Adnan Oktar A9 TV; 3 dekabr 2016

İncildə münafiqlər ağardılmış məzara bənzədilir. Bu bənzətmənin səbəbi; münafiq ölü varlıqdır. Ruhu şeytan tərəfindən əsir alınmışdır.

Münafiq şüurlu olaraq Allahdan qorxmaz, bu da onun mənəvi cəhətdən ölü olduğu mənasını verir.

Mömin orqanizmini gücləndirmək istəyər, lakin məqsədi Allah rizasıdır, Allah üçün xidmətdir. Münafiq isə dünya hərisliyi ilə orqanizmini gücləndirməyə çalışar.

Münafiq üçün hər şey əzab vəsiləsidir. Gəzib dolanar bu onu çökdürər. Yeyər, içər, bu onun üçün bəlaya dönər.

Münafiqin şeytana təslim olması və şeytanın təsiri altına girməsi möcüzəvi hadisədir. Əslində şeytanın təsiri zəifdir, lakin münafiq şeytana təslim olar.

Hüzurlu, rahat yaşamaq olduğu halda, münafiq həmişə gərginlik içində əxlaqsızlıq edərək yaşayar.

Münafiq özünü müsəlmanmış kimi göstərərək müsəlmanlara sanki zəli kimi yapışar. Alçaqcasına təkcə öz mənfəəti ardınca qaçar.

Dürüst olmaq vicdanın rahat olmasını təmin edər. Münafiq isə həmişə saxtakarlıq, yalançılıq edər, buna görə də həmişə gərginlik içindədir.

Münafiq müsəlmanların arasında sanki turist kimi yaşayar. İslam üçün fikri mübarizə aparmaq onu maraqlandırmaz, təkcə öz rahatlığını düşünər.

Münafiq fitnəyə dəvət edilsə dərhal gedər, lakin məsələ İslama xidmət olduqda müsəlmanları ittiham altında saxlayacaq ifadələr verərək qaçmağa çalışar.

Münafiqlərin taledə sayı bəllidir. Quranda şeytanın səmimi qullara təsir edə bilməyəcəyi, sayı müəyyən edilmiş kəsləri azdıracağı bildirilir.

Münafiq heyrət ediləcək dərəcədə yalançıdır, hər şey üçün bəhanə tapar. Bir əxlaqsızlıq etdikdə bəhanəsi də mütləq olar.

Mömində əsas olan yaş deyil, ruhdur. İnsanın ağlına görə əlaqə qurular. Ruhun yetkinləşmə sürəti bədənin yaşlanma sürəti ilə eyni olmaya bilər.

Müsəlman münafiq və küfrlə qarşılaşdığı zaman təşvişə düşməz. Sakitcə, ağılla və səbirlə onları öyrədər, elmi yolla mübarizə aparar.

Allah müşriklər barədə “ağıllarını işlətməyən qövmdürlər” deyir. Müsəlman isə ağlından istifadə edər, oxuyar, öyrənər və araşdırar.

Allahın ağlı fövqəladə dərəcədə heyranlıq oyandıracaq sonsuz ağıldır. Allahın kölgəni yaratması təkbaşına möhtəşəm sənətdir.

Dindar olmadan əvvəl insanın beyni çox bulanıq olur, dinin hökmlərini də bulanıq olaraq bilir. Ağlında şüur və itilik tam yaranmır. Dini tam öyrənmədən əvvəl insanlarda Allah sevgisi və qorxusu olur, lakin dini çox geridə tuturlar. Dünya daha əsas olur. Buna görə də təbliğ edənlərə çox böyük məsuliyyət düşür. İnsanları sıxmadan, usandırmadan şüurlarını açmaq üçün cəhd etmək lazımdır.

Qadınlar çox ağıllı olduqları üçün qarşılarındakı insanın səmimiyyətsizliyini, ağıl zəifliyini dərhal görürlər. Ağlı zəif bir insanın ağıllı kimi davrandığını zənn etməsi, qarşısındakını aldatdığını zənn etməsi qadınları daha da hirsləndirər. Demək olar ki, sevəcək birini tapa bilmirlər. Rola girmədən, maska taxmadan, oyun oynamadan yanlarında bir üzlü kimsə olmur. Ömür boyu tənha, sevgisiz yaşayırlar.

İffət, ağıl, ədəb, dərinlik, ehtiras və sevgi qadını heyrətamiz dərəcədə gözəlləşdirər. Bunların hər biri qadının bəzəyidir. Qadınları ən çox yoran sevgisizlik olur. Sevgisizlik sanki bütün hüceyrələrini öldürür.

İbadətdə hüzur və ağıl var. Əgər insan namaz qılanda, dəstəmaz alanda, Quran oxuyanda, xeyir iş görəndə yorulursa, deməli, şeytan onunla oyun oynayır. Allah bütün ibadətləri zövq alacağımız və asan olacaq şəkildə yaradıb.

Bakteriyalarda, viruslarda da möhtəşəm ağıl var, əksər insanın mübarizə apara bilməyəcəyi heyrətamiz ağıl var.

Qadının nəcibliyinə diqqət göstərərək, hörmət edərək tərif demək əhəmiyyətlidir. Qadın özü ilə ünsiyyətdə olanın keyfiyyətli və ağıllı olmasını istəyər.

Din ağıl və dərinlik tələb edir. Darvinist materialist təhsillə insanlar imandan uzaqlaşdırılır. Məscidlərin dolması üçün güclü iman lazımdır.

İslamda musiqi, əyləncə, gözəllik, sevinc, iffət, təmizlik, ağıl, sevgi, ehtiras, yəni gözəl olan hər şey vardır.

Zidd mənfi qüvvə olması, müsəlmanların ağıllarını işlətməsi üçün zəruridir. Cənnətdə elmi mübarizə aparmaq yoxdur, bu sırf dünyaya məxsus xüsusiyyətdir.