Adnan Oktar A9 TV; 3 dekabr 2016

Münafiqlik məsələsi İslam əxlaqı hakim olana qədər gündəmdə saxlayacağımız məsələdir, çünki münafiqlik İslam aləminin üzərindəki ən böyük bəladır.

İnsanları dürüstlüyə dəvət etmək lazımdır. Çünki münafiq İslam aləmi üçün böyük təhlükədir. Hal-hazırda İslam aləmində tökülən qandan münafiqlər məsuldur.

Ateist olana təzyiq göstərmək çox yanlışdır. Açıqca, dürüst şəkildə inana bilmədiyini söyləyir. Təzyiq olduqda insanlar münafiqliyə üz tutar Allah qorusun.

Münafiq ən yüksək xüsusiyyətdə mənfi qüvvə olduğu üçün münafiqlə elmi mübarizə aparmaq möminin savabını ən yüksək nöqtəyə çıxarar.

Küfr əhli açıqdır, rəftarını dürüst şəkildə göstərər, namaz qılmırsa açıqca söyləyər. Münafiq isə inanmadığı halda ömrü boyu saxtakar halda yaşayar.

Münafiq çox yalançıdır. Müsəlmanlarla təmiz yaşamaq istəməz, dinə, imana haşa təhqir yönəldənlərlə əlaqədə yaşayar.

Münafiqlərin taledə sayı bəllidir. Quranda şeytanın səmimi qullara təsir edə bilməyəcəyi, sayı müəyyən edilmiş kəsləri azdıracağı bildirilir.

Dürüst olmaq vicdanın rahat olmasını təmin edər. Münafiq isə həmişə saxtakarlıq, yalançılıq edər, buna görə də həmişə gərginlik içindədir.

Hüzurlu, rahat yaşamaq olduğu halda, münafiq həmişə gərginlik içində əxlaqsızlıq edərək yaşayar.

Münafiqin şeytana təslim olması və şeytanın təsiri altına girməsi möcüzəvi hadisədir. Əslində şeytanın təsiri zəifdir, lakin münafiq şeytana təslim olar.

Mömin orqanizmini gücləndirmək istəyər, lakin məqsədi Allah rizasıdır, Allah üçün xidmətdir. Münafiq isə dünya hərisliyi ilə orqanizmini gücləndirməyə çalışar.

Münafiq şüurlu olaraq Allahdan qorxmaz, bu da onun mənəvi cəhətdən ölü olduğu mənasını verir.

İncildə münafiqlər ağardılmış məzara bənzədilir. Bu bənzətmənin səbəbi; münafiq ölü varlıqdır. Ruhu şeytan tərəfindən əsir alınmışdır.

Münafiq incə çalışdığı üçün müsəlmanların başlarını çox yaxşı işlətməsi lazımdır. Küfr əhli ilə orta səviyyəli ağılla mübarizə aparılar, münafiq üçünsə incə ağıl lazımdır.

Münafiq üçün hər şey əzab vəsiləsidir. Gəzib dolanar bu onu çökdürər. Yeyər, içər, bu onun üçün bəlaya dönər.

Münafiq özünü müsəlmanmış kimi göstərərək müsəlmanlara sanki zəli kimi yapışar. Alçaqcasına təkcə öz mənfəəti ardınca qaçar.

Münafiq müsəlmanların arasında sanki turist kimi yaşayar. İslam üçün fikri mübarizə aparmaq onu maraqlandırmaz, təkcə öz rahatlığını düşünər.

Münafiq fitnəyə dəvət edilsə dərhal gedər, lakin məsələ İslama xidmət olduqda müsəlmanları ittiham altında saxlayacaq ifadələr verərək qaçmağa çalışar.

Münafiq heyrət ediləcək dərəcədə yalançıdır, hər şey üçün bəhanə tapar. Bir əxlaqsızlıq etdikdə bəhanəsi də mütləq olar.

Möminlər üçün hər zaman həyat gözəldir. Həyat münafiq, kafir üçün çətindir. Mömin üçün həmişə gözəldir.

Vəzirin həyat yoldaşı hz. Yusifə böhtan atır və neçə il həbsxanada qalmasına səbəb olur. Bu, qadının münafiq əxlaqına sahib olduğunu göstərir.

Heyrətverici hadisələrdən biri də müsəlmanların çoxunun əsrlərdən bəri münafiqlər məsələsində laqeyd davranmış olmalarıdır. Quranda münafiqlər haqqında mindən çox ayə var, buna baxmayaraq, müsəlmanların çoxu münafiqləri Peyğəmbər dövründə yaşayıb keçmiş kəslər deyə düşünüblər.

Münafiq nankordur. Allahın nemətlərinə şükür etməz, həmişə nankorluq edər və həmişə daha artığını istəyər. (Bəqərə surəsi, 61: Siz (isə belə) demişdiniz: "Ey Musa, biz bir növ yeməyə dözməyəcəyik, Rəbbinə yalvar ki, bizim üçün yerin yetişdirdiklərindən lobya, sarımsaq, mərcimək və soğan bitirsin". (O zaman Musa:) "Xeyirli olanı, bu dəyərsiz şeylə dəyişdirmək istəyirsiniz? (Elə isə) Misirə enin, çünki (orada) özünüz üçün istədiyiniz vardır" demişdi. Onlara xorluq və yoxsulluq (möhürü) vuruldu və Allahın qəzəbinə düçar oldular. Bu, şübhəsiz, Allahın ayələrini inkar etdiklərinə, peyğəmbərləri haqsız yerə öldürdüklərinə görə idi. (Həmçinin) bu asi olduqlarına və həddi aşdıqlarına görə idi.)

Münafiq şeytanın təhriki ilə həmişə fitnə törədər. Heç cür sakitləşməz. Tam sakitləşdi deyilər, bir dəlilik daha edər.

Münafiq bütün müsəlmanların yaxasına yapışmaq istəyən bəladır. Ədabaz və alçaqca müsəlmanların yaxasına yapışar.