Adnan Oktar A9 TV; 22 may 2017

Gözəlliyin ən gözəlini əldə etməyə keyfiyyət deyilər. Keyfiyyətli insan da sevməkdən və sevilməkdən xoşlanan, gözəlliyə aşiq olan varlığa deyilər.

Hər yeri Allahın ağlının əhatə etdiyini bilən insan bütün diqqətini ən çox Allaha yönəldər.

Qadın da, kişi də zər aləmində eyni anda yaradılıb.

Qarşısındakı insanı Allahın təcəllisi olaraq görməyən, Allah sevgisini bilməyən biri, şəfqəti, mərhəməti də bilməz.

Dünyanın ən gözəl zinəti olan qadınların dəyərini bilməmək insanların Allaha sevgi və hörmətlərinin çatışmazlığından olur.

İmtahanın olması, bu cür təhsildən keçmək, cənnətin məna qazanması üçün vacibdir. Əziyyət çəkməyən dərinlik qazana bilməz. Dərinliyin, ehtirasın və sevginin yaranması üçün səbir, sədaqət, vəfa lazımdır, bunları da ən gözəl imtahanla qazanarıq.

İncəsənət, gözəllik, estetika axtarmadan paltarın, evin, mebelin təkcə funksional olmasına əhəmiyyət vermək çox böyük çatışmazlıqdır, keyfiyyət yoxluğudur.

Dostluq, qardaşlıq, vəfa inkişaf etmir, lakin texnologiya inkişaf edir. Texnologiyanın inkişafının sevgi ilə paralel olmasını mehdiyyət təmin edəcək.

Quran çərçivəsində ruhən və bədən cəhətdən özümüzü mükəmməlləşdirməklə məsuluq. Quran ruhu gözəlliyi artırmağı tələb edir.

Səmimiyyətin tək yolu Allahı çox sevmək, Allahdan qorxmaqdır. Küfr anlayışında səmimiyyət ən böyük saflıq kimi görünür halbuki tam əksidir. Səmimi olduğu zaman əziləcəyini zənn edir, halbuki səbir etsə və səmimi olsa hər insan həm dünyada, həm də axirətdə çox gözəl yaşayar.

Heyrətverici şəkildə qadın sevgisində, uşaq sevgisində, insan sevgisində çatışmazlıq görünür. Bu sevgisizlik ruhu mehdiyyətlə aradan qalxacaq.

Əzab, əziyyətlər və səbir insanları gözəlləşdirər. Əziyyət çəkən insanlarda kəskin gözəllik olar. Əziyyət çəkməyənlərdə isə kütlük meydana gələr.

Səbir əvvəlcə yorucu kimi görünər. Lakin əslində müsəlman səbirlə ruhən və bədən cəhətdən daha sağlam və gümrah olar, bərəkət tapar.

Zorakılığı zorakılıqla aradan qaldırmaq dəccaliyyət üsuludur. İslama görə pis yaxşı ilə, sevgisizlik sevgi ilə, ağılsızlıq ağılla yox edilər.

Qadın Allahın təcəllisi, mübarək varlıq kimi görülsə qadın hüquqları qorunar. Qadın təkcə Allahın hədiyyəsi, nemət olaraq görülsə bu qadını ucaldar, rahat olmasını təmin edər, yoxsa feminizm kimi məntiqlərlə olmaz.

Şeytan diqqəti yayındıra bilər, unutqanlığa səbəb ola bilər, şüur altına pislik pıçıldayar. Ağlı və imanı güclü olan bunlara qarşı kəskin rəftar göstərər.

Qadının ruhuna ən çox təsir edən ehtiras, dərinlik, ağıl və sevgidir. Qarşısındakında ağıl və dərinlik görməyən qadın mənəvi cəhətdən ölmüş deməkdir.

Dostlarım Allahı çox sevən, Allahdan qorxan, sevgini, mərhəməti bilən, nəzakətli, keyfiyyətli insanlardır. Bir çox insan dostluğumuzu qısqanır. Bizim dostluğumuzu qısqananlar öz cəhənnəm kimi dünyalarından qəzəblə bizi izləyirlər, biz öz cənnət kimi dünyamızda yaşayırıq.

Sevgisizlik milli fəlakətdir. Dövlətin sevgisizliyin necə bəla olduğunu görüb buna görə mədəni tədbir alması lazımdır. Dövlətimiz sevgi səfərbərliyi başlatsın. Hər kəsin bir-birinə sevgi, mərhəmət göstərməsi lazımdır. İnsanları, bitkiləri, heyvanları sevmək əhəmiyyətlidir.

İnsanlara şəfqət və sevgi ilə yaxınlaşmaq, dost olmaq lazımdır. İman təbliği sevgi və mərhəmətlə edilər.

Zaman keçdikcə qarşındakı insanın vəfasını, sədaqətini, şəxsiyyətini, fədakarlığını gördükcə insan daha çox sevər. Yaşla, zamanla sevgi azalmaz.

Allahı inkar edən, Allahı anlaya bilməyən bir insanın sevgini yaşaması mümkün deyil. Allaha vəfa göstərməyən sənə necə vəfa göstərsin. Allahın sənətini görə bilməyən, sənin gözəlliyini necə görsün. Allaha təşəkkür etməyən sənin necə qiymətini bilsin. İman olmadan sevgi olmaz. Allahı sevə bilməyən Onun gözəlliklərini görə bilməyən insanı heç vaxt sevə bilməz.

“Qızıl Alma” idealı İslam Birliyinin digər adıdır. Quranın sevgi dolu ruhunun dünyaya hakim olmasıdır. İmansız “Qızıl Alma” olmaz.

Qeybət haramdır. Allah qorxusu və Allah sevgisi olmadıqda bəzi insanlar güclü istəklə dedi-qodu edirlər.

Allah sevgisi olduğu zaman insan hər şeyin ən gözəlini axtarar və ən gözəlini etməyə çalışar, bu vaxt həyat çox keyfiyyətli olar.