Adnan Oktar A9 TV; 25 avqust 2016

Allah Nur surəsinin 55-ci ayəsində İslam əxlaqını dünyaya hakim edəcəyini bildirir. Məhz bu hakimiyyət İslam Birliyi və mehdiyyətdir.

Talut öz qövmünə peyğəmbər olaraq deyil, bir növ Mehdi, öndər, mənəvi lider olaraq gəlmişdir.

İslam Birliyi meydana gəlsə yaşanan bütün sıxıntılar dərhal bitəcəyi halda, müsəlmanlar birləşmədikləri üçün bu əzablar artaraq davam edir.

Türklər, kürdlər, ərəblər, çərkəzlər, hamısı birləşəcək, İslam Birliyi meydana gələcək. Kürd qardaşlarımız bilavasitə öz əlləriylə PKK-nı yox edəcəklər. Kürd qardaşlarımız istədikləri yerdə sərbəst yaşayacaqlar. Qırmızı kommunistlərin onları əzmələrinə icazə verməyəcəyik.

Bəzilərinin izah etdiyi İslam anlayışının yaşanması qeyri-mümkündür, onsuz da ən yaxınları və hətta özləri belə izah etdiklərini yaşamırlar. Belə donuq, ağır, elmdən və incəsənətdən uzaq üslubla İslam izah edildikdə gənclərə, onları yetişdirə biləcək bir sistem meydana gəlmir.

Bizim həyat dolu İslam anlayışımız Quran müsəlmanlığıdır. İnsanlara İslamı çətin göstərən dəccaliyyətdir. Gözəl olan hər şey İslamdadır.

Türkiyənin gələcəyi çox gözəldir. Türkiyə inşaAllah lider ölkə olacaq. İslam əxlaqı dünyaya hakim olacaq, hər kəs İslamın gözəlliyini görəcək.

İslam Birliyi dünya cənnətidir. Sülhün, qardaşlığın, sevginin olduğu, müharibənin və döyüşün olmadığı, incəsənət, gözəlliyin hər yerə hakim olduğu sistemdir.

Qınayanın qınağından çəkinməyən, yalnız Allahdan qorxan, heç bir mənfəət arxasında olmayan, bütün həyatını İslama həsr edən, bütün mənliyi ilə İslama xidmət edən, səhabə əxlaqını, İslamı yaymaq üçün səy göstərən, müasir, ziyalı, incəsənətdən və keyfiyyətdən zövq alan bir cəmiyyətik. Bizim bu xarakterimiz İslama qarşı olan bütün kütlələrə sanki mənəvi zərbə olur.

İslam adından sevgisiz, zorakılığa əsaslanan bir dünya modelini müdafiə edənlər İslamı deyil, müşrik sistemi müdafiə edirlər. Müşrik sistem ilə İslam eyni deyil.

Din cənnətdir. Dini cəhənnəm kimi göstərənlərə qarşı həqiqi İslamdan həmişə bəhs edəcəyik.

Hər kəsdən şübhə edən bir növ paranoyya halıyla hərəkət etmək doğru olmaz. Təvəkkül edib, demokratiya və azadlığı müdafiə edərək hərəkət edilməlidir. İncəsənəti, keyfiyyəti ön planda tutaraq, birlik ruhunu gücləndirərək, İslam Birliyini məqsəd edib gözəl şəkildə irəliləmək lazımdır.

İran, İslam Birliyini sevgi ilə gözləyən bir ölkədir. Türkiyə ilə İranın ittifaq etməsi əhəmiyyətlidir.

Rəqs, musiqi, əyləncə, sevinc, söhbət, hamısı İslamdadır. İslamın yaşanmadığı heç bir yer olmaz. İslam həyatın hamısıdır, İslam hər yerdə yaşanar.

Allah dini həm zövqlü, həm də insan fitrətinə uyğun şəkildə yaradıb. Dinsiz həyat cəhənnəm kimidir. Lakin bəziləri dini cəhənnəmə döndərmək istəyir.

Bəziləri İslam Birliyini istəməyən, məzlumları qorumağa çalışmayan, əzilməyə səs çıxarmayan bir müsəlman modelinin yaranmasını istəyirlər.

Əbdüləzizin ən böyük hədəflərindən biri İslam Birliyi idi. Müasir, ziyalı dindardı və darvinizmə qarşı çıxan bir insan idi.

Allah Quranda müsəlmanların çətin vaxtlarında bir vəli istəmək üçün dua etdiklərini bildirmişdir. Mənəvi lider istəmək Quranın əmridir.

Buddistlərin lideri var, musəvilərin, masonların lideri var, böyük şirkətlərin belə bir lideri var, niyə müsəlmanların lideri olmasın?

Buxari və Müslimdə İsa Məsihin yer üzünə enəcəyi və müsəlmanların mənəvi liderinin arxasında namaz qılacağı bildirilir. Məhz bu lider Mehdidir.

İslam aləminin parçalanmış olmasından istifadə edib uşaq-qoca müsəlmanları əzirlər. İslam aləmi bir mənəvi lider ətrafında birləşməlidir. Müsəlmanların mənəvi lideri olsa, bu lider ətrafında birləşmiş olsalar, radikalizm də, terror da qalmaz. Sülh olar.

Müsəlmanların mənəvi liderinin olması lazım olduğu, müsəlmanların bu mənəvi lideri göndərməsi üçün Allaha dua etmələri Quranda bildirilmişdir.

Həm şiələrin, həm də sünnilərin qəbul edəcəyi mənəvi lider Mehdi (ə.s)-dır. İslam aləmi təkcə Mehdi (ə.s) ətrafında birləşəcək.

Mehdinin liderliyi siyasi mənada olmayacaq. Mehdi sevgini öyrədən, ədaləti təmin edən mənəvi lider olacaq.

"Xoşbəxt olmağın yolları" adlı saysız-hesabsız kitablar yazılır, insanlara bir çox mənasız öyüdlər verilir. Halbuki xoşbəxtlik yalnız imanla yaranan nemətdir.