Adnan Oktar A9 TV ; 27 dekabr 2013

Xurafatlarla din yayılmaz. Din açıq-aşkar sənədlə yayılar. Xurafat müəllimlərinin izah etdiyi din anlayışından İslam aləmi cəhənnəmə çevrildi. Xurafatlar İslam aləmini cəhənnəmə çevirdi.

Qatı dinçilik insanlara dərin bir yuxu, yorğunluq verdi. Dəccal yuxu halı verdi. Dəccallıq həm darvinist fəlsəfə ilə, həm qatı dinçi fəlsəfə ilə İslam aləmini və dünyanı yandırıb-yaxır.

İslam aləminin bir lideri olmalıdır. Yüz min ağıldan yüz min qarşıdurma, savaş, yüz min ayrı fikir, ziddiyyət çıxır. Tək bir ağılda nə ziddiyyət olar, nə qarşıdurma olar, nə fitnə olar, nə də döyüş olar. Heç bir şey olmaz.

Qatı dinçilərin etdiyi səhvlər ucbatından bütün İslam aləminin başına bəla gəldi.

Allah Quranda təkcə bir ölkənin deyil, bütün İslam aləminin qurtarılmasını söyləyir. Quranda müsəlmanların parça-parça olduğu bir model yoxdur.

Quran tərk edildiyinə görə İslam aləminin az qismi istisna olmaqla əksər hissəsi alov çuxuruna düşdü. Mehdi (ə.s) Qurana sarılaraq müsəlmanları bu alov çuxurundan qurtaracaq.

Mehdiyyət olmadığı üçün müsəlmanların başlarında bir imam, lider, başçı olmadığı üçün İslam aləmi küləkdə sovrulan yarpaq kimidir. Həddən artıq iztirab, ağrı çəkir, sanki qıvrılır.

Quranda Axırzaman əlamətləri bir gizli olaraq, bir də açıq şəkildə izah edilir. Allah parçalanmış, firqələrə ayrılmış müsəlmanlardan bəhs edərkən Axırzamana işarə edir. Çünki müsəlmanlar Peyğəmbərimiz (s.ə.v) dövründən bəri ilk dəfədir ki, bu qədər məzhəblərə, camaata bölünmüş vəziyyətdədirlər.

Əsas məsələ odur ki, İslam aləminin birləşib, onlar üçün lider seçib dünyanı cənnətə çevirmələri, hər fikirə mənsub insanlara hörmət edib, dünyanı birlikdə xoşbəxt yaşanacaq şəkildə idarə etmələri, dünyanı xoşbəxtlik dənizi halına gətirmələridir.

Osmanlını daxilindən yıxan qatı dinçilər idi. Hal-hazırda da qatı dinçilərin İslam aləmini məhv etdiyinə şahid oluruq. Qatı dinçilər ikrah hissi doğurduqlarına görə, cəfəngiyat danışdıqlarına görə insanlar onlara nifrət edirlər.

İslam aləmində ilk dəfədir ki, bu qədər mərhəmətsiz və dəlicəsinə məzhəb fanatizmi görülür. Bunun həlli mehdiyyətdir.

Dünyada baş verən bəlaların, qarşıdurmaların, zülmün bitməsinin tək bir həll yolu İslam aləminin birləşməsidir.

Təkcə "Misir xilas olsun! Fələstin xilas olsun!" demək doğru deyil. "Müsəlmanlar birləşsin" demək lazımdır. Bütün İslam aləminin qurtuluşunu, bütün insanlığın qurtuluşunu, müsəlmanların liderliyi ilə bütün insanların qurtuluşunu istəmək lazımdır. Rusiya, Çin, hamısı xilas olsun. Biz eqoist dünyagörüşünü inkişaf etdirə bilmərik.

Məzhəb, camaat ayrı-seçkiliyi etmədən hər kəsin iftarına getmək, dəvət edilən hər iftarı mütləq qiymətləndirməyə çalışmaq gözəl olar.

Belə bir həngamədə müsəlmanların bir-birini əzməyə çalışması, xüsusilə açıq müsəlman kütlələrin bir-birini qırmağa çalışması PKK layihəsi ola bilər. PKK-a qarşı, bölünməyə qarşı müqavimət göstərən hər ünsürün əzilməsi təlimatın hər hansı yerdən verildiyi deməkdir. Son dərəcə diqqətli olmaq lazımdır.

Müsəlmanı müsəlmana qarşı çevirmək deyil, müsəlmanı islah edib, səhvini düzəldib, onu faydalı şəkilə gətirmək lazımdır. Müsəlmanların ziyalısı da çox azdır. Əlimizdə olan ziyalını niyə əzək? Onu qazanaq. On əl bir yerə qoyulsa böyük birlik edər. O əlləri əzmək yanlış olar.

Hal-hazırda az qala hər camaat, birlik mehdiyyətdən cəsarətlənərək, şövqlənərək, imanını gücləndirərək yoluna davam edə bilir. Yoxsa mənəvi cəhətdən böyük kütlə çoxdan çökərdi, qətiyyətini itirərdi.

Təfsilatlara girsək heç bir Müsəlmanla bağlılığımız qalmaz. Xırdalıqlara girməkdən çəkinmək lazımdır. Belə olduqda məzhəblər, təriqətlər, camaat kimsə bir-birilə görüşə bilməz. Əsas odur ki, Allahın birliyinə inanır, dini İslamdır, Peyğəmbəri haqq olaraq qəbul edir, qibləmiz birdir, cənnətə, cəhənnəmə inanır, bu qədər.

Camaat, təriqətlər, qruplar hamısı bir-biri ilə çəkişirlər. Hz. Mehdi (ə.s) da hamısını bir edir, birləşdirir və İslam Birliyi sürətlə meydana gəlir, inşAllah.

Türkiyədəki camaatın bir-birini sevməsi İslam Birliyi üçün böyük bir zəfər, böyük bir bayram olar.

HZ. İSA (Ə.S)ın VƏFATINDAN SONRA BİR GİZLİ CAMAAT YENƏ MEYDANA GƏLƏCƏK. Onlar gizli əlaqələrini davam etdirəcəklər. Gizli və məğlubanə davam edən imanlı bir birlik olacaq. Onlar gizli mübarizə edərkən xüsusi üsullar istifadə edəcəklər. Bizim alışdığımız üsullarla deyil, TƏBLİĞ EDƏ BİLMƏYƏCƏKLƏR. Bir-birlərini tapmaları da çox çətin olacaq, BİRLİKDƏ İBADƏT EDƏ BİLMƏYƏCƏKLƏR, ALLAHdan BƏHS EDƏ BİLMƏYƏCƏKLƏR. Onların qazandıqları savab çox yüksək olacaq. Sayları isə çox az olacaq. 1543-cü ilə yaxın bir neçə adam qaldığında Allah onların canını alacaq, sonra dünya küfrün əlinə keçəcək. Müasirlik olsun deyə köhnədən tapınılan bütlərə tapınmağa başlayacaqlar. Sırf küfr olsun deyə daş bütlərin dibində sirr çəkəcəklər. Atalarının batil dinlərinə dönəcəklər. Allah da onların azğınlıqlarına qarşı qiyaməti gətirəcək.

MHP, camaatlara, müsəlman cəmiyyətlərə, təriqətlərə daha çox sahib çıxmalıdır. Yəni millətlə daha çox bütünləşməlidir. Bunu etməməklə geridə qalır. AKP qurulduğu vaxt, sıfır idi, indi isə böyük partiya oldu. Çünki kütlə partiyası siyasətini izləyir. Təriqətlərə sahib çıxır, camaatlara sahib çıxır, sürətlə inkişaf edir. MHP eynisini etsə o da inkişaf edər.

Hökumətin getməsi, Baş nazirin dəyərsizləşdirilməsi bu qədər asan, ucuz deyil. Bura üçüncü dünya ölkəsi deyil. Biz keyfiyyətli bir ölkəyik. Buna görə belə şeyə icazə vermərik. Hər şey hüquq çərçivəsində, məqbul və ağıllı olsun.