Adnan Oktar A9 TV; 1 yanvar 2017

Əyləncə, musiqi, rəqs bəzilərinə görə müsəlmanlara qadağan edilməli olan nemətlər kimi göstərildi. Bütün dünya nemətləri müsəlmanlarındır. Müsəlmanlara öz aləmlərində hər şeyin pisinə layiq gördülər, yeməklərin, paltarların ən pisi müsəlmanların olsun istədilər, bu oyunu puç etdik. "Müsəlman musiqi dinləməz, rəsm çəkməz, qəzet oxumaz", "müsəlman qadınlar dekolte geyinə bilməz, gülə bilməz" dedilər, bunu da dəyişdirdik.

Ənənəvi İslam anlayışına görə həyat, sürünməklə sinonimdir. Gözəl olan hər şeyi haram ediblər, musiqi dinləmək, televiziyaya baxmaq haramdır. Dəccaliyyət bəzi müsəlmanları Quranda olmayan haramlar yaradaraq, oyuna saldı, biz bu oyunları puç etdik, puç etməyə də davam edəcəyik.

Müsəlman əxlaqi cəhətdən çökmüş, nifrətə qərq olmuş, korlanmış insanları xilas etməyi hədəfləyər. Onların qurtulması üçün səy göstərmək ibadətdir. Müsəlman birinci növbədə müsəlmana deyil, İslamı heç tanımayan, şeytanın təsirinə qapılmış insanlara təbliğ edər. Bizim əsil təbliğimiz bu kütləyədir.

Mənfəət görmədiyi zaman müsəlmanların əleyhinə rəftar edəcək kəslərə qarşı diqqətli olmaq lazımdır. Dostluq etibarlı, alicənab insanlarla edilər.

Qadınlara azadlıq verilməsə, halallar haram edilsə İslam Birliyi yaranmaz. Qadınların əzildiyi quruluşu Allah müvəffəq etməz. İslam Birliyinin açarı qadınlardır. Qadınların xoşbəxt və azad olduğu cəmiyyət yaradacağına söz versən Allah İslam Birliyini yaradar.

Müsəlman ağıllı və mötədil olar. Küçənin yanlış fəlsəfələrinə tabe olmaz, insanların özünün gözəl əxlaqına tabe olmasını təmin edər.

Gənclər də, qadınlar da istədikləri kimi geyinməlidir. Kimsənin kimsəyə təzyiq göstərməsi düzgün olmaz. Dində məcburiyyət yoxdur.

“Dində məcburiyyət yoxdur”. İnsanlara din zorla və təzyiqlə yaşadılmaz. Təzyiq və məcbur etmək Qurana görə haramdır.

Müsəlman münafiqlərin və küfr əhlinin içərisində şəxsiyyətini, inancını, qətiyyətliliyini qoruyaraq elmi mübarizəsinə davam edər.

Müsəlman münafiq və küfrlə qarşılaşdığı zaman təşvişə düşməz. Sakitcə, ağılla və səbirlə onları öyrədər, elmi yolla mübarizə aparar.

Müsəlman xristian, musəvi, vəhhabi, şiə, buddist, hər kəsin xilas olması üçün səy göstərər. Heç kimin həlak olmasını istəməz. Bu Qurana uymaz.

Müsəlman, münafiq əlamətlərindən bəhs edərkən əvvəlcə öz üzərində düşünər. Münafiqə isə ayələr təsir etməz, müsəlmana təsir edər.

"Şahmat, nərd haramdır, qadınlar gülə bilməz, qadın hamilə olarkən çölə çıxa bilməz" deməklə, bilərəkdən və ya bilməyərəkdən insanları dindən soyudurlar. İnsanları İslamdan soyutmaq üçün tətbiq edilən hər üsula qarşı çox diqqətli olmaq lazımdır.

Dörd ayrı məzhəbin dörd ayrı haram və halalları var. Haram və halal təkcə Quranda bildiriləndir. Dörd ayrı din, dörd ayrı haram və halal olmaz.

Homoseksuallıq Allahın haram etdiyi iyrənclikdir. İnsanların inancının tələbi olaraq iyrəndiyi bir şeyi zorla qəbul etdirmək çox böyük zülmdür. Bu səbəbdən, kilsələrdə rahiblərə təzyiq göstərərək homoseksualları evləndirin demək, rahiblərin inancına zidd olan bir şeyi zorla qəbul etdirmək qəddarlıqdır. Homoseksuallığa qarşı olanları cəzalandırmaq zülmdür. Bir insanı inancına zidd bir şeyə sürükləmək ən təməl insan hüquqlarına ziddir.

Musiqinin haram olduğuna dair Quran ayəsi yoxdur. Mövhumatçılar eyham ilə hökm çıxarmaq istəyərlər, halbuki Quran çox açıqdır. Möhkəm ayələr aydındır.

İşarə ilə dindən hökm çıxarılmaz. O zaman o din İslam olmaz. Allah möhkəm ayələrlə haram və halalları bildirmişdir.

Peyğəmbərimiz (s.ə.v) dövründə məzhəblər yox idi. İndi 4 məzhəbin fərzləri, halalları və haramları ayrıdır, 4 ayrı din yaratmış vəziyyətdədirlər.

Ateist olana təzyiq göstərmək çox yanlışdır. Açıqca, dürüst şəkildə inana bilmədiyini söyləyir. Təzyiq olduqda insanlar münafiqliyə üz tutar Allah qorusun.

Qurana görə dində təzyiq yoxdur. Heç kimi müsəlman olmaq üçün məcbur edə bilməzsən, təzyiq və zorlamaq insanları münafiq edər.

Dəccaliyyət dini mümkün qədər çətinləşdirər. Mehdi isə dini mümkün qədər asanlaşdırar. Bu asanlaşdırma Allahın möminlərə nemətidir.

Homoseksuallıq bütün dinlərdə Allahın haram etdiyi iyrənclikdir. İnanclı insanlara zorla homoseksuallığı qanuni göstərməyə çalışırlar. Dünya səviyyəsində homoseksuallığı qanuniləşdirmək istəyən İngiltərə dərin dövlətidir.

Təkamül Şumerlərdən gələn bütpərəst düşüncədir. Bu bütpərəst inancını elm adı altında gənclərə zorla qəbul etdirmək qəbuledilməzdir.

Dəccaliyyət qadınları kişi etmək, kişiləri də qadın etmək istəyir. Buna görə də, dünyaya homoseksuallığı yaymağa çalışırlar. Dünyanın bir çox ölkəsində homoseksuallığı insanlara zorla qəbul etdirirlər. Qurana görə çirkin hərəkət olan bu haramın yayılması dəhşət vericidir. Homoseksuallıq Quranda, Tövratda və İncildə Allahın haram etdiyi çox çirkin azğınlıqdır. İnsanlara bunu zorla qəbul etdirmək zülmdür.

Türkiyə müasir ölkədir. Hər düşüncəyə sahib insanın istədiyi kimi yaşaya bildiyi ölkədir. Bu mövzuda geriləmə olmasını qəbul etmərik.