Adnan Oktar A9 TV; 15 avqust 2017

Allah bütün dünyanı mehdiyyətə doğru yönləndirir. Bütün baş verənləri yaradan Allahdır. İnsanlar hz. Mehdi hadisələri hazırlayır zənn edirlər, bu doğru deyil. Mehdi, Allahın yaratdığı hadisələr ardıcıllığının nəticəsində qarşımıza çıxacaq və hakimiyyətə vəsilə olacaq insandır. Mehdiyyətin əsas hədəfləri sevgisizliyin və ədalətsizliyin aradan qalxmasıdır. Bütün insanların axtarıb istədiyi mehdiyyətdir.

Allah yolunda görülən işlərdən pul alınmaz, mənfəət gözlənilməz.

Allahı çox sevsək, yeganə eşqimiz olan Allahı çox zikr etsək, Ona çox yaxın olsaq Allah bizə həmişə doğru yolu göstərər.

Bir hədis reallaşdısa, bu hədisin doğru olduğunu anlayarıq.

Doğru yol vicdana tabe olmaqdır, vicdana tabe olan ağıllı olar. Romantizmə və "məntiqə" tabe olan isə ağıldan tamamilə uzaqlaşar.

Dünyanın yaşlandığı hər yerdə görünür. Göy də, yer də, sanki xərçəng oldu, ölümə doğru gedir. Qiyamətin yaxın olduğu görünür.

Dünyaya İslamın doğru yol izini, mehdiyyətin, Quranın sevgi, sülh, qardaşlıq izini buraxacağıq. Bütün dünyanın şən olmasını istəyirik.

Ərəb nifrəti doğru deyil, millətimizin ənənəsinə də, inancına da uyğun deyil. İman edən insan irqə görə qiymətləndirmə aparmaz.

"Ey Rəbbim Sən mənim hər şeyimsən, Səni canımdan çox sevirəm, mənə yol göstər" deyə dua edənə Allah mütləq yol göstərər.

İnsan bəzən yuxusunda həyatına dair işarələr görə bilər, lakin bunu vəhy kimi qəbul etməsi əsla doğru olmaz.

İnsanın ağlı zəifdir, Allahın ağlı sonsuzdur. Biz bir şeyin dərhal olmasını istəyərik, lakin Allah hadisələri ən doğru zamanda ən gözəl şəkildə yaradar.

Məktəblərdə və iş yerlərində idman məcburi olmalıdır, lakin mütləq doğru idman məsələsində də xalqın məlumatlandırılması lazımdır.

Mən təkcə Allahdan qorxuram. Doğru hesab etdiyim hər mövzunu rahat-rahat izah edərəm.

Pulu yığıb toplamaq, xeyir üçün xərcləməmək bərəkətsizlik gətirər. Pul Allah yolunda xərcləndikcə bərəkətlənər.

Dini izah edərkən ödəniş alınmasını haram gördüyüm üçün, kitablarımın heç birindən müəllif haqqı almıram. Təbliğdən pul alınmaz.

Həkimlərdən heç yerdə pul alınmaması lazımdır. Ümumi adət və əxlaq olaraq həkimlərdən pul alınmaması hakim olmalıdır. Onlar insan canı üçün bütün həyatlarını həsr edirlər, insanların da onları qoruması lazımdır. Bütün xəstəxanalarda səhiyyə işçilərinin hücuma məruz qalması riskinə qarşı təhlükəsizlik kameraları olsun. Həkimlərə hər yerdə sevgi və hörmət göstərilsin ki, əhvali-ruhiyyələri yüksək olsun. Bir həkim ailəsi ilə restorana gəldikdə pul alınmaz. Bazara çıxdıqda; "həkim, xoş gəlmisiniz" deyə hörmətlə qarşılanmalıdır. Həkimlərə hörmət göstərmək və həyatlarını asanlaşdırmaq ümumi əxlaq prinsipi olaraq hakim olmalıdır.

İnsan daş üstündə yaşasa belə baxışı, sözü, davranışları ilə keyfiyyətini göstərər. Pul keyfiyyətin əsas şərti deyil.

İnsanda tez-tez unutma meyli vardır. Allahı unutmamaq məsələsində insan iradə işlətməlidir. İnsanların çoxlu pulu olduğu zaman səhər-axşam o pulu unutmaz və o pulun mövcudluğu həmişə onu motivasiya edər. Möminin zənginliyi, ən böyük sonsuz zənginliyi imandır. Həqiqi imana sahib olan insanın bütün dünya və kainat əmrinə tabe olar. Çünki Allahın ruhu bütün dünyaya hakimdir.

İran ilə Türkiyənin ticarətdə öz pul vahidindən istifadə etməsi çox doğru təşəbbüsdür. Türkiyə, İran, Rusiya, Çin aralarında həmişə öz pul vahidləri ilə ticarət etsinlər.

Mal toplama hərisliyi eqoist insanlarda müəyyən mənada ruhi xəstəliyə dönür. Pul əldə saxlanıldığı zaman bərəkətsizlik və iqtisadi böhran olar. Pul xərclənildikdə isə bütün dünyaya bərəkət gələr. Xərcləməkdən qorxmamaq lazımdır. Sən xərcləyəcəksən hər kəs xərcləyəcək o zaman heç kəs ehtiyac içində qalmaz. Xərcləndikcə zənginlik olar.

Mən heç bir kitabımdan müəlliflik haqqı almıram. Bütün kitablarım internetdə pulsuz yayımlanır. Heç bir malım, mülküm yoxdur. Mən pulu toplamaram. Pul toplanılmaz, Allah yolunda xeyir və gözəllik üçün dərhal xərclənər. Ən kiçik malım belə olduğu zaman onu dərhal Allah üçün xərcləyərəm.

Pulu saxlamaq bərəkətsizlik gətirər. İqtisadi böhranların səbəbi pulun saxlanılmasıdır. Pul hərəkətdə olduğu zaman böhran əmələ gəlməz. İqtisadiyyatın sağlam olması üçün pulun mütəmadi xərclənməsi lazımdır.

Zənginlik malı paylamaq üçün vardır. Pul xeyir üçün istifadə edildiyi zaman həmişə xeyir gətirər.

İslamı və dini izah etmək heç vaxt qarşılıq gözləyərək olmaz. İnsanın İslamı izah etdiyi üçün pul alması Qurana uyğun deyil.

1400 il ərzində tale həmişə Peyğəmbərimiz (s.ə.v)-in dediyi kimi inkişaf etdi, bundan sonra da belə inkişaf edəcək. Bu əzabların sonunda gözəl günlər var.