Adnan Oktar A9 TV; 3 dekabr 2017

Allah Atatürkə qəni-qəni rəhmət eləsin. Demək olar ki, bütün İslam ölkələri təlatüm içində olarkən, Atatürkün qurduğu sistem sayəsində Türkiyə Yaxın Şərqin ən müasir, İslamı ən gözəl yaşayan ölkəsi oldu. Onu rəhmət və hörmətlə yad edirik.

Allah insanların tam olmayacaq dedikləri vaxtda qurtuluşu yaradar. Hz. Musa və yanındakılar dənizin kənarına gəlir, ələ keçirildikləri düşündükləri anda Allah onları xilas edir. Bu, imtahanın bir hissəsidir. Mehdi də insanların; "artıq çox gecikdi, artıq Mehdi zühur etməyəcək” dedikləri dövrdə zühur edəcək. Xüsusilə münafiqlər "mehdiyyət yoxdur, olsaydı zühur edərdi” deyə ümidsizlik yayacaqlar, lakin mütləq mehdiyyət haqq olaraq zühur edəcək. (Xalq tam zühurdan ümidini kəsdiyi anda Mehdi zühur edəcəkdir! Onun dövründə yaşayıb ona kömək edənlərə necə xoşbəxtdirlər! MEHDİYƏ DÜŞMƏNÇİLİK BƏSLƏYİB, MEHDİYƏ VƏ ONUN ƏMRİNƏ QARŞI ÇIXANLARIN VƏ MEHDİNİN DÜŞMƏNLƏRİNDƏN OLANLARIN VAY HALINA! (Şeyx Məhəmməd ibn İbrahim Numani, "Qeybəti Numani", səh. 301)

Allah Özünü aşkar etməz. Allahın Özünü gizlətməsi Allahın sənətidir və İlahlığının mükəmməlliyidir. Allah Özünü 70 min pərdə ilə gizlədər, biz o pərdələri aça-aça Onu tapmalıyıq. Murdar insanların Allaha çata bilməməsi mömin üçün nemətdir. Dürüst, yaxşı, gözəl olanların Allaha çatması isə çox zövqlü yarışdır.

Allah qorusun Suriyalı bacı-qardaşlarımızı Türkiyəyə almasaydıq, onları ölümə tərk etmiş olacaqdıq. Bir insanı ölümə tərk etmə ehtimalı olduğu zaman əlimizdən nə gəlsə edib onu xilas etmək vicdani məsuliyyətdir. Əgər belə vəziyyətdə biri, "buraxın ölsünlər" deyirsə bu vicdansızlığı necə qazanmış olduğunu sosioloji olaraq araşdırmaq lazımdır. Bizim millətimiz heç vaxt belə vicdansızlığı qəbul etməz.

Allah Quranda münafiqlərin müsəlmanları həmişə təqib etdiklərini bildirir. Müsəlmanları təqib edərkən həmişə dini dinlədikləri üçün əzabları daha da ağırlaşır. Münafiqin edəcəyi hər həmlə taledə bəllidir. Nə irəli, nə geri gedə bilər. Allahın təqdir etdiyi qədər fəaliyyət göstərə bilər. Onun hər fəaliyyəti onu bəlaya sürükləyən hərəkətdir.

Allaha iman gətirməyən insanın həqiqi mənada xoşbəxt olması qeyri-mümkündür. Səhər oyanır duş qəbul edir, işə gedir, gəlir, ertəsi gün yenə eyni şeyləri təkrarlayır və sonunda da yox olacağına inanır. Belə həyatda insanın xoşbəxt olması qeyri-mümkündür. Həyat təkcə Allaha imanla mənalı olar. İmanla həyatın hər hissəsi sevinc vəsiləsidir.

Allahdan ən çox, Allahın qəlbimizə dərin iman həkk etdirməsini və Onu sevməyi istəməliyik. Allaha dərin imanla, səmimi imanla bağlandığımız zaman hər şey çox gözəl olar.

Allahı zikr etmək Allahın həmişə qəlbdə saxlanılması, həmişə yaddaşda olması, şüurda olmasıdır. İnsanın Allahı həmişə sevməsi, ağlında Allahı təfəkkür etməsi, düşünməsi, Allahın möhtəşəm sənətini, əbədiliyini qəlbində saxlamasıdır.

Allahın dünyada çox sayda qadın yaratması Allahın möminlərə rəhməti, bərəkəti, lütfüdür. İnsanların yarısının qadın olması Allahdan çox böyük nemətdir. Qadın Allahın ən görkəmli, ən həyəcan verici nemətidir. Allahın ən gözəl təcəllisidir. Allahın Rəhman, Rəhim, Nur və Cəlal adlarının təcəllisidir. Qadın quzu kimi tərtəmizdir. Çox nəzakətli, nazənin varlıqdır. Qadını hər zaman şəfqətlə, mərhəmətlə, hörmətlə dəyərləndirmək lazımdır. Qadın eşqin, ehtirasın qapısıdır. Eşqi ən mükəmməl şəkildə yaşayacağımız, Allahın verdiyi mükəmməl nemətdir. Qadın Allahın təcəllisi olaraq sevilər. Qadını sevmək, qadına heyran olmaq Allahı sevmək, Allaha heyran olmaqdır.

Allahın rizasının ən çoxu vicdana həmişə vəhy edilər. Vicdana fasiləsiz vəhy olması möcüzədir. İnsan tək buraxılmayıb. Allah nə istədiyini insana həmişə hiss etdirər.

Allahın rizasının ən çoxunu qazanmaq üçün Allahın hər an vicdanımıza vəhy etdiyi bilginin nə olduğuna baxmaq lazımdır. Məsələn, biz axşam veriliş yayımlamaq əvəzinə yemək dəvətinə gedə bilərik. Orada da müsəlmanlar söhbət edəcək, Allah rizası var deyə bilərik. Lakin burada milyonlarla insana müraciət etmək imkanı var. Gəlib veriliş yayımlamaq Allahın rizasının ən çoxu olur. Bu yolla anbaan Allahın vəhy etdiyi doğrunu izləyərək Allahın rizasının ən çoxunu anlayarıq.

Anadolu rumiliyi ilə ingilis rumiliyi iki ayrı şeydir. İngilis rumiliyində homoseksuallıq və darvinizm var, haramlar halal edilir və haşa özünü Allahdan üstün görmək var. Biz ingilis rumiliyini tənqid edirik, Anadolu rumiliyini deyil.

Axirəti və dünyanın məqsədini düzgün dərk etmələri üçün insanların əvvəlcə təməldəki baxış prizmalarını elmi, düzgün zəminə hakim etmələri lazımdır. İnsanlar maddə var, maddədən ruh meydana gəlir inancına sahibdirlər. Beynimiz olmasa hiss, duyğu, şüur olmaz zənn edirlər. Tam əksinə, ruhdan maddə əmələ gəlir. Əldə konkret olan dəlil ruhdur. Maddəyə aid konkret dəlil yoxdur. Lakin ruha aid konkret dəlil var. Maddə inanc olaraq var. Olması lazımdır deyirik. Nəyə görə? Beynimizin içində ruhun gördüyünə görə. Beynimin içində gördüyümə görə xarici aləmdə də olması lazımdır deyir insanlar. Dolayısilə maddə inanc olaraq var, ruh isə qəti konkret olaraq var. Ruhun meydana gətirdiyi görünüşə maddə deyirik. Bu elmi həqiqətdir. Bunu anlayan axirəti, dünyanın həqiqətini də çox dəqiq anlayar.

Bacı-qardaşlarımız həqiqi İslama, Quran müsəlmanlığına alışmadıqları üçün həqiqi İslamı gördükləri zaman təəccüblənirlər. Dəhşət, nəzakətsizlik, incəsənətsizlik, keyfiyyətsizlik, təzyiq, əziyyət, şirk İslamında var. Quran müsəlmanlığında isə fərəhlik, sevinc, aydınlıq, keyfiyyət, nur, gözəllik, rahatlıq, azadlıq var. Haqq gəldi batil yox oldu. Quran İslamı, şirk İslamının əsassızlığını ortaya qoydu.

Bərzaninin ağıllı, ziyalı, dinamik, darvinizmə materializmə qarşı şüurlu, fəaliyyət və inanc sahibi bir gənclik yetişdirməsi lazımdır. Şüurlu, imanlı gənclik strukturu olmadan PKK-ya qarşı müvəffəqiyyətli olması çox çətin olar.

Bir insanın xilas olması üçün çox səmimi olması kifayətdir. Allah bizim sadəcə səmimi olmağımızı istəyir. Səmimi olan qulu Allah mütləq doğruya çatdırar, çünki Allah mərhəmətlidir, sevəndir, şəfqətlidir. Bizim xilas olmağımızı istəyər. Biz sadəcə çox səmimi olmalıyıq.

Bir tərəfdə sevgini dərindən yaşayan və böyük həzz alan möminlər, digər tərəfdə isə heç cür sevgini öyrənə bilməyən məxluqlar var. Sevgini öyrənən gözəl yaşayır, sevgini öyrənə bilməyən isə əzab içində hər gün daha da çirklənərək yaşayır. Bunların üzü çirkin, danışığı pis, səsi pis olur. Yenə də bunların dəyişməsi üçün səbirlə izah etməkdə fayda var.

Cəhənnəmin mövcudluğu insanın təhsili üçün lazımdır. Cəhənnəmin mövcudluğu eyni zamanda cənnət əhlini motivasiya edər. Gözəllik müqayisə ilə olar. Hər kəsin gözəl olduğu mühitdə gözəlliyin dəyəri o qədər bilinməz. Cəhənnəm müqayisə olması üçün xüsusi olaraq yaradılıb.

Cənnətdə dünyadakı kimi səbəb-nəticə əlaqəsi yoxdur. Musiqi dinləmək üçün musiqi alətinin olması şərt deyil. Bir fincan da mahnı söyləyə bilər, ağaclar da. İnsan bir şeyi istədiyi zaman həmin anda olar. Dünyada ayaqqabı insanın ayağını qorumaq üçün mövcuddur, cənnətdə isə təkcə bəzək olaraq ayaqqabı geyinilər.

Dünyanın 5-dən böyük olması üçün mütləq İslam Birliyinin olması əsas şərtdir. Buna görə də, Tayyib hocamın israrla İslam Birliyi çağırışı etməsi doğru və gözəldir.

Elçilərin ətrafında onları çox sevən insanlar olması tarix boyu bütün münafiqlərə çox təsir etmişdir. Firon kitabələrində belə Musanın ətrafında onu çox sevən insanların olması qeyd olunmuşdur. Allahın elçiləri insanlara çox sevdirməsinə münafiqlər həmişə həsəd aparmışdır.

Fələstin və İsraili barışdırıb normal yaşamalarını təmin etmək lazımdır. Bu torpaqların sülh yurdu halına gəlməsi lazımdır. O divarlar, polislər, əsgərlər olmadan yaşanılan torpaqlar olması üçün səy göstərməyimiz lazımdır. Sərt, davakar üslubdan həmişə qaçmaq lazımdır. Münaqişədən bir nəticə çıxmaz. Sevgi və qardaşlıqla həll yolu tapmaq lazımdır.

100 minə yaxın gənclə görüş keçirdik. Hamısı müasir, sevgi dolu, sülh və dostluqdan yanadır. Qadınların dəyər görməsini istəyir, dini sevirlər. Məhz bu Quran müsəlmanlığının və mehdiyyətin sürətli inkişaf etdiyinin sübutudur.

2023-cü il Allahın icazəsi ilə münafiqlərin elmi yolla tam məğlubiyyətə uğradığı günlər olacaq. Qanunla, elmlə, irfanla, hüquqla İngiltərə dərin dövlətinin Türkiyədəki bütün xainlərinin fəaliyyətlərini zərərsizləşdirəcəyik.

2023-cü il fərəhlik və aydınlıq olacaq inşaAllah. 2071-ci ilə qədər dünyanı abadlaşdırmağa davam edəcəyik, möhtəşəm gözəlliklər görəcəyik Allahın icazəsi ilə. İnsanlar ilk dəfə dünyanı belə gözəl görəcəklər. Tayyib hocam da Allahın icazəsi ilə 2023-cü ildə bu millətin başında olacaq.