt üslubla yaxınlaşmaq olmaz. Müsəlman hər vəziyyətdə sevgi ilə, şəfqətlə yaxınlaşmaqla məsuldur.

Allahın sevgini və gözəlliyi Allah sevgisi ilə əlaqəli olaraq taledə vahid halda yaratdığını bilmirlər. Sevgi xüsusi yaradılar.

İslam aləmindəki və Türkiyədəki bütün camaatlar Mehdini sevər və gözləyər. Hər Naqşibəndi hər Kadiri Mehdini sevgi ilə, eşqlə gözləyər. Süleymanlı qardaşlarımız, Cəfərilər, Şiələr, Bektaşilər, Ələvilər, Nur tələbələri mehdiyyət sevgisinə sahibdir. Həyəcanla Mehdini gözləyərlər. Sevgisiz, müsəlman icmalara qarşı, öz ağlını çox bəyənən bəzi kəslərin mehdiyyət əleyhinə olan səyləri boş məşğuliyyətdir.

Quranın hökmü axirətə qədər keçərlidir. Quranın sevgi, şəfqət hökmlərinin ləğv olunduğunu iddia edənlər böyük zülm etmiş olurlar. Bəzi mövhumatçılar Quranda sevgi, şəfqət hökmlərinin ləğv edildiyini söyləyərək musəvilərə və xristianlara şəfqətlə yaxınlaşmağı qadağan edirlər. Quranın heç bir ayəsi ləğv edilməmişdir. Allah Kitab əhlinə şəfqətlə, mərhəmətlə yaxınlaşmağı əmr etmişdir.

Quranda hökmü ləğv edilən ayə yoxdur. Quranın bütün ayələri qiyamətə qədər keçərlidir. Quranın bəzi hökmlərinin ləğv edildiyini iddia edənlər axirətdə bu çirkin cəsarətlərinin qarşılığını tam alacaqlar. (Bəqərə surəsi, 85: Sonra (yenə) siz, bir-birinizi öldürür, bir qisminizi öz yurdundan çıxardır, günah və düşmənçiliklə əleyhlərində ittifaq edir və sizə əsir kimi gəldikləri vaxt, onlarla fidyələşirdiniz. Halbuki onları çıxartmağınız sizə haram edilmişdi. Yoxsa siz, kitabın bir hissəsinə inanıb da, bir hissəsini inkar mı edirsiniz? Artıq sizdən belə edənlərin dünya həyatındakı cəzası rüsvay olmaqdır, qiyamət günündə isə ən şiddətli əzaba düçar ediləcəklər. Allah nə etdiklərinizdən xəbərsiz deyil.)

Qurana iman gətirən Quran ayələri ilə yaşayar. Quranın hökmlərindən başqa hökmlərə görə hərəkət edənlərin ortaya qoyduğu şirk dinidir.

Ənənəpərəst və mövhumatçı İslamın təməlində mütəşabih ayələri ağlagəlməz şəkildə şərh etmək vardır. Hökm, möhkəm ayələrdə yer alır.

İnsanları namazdan uzaqlaşdırmaq üçün Quranda olmayan çoxsaylı hökm əlavə edirlər. Bu hökmlərdən dinə qarşı sədd kimi istifadə edirlər. Quranda olmayan hökmlər əlavə edərək milyonlarla insanın dəstəmaz almasına, namaz qılmasına, dini yaşamasını əngəlləyirlər.

Allah Quranda hər şeyin izah edildiyini bildirmişdir. Quran kafi deyildir, deyənlər Allahın bu hökmünə qarşı çıxırlar. (Nəhl surəsi, 89: Hər ümmət içində öz nəfslərindən onların üzərinə bir şahid gətirəcəyimiz gün, səni də onlar üzərində bir şahid olaraq gətirəcəyik. Biz Kitabı sənə hər şeyi izah edən, müsəlmanlara da hidayət, rəhmət və müjdə olaraq nazil etdik.)

İslamın şərti 5-dir, demək doğru deyil. İslamın şərti Quranın bütün ayələrinə tam tabe olmaqdır.

İslam dini tək olaraq yaşanmaz. Musəvilik və xristianlıq da belədir. Din camaat halında yaşanar. Quranda möminlər həmişə birlikdir. Allah ayrılıb parçalanmayın deyə buyurur. Müsəlmanların elmi mübarizəsi birlikdədir, zəkat birlikdədir, müsəlmanlar camaat halında dini yaşayar.

Müsəlman cəmiyyətlərin arasını vurub müsəlmanlara zərər vermək istəyirlər, heç kim bu oyuna gəlməsin. Səhvə yol verən oldusa da imtina etsin.

Təriqət və camaatların arasını vurmağa çalışıb, yox etmək istəyənlər var, bu İngiltərə dərin dövlətinin bərbad oyunlarından biridir. İngiltərə dərin dövləti Mərakeş, Tunis, Əlcəzair, Liviya, Suriya, hər yerdə müsəlmanların arasını vurmaq oyununu oynadı, lakin bu, Türkiyədə tutmaz. Təriqətlərin və camaatların arasının vurulması layihəsinə qarşı hər kəs ayıq olsun, müsəlmanlar bir-birlərini sevsinlər, dost olsunlar.

Mehdi dövründə məzhəblər aradan qalxacaq, təriqətlər və camaatlar Mehdiyə bağlanaraq tək bir İslam qalacaq. Mehdidən başqa heç kim bu vəzifəni yerinə yetirə bilməz.

Əvvəlcə "Chatham House"da keçirilən danışıqlar şəffaflaşdırılsın. Üst ağıl deyilən İngiltərə dərin dövlətinin şəffaflığı təmin edilsin. Türkiyə haqqındakı gizli planları ortaya çıxarılsın. Bunları gündəmə belə gətirə bilməyib, İngiltərə dərin dövlətinin oyununun təsiri altında qalaraq təriqət və camaatları hədəf almaq vicdanlı hərəkət deyil.

İngiltərə dərin dövlətinə heç bir söz deyə bilməyənlər, günahsız insanların olduğu təriqətləri, camaatları hədəf alırlar, vicdanlı davranmırlar.

Türkiyə xarici qüvvələr tərəfindən mühasirəyə alınmış vəziyyətdədir. Xüsusilə belə mühitdə mətbuat tənqidlərinə anlayış göstərməlidir. Zatən bir ovuc müsəlman var, sən onları oyunla, iftira ilə terrorist kimi göstərməyə təşəbbüs etsən, bu səhv olar.

Millətimizin inancına görə bir insanın Allah dərgahındakı yeri əhəmiyyətlidir. Şəhidlər də Allah dərgahında ən gözəl məqamdadırlar.