Adnan Oktar A9 TV ; 24 dekabr 2013

Allahın əsl istədiyi sülhdür. Allah müharibə istəmir. Döyüşü Allah imtahan vəsiləsi olaraq yaradar. Müharibəni, o fitnəni aradan qaldıran kimdir? Allahdır. Möminləri də vəsilə edər, sülh mühitini meydana gətirər.

Allahın bağışlamasını istəyirsənsə sən də bağışlayacaqsan. Qisas almayacaqsan. Dünyəvi cəzası nədirsə qanun çərçivəsində alır. Artıq o yetərlidir. Buna görə kinə, ədavətə ehtiyac yoxdur. Tövbə edər, qardaşın olar.

Müsbət düşünmək, müsbət danışmaq gözəl olar. Təhrik edici şəkildə danışmaq, məncə, yaxşı deyil. Şüuraltında insanlarda pis duyğular yaradır. Hər nə qədər əhəmiyyətsiz hesab etsələr də şüuraltına o yerləşir.

Dünya çox qısadır, hamımız gedəcəyik. Hamımız inşaAllah cənnətə gedərik. Qısa bir imtahan dövründəyik. Əhəmiyyətsiz şeylər üçün bir-birimizi qırmayaq, xəcalətli etməyək, kədərləndirməyək, ağzımızdan çıxacaq sözlərə fikir verək.

Sözün təxribat gücü şiddətlidir. Söz insanları çox kədərləndirə bilər. Mümkün qədər yaxşı, məqsədəuyğun, məqbul, doğru, mehriban, coşğulu, ümidvar, həyəcanlandırıcı, şövqləndirici və insanları xoşbəxt etməyi hədəfə alan gözəl sözlər danışaq.

Allah monoton dünya istəmir, dinamik bir dünya istəyir. O canlanmanın içərisindən mehdiyyəti çıxarır.

Peyğəmbərimiz (s.ə.v) söyləyir, İslam Birliyinin tək ünvanı imam Məhəmməd Mehdidir. Başqa ünvanı yoxdur. Axırzamanın əlamətlərinə inanılsa, Rəsulullah (s.ə.v)-in möcüzələrinə inanılsa bu doğru olar.

Hökumətin getməsi, Baş nazirin dəyərsizləşdirilməsi bu qədər asan, ucuz deyil. Bura üçüncü dünya ölkəsi deyil. Biz keyfiyyətli bir ölkəyik. Buna görə belə şeyə icazə vermərik. Hər şey hüquq çərçivəsində, məqbul və ağıllı olsun.

Şeytanın ən çox təzyiq göstərdiyi ölkə Türkiyədir. Nə AK Partiyanın yıxılmasına, nə də camaata zərər gəlməsinə icazə verərik.

Camaatın güclənməsi İslam aləminin güclənməsidir. Camaat yox oldusa, İslam aləmi məhv olar, Allah qorusun. İslam aləminin hamısı camaatdan yaranar.

Mehdiyyət dövründə artıq gözəllik və bərəkət gələcək. Amma təbii ki, bu qısa müddətdə olacaq. Yəni hicri 1506-cı illərə qədər davam edəcək. Ondan sonra yenə pozulur. Şam da pozulacaq, Misir da pozulacaq təkrarən, hər yer pozulacaq.

Mehdiyyətdə bir ağıl, bir vicdandır. Bütün müsəlmanlar tərtəmiz bir vicdanla birlik qurarlar. Əks təqdirdə qarışıqlığa son qoyulmaz.

İslam Birliyini, hz. Mehdi (ə.s)-ın gəlişini, İsa Məsih (ə.s)-ın enişini rədd etsən, bu Allaha xoş gəlməz.

Allah ümməti xəbərdar edir. ''Əgər birləşməsəniz, bir liderin ətrafında birləşməsəniz sizi məhv edərəm. Bir-birinizə düşmən olsanız, gücünüz, qüvvəniz itər” deyir. “Əks təqdirdə zəfər, qələbə verərəm, gözəllik, hakimiyyət olar'' deyir. Bunlardan birini müsəlmanlar seçəcəklər.

Hər şeydə bir xeyir var. Mehdiyyətin bir mərhələsindəyik.

Peyğəmbərimiz (s.ə.v)-in açıq şəkildə “şəxs” olaraq bildirdiyi hz. Mehdi (ə.s)-ı, bəzi alimlərin “şəxsi mənəvi” deyərək gizlətməsi müsəlmanları çıxılmaz yola aparır. Fitnəyə, iztiraba, çıxılmaz vəziyyətə aparır. Amma mehdiyyət və İslam Birliyi inancı bərəkətə, bolluğa, gözəlliyə aparır.

Qatı dinçiliyin olduğu heç bir ölkə qurtulmaz. Qatı dinçilik dəccaliyyətdir. Həyatımıza qatı dinçilik girsə məhv olar. Üstəlik, qatı dinçilik narkotik kimidir. Bir yerdən başladısa artıq o yavaş-yavaş, təcridlə cəmiyyəti əhatə edər, bəlaya salar. Ona görə də lap əvvəldən qatı dinçiliyə icazə verilməməlidir.

Qatı dinçiliyə qarşı sevgi, məhəbbət, eşq dolu, azadlığı müdafiə edən İslam anlayışı lazımdır. Belə olduqda dünya rahatlanar.

Ədalət ancaq Mehdi (ə.s) ilə yaranar. Nə qədər cəhd edirlərsə etsinlər, hökumətlər, dövlətlər, nə qədər səy göstərsələr də həqiqi ədalət, ancaq Mehdi (ə.s) tərəfindən təmin edilir. Ondan başqa ədalət olmur.

Xurafatlarla din yayılmaz. Din açıq-aşkar sənədlə yayılar. Xurafat müəllimlərinin izah etdiyi din anlayışından İslam aləmi cəhənnəmə çevrildi. Xurafatlar İslam aləmini cəhənnəmə çevirdi.

Qatı dinçilərin gətirdiyi xurafatlar qaranlıq sənədlərdir, uydurmadır. Zənn və təxminlə ortaya atılmış yalanlardır. Elə sənəd olmaz. Açıq-aşkar sənəd olmalıdır. Açıq-aşkar sənəd nədir? Qurandır.

İnsanın özünü tənqid etməsi, nəfsini təmizə çıxartmaması, müsəlmanı vəli xarakterli edər, üstün edər. Özünü qınaması onu ağıllı və sağlam edər. Özünü ucaltdıqca xəstə olur. Havalanar. Özünü qınasa, nəfsini tənqid etsə ucalar, açılar, ağıllı olar.

Mehdi (ə.s) hansı ölkədədirsə, o ölkə liderdir. Allah Mehdi (ə.s)-ı Türkiyəyə göndərmiş, Türkiyə lider olacaq.

Axırzamanda bir ağıl ətrafında toplanmasan müxtəlif ağıllar bir-birləri ilə ziddiyyət yaradar. Ağıllar bir-birinə zidd olduqda insanlar bir-birinə zidd olur, nəhayət anarxiya yaranır. Sevginin müəllimi olan Mehdi (ə.s)-dan başqa çıxış yolu olmadığı bəllidir.

İnsanlar sevgi təlqininə açıq olduğu kimi, vəhşilik təlqininə də açıqdır. Mehdi (ə.s) məhz sevgi təlqin edən insandır, məhəbbət təlqin edən insandır. Mehdi (ə.s) sakitləşdirici və uzlaşdırıcı bir insandır.